କନକ ବ୍ୟୁରୋ: ଗଂଜାମରେ ଗଡୁନି ବସ୍ । ହଳଦିଆ ପଦରଠାରେ ହୋଇଥିବା ନୂତନ ବସ୍ଷ୍ଟାଣ୍ଡ ବିରୋଧରେ ଗଞ୍ଜାମ ବସ୍ ମାଲିକ ସଂଘର ଆନ୍ଦୋଳନ ଯୋଗୁ ଜିଲ୍ଲାର ପ୍ରାୟ ୬୦୦ରୁ ଅଧିକ ବସ୍ ଚଳାଚଳ ବନ୍ଦ ରହିଛି । ଫଳରେ ଯାତ୍ରୀମାନେ ନାହିଁ ନଥିବା ଅସୁବିଧାର ସମୁଖୀନ ହେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ହଳଦିଆ ପଦରଠାରେ ୧୨ କୋଟି ବ୍ୟୟ ଅଟକଳରେ ନିର୍ମାଣ ହୋଇଥିବା ନୂତନ ବସ୍ ଷ୍ଟାଣ୍ଡକୁ ନେଇ ଏହି ବିବାଦ ଦେଖାଦେଇଛି । ଦକ୍ଷିଣ ଓଡ଼ିଶାର ବ୍ରହ୍ମପୁର ବଡ ସହର ହୋଇଥିବାରୁ ଏଠାକୁ ଚିକିତ୍ସା ଓ ବ୍ୟବସାୟ ପାଇଁ ପ୍ରତିଦିନ ହଜାର ହଜାର ଲୋକ ଯାଆସ କରୁଥିବା ବେଳେ ଅସୁବିଧା ଭୋଗୁଛନ୍ତି । ଅନେକ ଯାତ୍ରୀ ଷ୍ଟେସନ ଓ ବସ ଷ୍ଟାଣ୍ଡରେ ବସି ରହୁଥିବା ଦେଖିବାକୁ ମିଳୁଛି ।
ଉଲ୍ଲେଖ ଥାଉ କି, ବ୍ରହ୍ମପୁର ଟାଉନ ସ୍ଥିତ ବସଷ୍ଟାଣ୍ଡ ସ୍ଥାନାନ୍ତରଣକୁ ନେଇ ବିବାଦ ଦେଖାଦେଇଛି । ଫଳରେ ଜୁଲାଇ ୧ ତାରିଖରୁ ଗଞ୍ଜାମ ଜିଲ୍ଲାର ସମସ୍ତ ବସ ଚଳାଚଳ ଠପ ହୋଇଯାଇଛି । ହଳିଆପଦରଠାରେ ୧୨କୋଟି ଟଙ୍କାରେ ନିର୍ମାଣ ହୋଇଛି ଏହି ବସଷ୍ଟାଣ୍ଡ । ତେବେ ନୂଆ ବସଷ୍ଟାଣ୍ଡକୁ ଗମନାଗମନ ସୁବିଧା ନଥିବାରୁ ବସ ମାଲିକମାନେ ଯିବାକୁ ମନାକରୁଛନ୍ତି । ଏହାକୁ ନେଇ ବସ ମାଲିକମାନେ ବସ ଚଳାଚଳ ବନ୍ଦ କରିଛନ୍ତି ।