କେନ୍ଦ୍ର ସଙ୍ଗୀତ ନାଟକ ଏକାଡେମୀ ପୁରସ୍କାର ୨୦୧୭! ସମ୍ମାନିତ ହେବେ ୪୨ ଜଣ କଳାକାର, ଓଡିଶାର ଦୁଇ ଜଣଙ୍କୁ ମିଳିବ ପୁରସ୍କାର ।
କନକ ବ୍ୟୁରୋ : ୨୦୧୭ ପାଇଁ ଘୋଷଣା ହୋଇଛି କେନ୍ଦ୍ର ସାହିତ୍ୟ ନାଟକ ଏକାଡେମୀ ପୁରସ୍କାର । ସଂଗୀତ, ନୃତ୍ୟ ଭଳି ବିଭିନ୍ନ କ୍ଷେତ୍ରରେ ପାରଦର୍ଶିତା ଦେଖାଇଥିବା ୪୨ ଜଣ କଳାକରଙ୍କୁ ଏହି ସମ୍ମାନଜନକ ପୁରସ୍କାର ପାଇଁ ମନୋନୀତ କରାଯାଇଛି । ଓଡିଶାର ବିଶିଷ୍ଟ ଓଡିଶୀ ନୃତ୍ୟଶିଳ୍ପୀ ସୁଜାତା ମହାପାତ୍ରଙ୍କୁ ଓଡିଶୀ ନୃତ୍ୟରେ ଅବଦାନ ପାଇଁ ଏବଂ ଛଉ ନୃତ୍ୟରେ ମୟୂରଭଞ୍ଜର ଜନ୍ମେଜୟ ସାଇବାବୁ ଏହି ସମ୍ମାନ ପାଇବାକୁ ମନୋନୀତ ହୋଇଛନ୍ତି । ନୂଆଦିଲ୍ଲୀରେ ହେବାକୁ ଥିବା ପୁରସ୍କାର ବିତରଣ ଉତ୍ସବରେ ରାଷ୍ଟ୍ରପତି ଉଭୟଙ୍କୁ ଏକ ଲକ୍ଷ ଟଙ୍କା ଲେଖାଁଏ ଅର୍ଥରାଶି ସହ ପୁରସ୍କୃତ କରିବେ । ସମଗ୍ର ଦେଶରୁ ୪୨ଜଣଙ୍କ ନାମ କେନ୍ଦ୍ର ଏକାଡେମୀ ପୁରସ୍କାର ପାଇଁ ଘୋଷଣା ହୋଇଥିବା ବେଳେ ଏମାନଙ୍କ ଭିତରେ ଦୁଇଜଣ ଓଡିଆ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୁଜାତା ମହାପାତ୍ର ୧୯୬୮ ମସିହାରେ ବାଲେଶ୍ୱରରେ ଜନ୍ମଗ୍ରହଣ କରିଥିବା ବେଳେ ପ୍ରଥମେ ସୁଧାକର ସାହୁଙ୍କ ଠାରୁ ଓଡିଶୀ ନୃତ୍ୟ ଶିକ୍ଷା କରିଥିଲେ । ପରେ ୧୯୮୭ ମସିହାରେ ଭୁବନେଶ୍ୱରରେ ଥିବା ଓଡିଶୀ ଗବେଷଣାକେନ୍ଦ୍ରରେ ପଦ୍ମବିଭୂଷଣ ଗୁରୁ କେଳୁଚରଣ ମହାପାତ୍ରଙ୍କ ଠାରୁ ଓଡିଶୀ ନୃତ୍ୟ ପ୍ରଶିକ୍ଷଣ ନେଇଥିଲେ । ଜନ୍ମେଜୟ ସାଇବାବୁ ଛଉକୁ ସୁଦୁର ପ୍ରସାରୀ କରିବାରେ ପ୍ରମୁଖ ଭୂମିକା ଗ୍ରହଣ କରିଛନ୍ତି । ତାଙ୍କର ଅନବଦ୍ୟ ଅବଦାନ ପାଇଁ ଏହି ସମ୍ମାନରେ ସମ୍ମାନୀତ କରାଯିବ । ୨୦୧୮ ଜୁନ ୮ ତାରିଖ ମଣିପୁର ଠାରେ ହୋଇଥିବା ସଂଗୀତ ନାଟକ ଏକାଡେମୀ ଜେନେରାଲ କାଉନସିଲ ମିଟିଙ୍ଗରେ ୪୨ ବିଭିନ୍ନ ଦିଗରେ ଅବଦାନ କରିଥିବା ୪୨ ଜଣ କଳାକାରଙ୍କୁ ଚୟନ କରାଯାଇଥିଲା ।
ସଂଗୀତରେ ପାଇବେ:
୧. ଲଲିଥ ଜେ ରାଓ-ହିନ୍ଦୁସ୍ତାନୀ ଭୋକାଲ
୨. ଉମାକାନ୍ତ ଏବଂ ରମାକାନ୍ତ ଗୁଣ୍ଡେଚା- ହିନ୍ଦୁସ୍ତାନୀ ଭୋକାଲ
୩.ୟୋଗେଶ ସାମସୀ- ହିନ୍ଦୁସ୍ତାନୀ ଇଂଷ୍ଟ୍ରୁମେଣ୍ଟାଲ-ତବଲା
