୨୦୧୯ରେ ନିର୍ବାଚନ ଲଢିବେ କି ଦ୍ରାବିଡ ? ଜାଣନ୍ତୁ ହସି ହସି କଣ ଉତ୍ତର ଦେଲେ ‘ଦ ୱାଲ’
ଅଧିକାଂଶ କ୍ରିକେଟର ଓ ସେଲିବ୍ରିଟି ୨୦୧୯ରେ ନିର୍ବାଚନ ମୈଦାନକୁ ଓହ୍ଲାଇବେ ବୋଲି ଏବେଠୁ ଚର୍ଚ୍ଚା ଜୋର ଧରିଛି । ଖାସକରି କ୍ରିକେଟର ଭାବେ ଗୌତମ ଗମ୍ଭୀର, ବିରେନ୍ଦ୍ର ସେହୱାଗ ଓ ରାହୁଲ ଦ୍ରାବିଡ ନିର୍ବାଚନ ଲଢିବେ ବୋଲି ଜୋରଦାର ଚର୍ଚ୍ଚା ହେଉଛି । ଆଉ ଏସବୁ ଭିତରେ ଯେତେବେଳେ ଭାରତୀୟ କ୍ରିକେଟର ଦ ୱାଲ ଭାବେ ପରିଚିତ ରାହୁଲ ଦ୍ରାବିଡଙ୍କୁ ଏବାବଦରେ ପ୍ରଶ୍ନ ପଚାରଗଲା ସେତେବେଳେ ସେ ନିଜ ହସକୁ ରୋକି ପାରିନଥିଲେ ।
Kanak News is now on WhatsApp
Join and get latest news updates delivered to you via WhatsApp
ଶୁକ୍ରବାର ଏକ କାର୍ଯ୍ୟକ୍ରମରେ ରାହୁଲ ଯୋଗ ଦେଇଥିବା ବେଳେ ଆଗାମୀ ବର୍ଷ ହେବାକୁ ଥିବା ସାଧାରଣ ନିର୍ବାଚନରେ ତାଙ୍କୁ ପ୍ରାର୍ଥୀ କରିବାକୁ କୌଣସି ଦଳ ସର୍ମ୍ପକ କରିଛନ୍ତି କି ନାହିଁ ପ୍ରଶ୍ନ ପଚରାଯାଇଥିଲା । ଆଉ ଏହି ପ୍ରଶ୍ନ ଶୁଣି ମୁରୁକି ହସିଥିଲେ ଦ୍ରାବିଡ । ଆଉ ସ୍ପଷ୍ଟ କରିଥିଲେ ତାଙ୍କର ରାଜନୀତିରେ ପ୍ରବେଶ କରିବାକୁ ଟିକିଏ ମଧ୍ୟ ଇଚ୍ଛା ନାହିଁ । ଏପରିକି ତାଙ୍କୁ କୌଣସି ଦଳ ପକ୍ଷରୁ ମଧ୍ୟ ସର୍ମ୍ପକ କରାଯାଇନାହିଁ ।
ପୂର୍ବରୁ ୨୦୧୪ରେ ଅଧିକାଂଶ କ୍ରିକେଟରଙ୍କୁ ନିର୍ବାଚନରେ ଦେଖିବାକୁ ମିଳିଥିଲା । ସେତେବେଳେ ମଧ୍ୟ ଫ୍ୟାବ ଫାଇଭ ଭାବେ ପରିଚିତ ସଚିନ ତେନ୍ଦୁଲକର, ଦ୍ରାବିଡ, ସୌରଭ ଗାଙ୍ଗୁଲି, ଭିଭିଏସ ଲକ୍ଷ୍ମଣ ଓ ବିରେନ୍ଦ୍ର ସେହୱାଗ ରାଜନୀତିରେ ଏଣ୍ଟ୍ରି ମାରିବେ ବୋଲି ଚର୍ଚ୍ଚା ହୋଇଥିଲା । କିନ୍ତୁ ସେତେବେଳେ ଏହି ଫ୍ୟାବ ଫାଇଭ ରାଜନୀତିରୁ ନିଜକୁ ଦୂରେଇ ରଖିଥିଲେ ।