୩୦ତାରିଖ ମଧ୍ୟରାତ୍ରୀରୁ ଲାଗୁ ହେବ ବସ୍ତୁ ଓ ସେବା କର ! ଅରୁଣ ଜେଟଲୀଙ୍କ ଅଧକ୍ଷତାରେ ବସିଲା ଜିଏସଟି କମିଟିର ୧୭ତମ ବୈଠକ
କନକ ବ୍ୟୁରୋ : ଜିଏସଟି ବା ବସ୍ତୁ ଓ ସେବା କର ଆସନ୍ତା ୩୦ତାରିଖ ମଧ୍ୟରାତ୍ରୀରୁ ଲାଗୁ ହେବ । ଏହା ସହିତ ଦେଶରେ ସବୁଠୁ ବଡ କର ସୁଧାର ବ୍ୟବସ୍ଥା କାର୍ଯ୍ୟକାରୀ ହେବ । ଏନେଇ ଅର୍ଥମନ୍ତ୍ରୀ ଅରୁଣ ଜେଟଲୀଙ୍କ ଅଧକ୍ଷତାରେ ଜିଏସଟି କମିଟିର ୧୭ତମ ବୈଠକ ହୋଇଯାଇଛି । ବୈଠକରେ ସରକାରୀ ଓ ପ୍ରାଇଭେଟ୍ ଲଟେରୀ ଉପରେ ଭିନ୍ନ ଭିନ୍ନ ଟିକସ ବସାଇବା ପାଇଁ ନିଷ୍ପତି ନିଆଯାଇଛି । ଅର୍ଥମନ୍ତ୍ରୀଙ୍କ ସୂଚନା ଅନୁଯାୟୀ ରାଜ୍ୟ ସରକାରଙ୍କ ଦ୍ୱାରା ସଂଚାଳିତ ଲଟେରୀ ଉପରେ ୧୨ପ୍ରତିଶତ ଓ ସରକାରଙ୍କ ଦ୍ୱାରା ମାନ୍ୟତା ପ୍ରାପ୍ତ ପ୍ରାଇଭେଟ୍ ଲଟେରୀ ଉପରେ ୨୮ପ୍ରତିଶତ ଟିକସ ଲଗାଯିବ ।
Kanak News is now on WhatsApp
Join and get latest news updates delivered to you via WhatsApp
ଜିଏସଟି କାଉଁସିଲ ବ୍ୟବସାୟୀଙ୍କୁ ଏକ ବଡ ସୁଯୋଗ ଦେଇ ରିଟର୍ଣ୍ଣ ଦାଖଲ କରିବା ପାଇଁ ଦୁଇ ମାସର ମହଲତ ଦେଇଛନ୍ତି । ଏହା ସହ ହୋଟେଲ ରୁମ୍ ଉପରେ ଜିଏସଟି ନେଇ ନିଷ୍ପତି ହୋଇଛି । ହୋଟେଲ ରୁମ୍ ପିଛା ୭୫୦୦ରୁ ଉର୍ଦ୍ଧ ଭଡା ଉପରେ ୨୮ପ୍ରତିଶତ ଓ ୨୫୦୦ରୁ ୭୫୦୦ରୁ ମଧ୍ୟରେ ଥିବା ଭଡା ଉପରେ ୧୮ପ୍ରତିଶତ ଟିକସ ବସାଇବା ପାଇଁ ନିଷ୍ପତି ନିଆଯାଇଛି । ତେବେ ଆସନ୍ତା ୩୦ତାରିଖରେ ଜିଏସଟି କାଉଁସିଲର ପରବର୍ତ୍ତି ବୈଠକ ବସିବ ବୋଲି କହିଛନ୍ତି ଅରୁଣ ଜେଟଲୀ ।