ବାଲେଶ୍ୱର : ଗଣେଶପୂଜା ଭସାଣ ନେଇ ସୋରରେ ଦେଖା ଦେଇଥିବା ଉତେଜନା ବଢିବାରେ ଲାଗିଛି। ଏହାକୁ ନିୟନ୍ତ୍ରଣ କରିବା ପାଇଁ ଆଜି ସଂଧ୍ୟା ୬ରୁ ସକାଳ ୬ ଯାଏଁ କର୍ଫ୍ୟୁ ଲାଗୁ କରିଛି ପୋଲିସ । ଏହି ସମୟ ମଧ୍ୟରେ ଜାତୀୟ ରାଜପଥରେ ଗାଡିମଟର ଚଳାଚଳ ଓ ଜରୁରୀକାଳୀନ ସେବା ବ୍ୟତୀତ ସମସ୍ତ ଗତିବିଧିକୁ ବାରଣ କରାଯାଇଛି। ସ୍ଥାନୀୟ ଲୋକଙ୍କୁ ଏହି ସମୟ ମଧ୍ୟରେ ଘରୁ ବାହାରକୁ ବାହାରିବାକୁ ମନା କରାଯାଇଛି।
Kanak News is now on WhatsApp
Join and get latest news updates delivered to you via WhatsApp
ସେପଟେ ଆସନ୍ତାକାଲି ମୁସଲମାନ ସଂପ୍ରଦାୟଙ୍କ ବକରି୍ – ଇଦ୍ ପାଳନ ହେବ । ସେଥିପାଇଁ ସକାଳ ୮ରୁ ଦିନ ୨ ଟା ଯାଏଁ କଟକଣା ସାମାନ୍ୟ କୋହଳ କରାଯିବ। ମସଜିଦରେ ସେମାନେ ସାମୁହିକ ନମାଜ ପାଠ କରିପାରିବେ । କିନ୍ତୁ ଏହି ଅବସରରେ ବାହାରୁଥିବା ଜୁଲୁସ୍ ଓ ଅନ୍ୟାନ୍ୟ କାର୍ଯ୍ୟକ୍ରମ ଉପରେ ଜିଲ୍ଲା ପ୍ରଶାସନ କଟକଣା ଲଗାଇଛି । ଏହି କୋହଳ ସମୟରେ ଦୋକାନ ବଜାର ଖୋଲା ରହିବ ବୋଲି ଜଣାପଡିଛି । ଆଜି ପୋଲିସ ୮ ଜଣଙ୍କୁ ଗିରଫ କରିଥିବା ସୂଚନା ମିଳିଛି।