ସରକାରଙ୍କ ବଡ ନିଷ୍ପତି ! ଏକରୁ ଅଧିକ ଡ୍ରାଇଭିଂ ଲାଇସେନ୍ସ ଜାରି କରିବା ଉପରେ ଲାଗିବ ଅଙ୍କୁଶ ।
ଡ୍ରାଇଭିଂ ଲାଇସେନ୍ସ ଜାରି କରିବାକୁ ନେଇ କୌଣସି ଆଇନ କାନୁନ ନଥିବା କାରଣରୁ ସାଧାରଣତଃ ଜଣେ ଲୋକ ପାଖରେ ଏକରୁ ଅଧିକ ଡ୍ରାଇଭିଙ୍ଗ ଲାଇସେନ୍ସ ହୋଇଯାଇଥାଏ । ଏପରି ପରିସ୍ଥିତିରୁ ବାହାରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏକ ବଡ ପଦକ୍ଷପ ନେବାକୁ ଯାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ବିନା ପରୀକ୍ଷଣରେ ଲାଇସେନ୍ସ ହାସଲ କରୁଥିବା ଲୋକଙ୍କ ଉପରେ ଲଗାମ ଲଗାଇବା ପାଇଁ ମୋଦି ସରକାର ଏକ ପ୍ରୟାସ ଆରମ୍ଭ କରିଛନ୍ତି । କେନ୍ଦ୍ରୀୟ ସଡକ ବା ପରିବହନ ମନ୍ତ୍ରୀ ନିତିନ ଗଡକରୀ ବିନା ପରୀକ୍ଷଣରେ ଲାଇସେନ୍ସ ମିଳିବା ଉପରେ ଅଙ୍କୁଶ ଲଗାଯିବ ବୋଲି ଗତ ଗୁରୁବାର ଦିନ ସ୍ପଷ୍ଟ କରିଛନ୍ତି । ସେ କହିଛନ୍ତି ଜଣେ ବ୍ୟକ୍ତିଙ୍କୁ ଅଲଗା ଅଲଗା ପ୍ରଧିକରଣରେ ଜାରି କରାଯାଉଥିବା ଅଲଗା ଅଲଗା ଲାଇସେନ୍ସ ଉପରେ ଅଙ୍କୁଶ ଲଗାଯିବ । ଏଥିପାଇଁ ଡ୍ରାଇଭିଙ୍ଗ ଲାଇସେନ୍ସର ଡାଟାବେସ ତିଆରି କରାଯିବ । ଯାହା ଫଳରେ ଜଣେ ବ୍ୟକ୍ତିଙ୍କ ନାମରେ ଏକରୁ ଅଧିକ ଲାଇସେନ୍ସ ଜାରି କରାଯାଇପାରିବ ନାହିଁ । ଗଡକରୀ ଏହା ମଧ୍ୟ କହିଛନ୍ତି କି, ବିନା ପରୀକ୍ଷଣରେ ଲାଇସେନ୍ସ ଜାରି କରିବା ଉପରେ ମଧ୍ୟ ଅଙ୍କୁଶ ଲଗାଯିବ । ଏଥିପାଇଁ ସରକାରଙ୍କ ତରଫରୁ କର୍ମଚାରୀ ମାନଙ୍କୁ ଏକ ଖାସ ପ୍ରଶିକ୍ଷଣ ମଧ୍ୟ ଦିଆଯିବାର ବ୍ୟବସ୍ଥା କରାଯାଉଛି । ଯଦି ଏପରି ହୁଏ ତେବେ ଦେଶରେ ହେଉଥିବା ଦୁର୍ଘଟଣାକୁ ଅତି ସହଜରେ ରୋକାଯାଇପାରିବ ବୋଲି ପରିବହନ ମନ୍ତ୍ରୀ ନିତିନ ଗଡକରୀ କହିଛନ୍ତି ।