୪.ରାଜେନ୍ଦ୍ର ପପ୍ରସନ୍ନ- ହିନ୍ଦୁସ୍ତାନୀ ଇଂଷ୍ଟ୍ରୁମେଣ୍ଟାଲ( ସାହାନାଇ/ବଂଶୀ)
୫. ଏମ.ଏସ ଶିଲା – କାର୍ନାଟିକ ଭୋକାଲ
୬. ସୁମା ସୁଧିନ୍ଦ୍ର- କାର୍ନାଟିକ ଇଂଷ୍ଟ୍ରୁମେଣ୍ଟାଲ( ବୀଣା)
୭. ତ୍ରିରୁଭାରୁର ସୁର୍ବମଣିୟମ- କାର୍ନାଟିକ ଇଂଷ୍ଟ୍ରୁମେଣ୍ଟାଲ( ମୃଦଙ୍ଗ)
୮. ସଶାଙ୍କ ସୁର୍ବମଣିୟମ- କାର୍ନାଟିକ ଇଂଷ୍ଟ୍ରୁମେଣ୍ଟାଲ( ବଂଶୀ)
୯. ମଧୁରାଣୀ- ସୁଗମ ସଂଗୀତ
୧୦. ହାଇମନ୍ତି ଶୁକଲା- ସୁଗମ ସଂଗୀତ
୧୧. ଗୁରୁନାମ ସିଂ- ଗୁରୁବାଣୀ
ନୃତ୍ୟ ବିଭାଗରେ ପାଇବେ:
୧. ରାମ ବୈଦ୍ୟନାଥନ- ଭାରତନାଟ୍ୟମ
୨. ଶୋଭା କୋସେର- କଥକ
୩. ମାଧବୀ ସୁର୍ବମଣିୟାନ- କଥକଲୀ
୪. ଏଲ.ଏନ ଓଇନାମ ଓଙ୍ଗି ଧୋନି ଦେବୀ- ମଣିପୁରୀ
୫. ଦୀପିକା ରେଡ୍ଡୀ- କୁଚିପୁଡି
୬. ସୁଜାତା ମହାପାତ୍ର- ଓଡିଶୀ
୭. ରାମକୃଷ୍ଣ ତାଲୁକଦାର- ଶାସ୍ତ୍ରୀୟ
୮. ଜନ୍ମେଜୟ ସାଇବାବୁ- ଛଉ
୯. ଅସିତ ଦେସାଇ- ମ୍ୟୁଜିକ ଫର ଡ୍ୟାନ୍ସ
ଥିଏଟର ବିଭାଗରେ ପାଇବେ:
୧. ଅମିରାମ ଭାଡକମାକର – ନାଟ୍ୟକାର
୨. ସୁନୀଲ ଶାଂବାଗ- ନିର୍ଦ୍ଦେଶନା
୩. ବାପି ବୋଷ- ନିର୍ଦ୍ଦେଶନା
୪. ହେମା ସିଂହ- ଅଭିନୟ
୫. ଦୀପକ ତିୱାରୀ- ଅଭିନୟ
୬. ଅନିଲ ଟିକୁ- ଅଭିନୟ
୭. ନୁରୁଦ୍ଦୀନ ଅହମଦ- ଷ୍ଟେଜ କ୍ରାଫ୍ଟ
୮. ଅବତାର ସାହାନୀ- ଲାଇଟିଙ୍ଗ
୯. ସୌଗ୍ରମକପାମ ହେମନ୍ତ ସିଂ- ସୁମଙ୍ଗ ଲୀଳା
ପାରମ୍ପାରିକ ନୃତ୍ୟ, ସଂଗୀତ ଓ ନାଟକ ବିଭାଗରେ ପାଇବେ:
୧. ଅନୱର ଖାନ ମାଙ୍ଗନ୍ୟର- ରାଜସ୍ଥାନୀ, ସଙ୍ଗୀତ
୨. ପ୍ରକାଶ ଖାଙ୍ଗଡେ- ମହାରାଷ୍ଟ୍ର, ଲୋକ କଳା
୩. ଜଗନ୍ନାଥ ବାୟାନ- ଆସାମ , ଲୋକ ସଂଗୀତ
୪. ରାମଚନ୍ଦ୍ର ମାଝୀ- ବିହାର , ଲୋକ ସଙ୍ଗୀତ
୫. ରାକଶେ ତିୱାରୀ- ଛତିଶଗଡ, ଲୋକ ନାଟ୍ୟ
୬. ପାର୍ବତୀ ବଳ- ପଶ୍ଚିମବଙ୍ଗ, ଲୋକ ସଙ୍ଗୀତ
୭. ସରବଜିତ କୌର- ପଞ୍ଜାବ, ଲୋକ ସଙ୍ଗୀତ
୮. କେ.ସି ରୁନରେମାଙ୍ଗସୀ- ମିଜୋରାମ , ଲୋକ ସଙ୍ଗୀତ
୯. ମୁକୁନ୍ଦ ନାୟକ- ଝାଡଖଣ୍ଡ, ଲୋକ ସଙ୍ଗୀତ
୧୦. ସୁଦୀପ ଗୁପ୍ତା, ପଶ୍ଚିମବଙ୍ଗ, କଣ୍ଢେଇ ନୃତ୍ୟ
କଳାରେ ସ୍କଲାରସିପ ପାଇଁ ବିଜୟ ବର୍ମା ଏବଂ ଓ ସମସ୍ତ ବିଭାଗରେ ଅବଦାନ ପାଇଁ ସନ୍ଧ୍ୟା ପୁରେଚା ସମ୍ମାନୀତ ହେବେ ।