କନକ ବ୍ୟୁରୋ: ବାୟୁସେନାରେ ସାମିଲ ହେବା ପାଇଁ ଅଗ୍ନି -୪ କ୍ଷେପଣାସ୍ତ୍ରର ଚୂଡାନ୍ତ ପରୀକ୍ଷଣ ସଫଳ ହୋଇଛି । ବାଲେଶ୍ୱର ଚାନ୍ଦପୁର କ୍ଷେପଣାସ୍ତ୍ର ଘାଟିର ୪ନମ୍ବର ଲଂଚ ପ୍ୟାଡ୍ରୁ ଏହି ପରୀକ୍ଷଣ କରାଯାଇଛି । ୧୧ଟା ୫୦ରେ ଏହି ପରୀକ୍ଷଣ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି କ୍ଷେପଣାସ୍ତ୍ର ସେକେଣ୍ଡକୁ ୨.୫ କି.ମି ବେଗରେ ଗତି କରି ନିର୍ଦ୍ଧାରିତ ୧୬ ମିନିଟରେ ୪୦୦୦ କିଲୋମିଟର ପରିଧିରେ ଲକ୍ଷ୍ୟଭେଦ କରିବାର କ୍ଷମତା ବହନ କରୁଛି । ଏହି କ୍ଷେପଣାସ୍ତ୍ର ଓଜନ ୧୭ ଟନ ହୋଇଥିବାବେଳେ ଏହାର ଲମ୍ବ ୨୦ ମିଟର, ମୋଟେଇ ୨ ମିଟର ।
ଏହା ଏକ ଟନ୍ ଓଜନର ମାରକଶକ୍ତି ବହନ କରିବାକୁ ସମର୍ଥ । ଭାରତୀୟ ଜ୍ଞାନ କୌଶଳରେ ନିର୍ମିତ ପ୍ରତିରକ୍ଷା ଗବେଷଣା ପ୍ରତିଷ୍ଠାନ ଦ୍ୱାରା ଭାରତ ଡାଇନାମିକ୍ସ ଲିମିଟେଡ ଅଗ୍ନି-୪ର ନିର୍ମିତ ହୋଇଛି ।