ନବରଙ୍ଗପୁର : ବଡ ନୋଟ୍ ଅଚଳ ପରେ ମାତିଛନ୍ତି ଦଲାଲ । ବିଶେଷ କରି ଆଦିବାସୀ ଇଲାକାରେ ସକ୍ରୀୟ ହୋଇ ଉଠିଛନ୍ତି ଏହି ଦଲାଲ । ବେଧଡକ ଭାବେ ଚାଲିଛି ନୋଟ୍ ନିଲାମୀ । ନବରଙ୍ଗପୁର ଅଂଚଳର ଗରିବ ଆଦିବାସୀଙ୍କ ସରଳତାର ଫାଇଦା ନେଇ ସେମାନଙ୍କୁ ଲୁଟି ଚାଲିଛନ୍ତି ଛତିଶଗଡ଼ର ଦଲାଲ । ୫୦୦ଟଙ୍କିଆ ବଦଳରେ ଆଦିବାସୀଙ୍କୁ ୪୦୦ ଟଙ୍କା ଦେଇ ମାଲାମାଲ ହେଉଛନ୍ତି ଏହି ଦଲାଲମାନେ ।
Kanak News is now on WhatsApp
Join and get latest news updates delivered to you via WhatsApp
ଏବେ ଅମଳ ବେଳ ହୋଇଥିବାରୁ ବ୍ୟାଙ୍କ ଲାଇନରେ ଘଂଟା ଘଂଟା ଛିଡା ହେବାକୁ ସେମାନଙ୍କ ପାଖରେ ସମୟ ନାହିଁ । ଚାଷ କାମ ଛାଡି ବ୍ୟାଙ୍କ ଯିବାକୁ ନାରାଜ ହେଉଛି ଚାଷୀ । ଏହାର ସୁଯୋଗ ନେଇ ନିରୀହ ଆଦିବାସୀଙ୍କୁ ଠକିବା ପାଇଁ ଗାଁ ଗାଁ ବୁଲୁଛନ୍ତି ଦଲାଲ । ନିରୁପାୟ ହୋଇ ଶେଷରେ ଦଲାଲ ହାତରେ ବଡ ନୋଟ୍ ବିକ୍ରି କରିବାକୁ ବାଧ୍ୟ ହେଉଛନ୍ତି ଗରିବ ଲୋକ । ଆଉ ୫୦୦ ଟଙ୍କିଆ ନୋଟ ବଦଳାଇ ୧୦୦ ଟଙ୍କାର ମୁନାଫା କମାଉଛନ୍ତି ଦଲାଲ ।