କରୋନା ସ୍ଥିତି ନେଇ ଆସନ୍ତାକାଲି ମୁଖ୍ୟମନ୍ତ୍ରୀ କରିବେ ସମୀକ୍ଷା । ପୁଣିଥରେ କରୋନା ଲଢେଇରେ ସରପଞ୍ଚ ଓ ୱାର୍ଡମେମ୍ବରଙ୍କୁ ଦିଆଯିବ ଦାୟିତ୍ୱ ।
କନକ ବ୍ୟୁରୋ : ରାଜ୍ୟରେ କାୟା ମେଲାଉଛି କରୋନା । ଆଉ ଏହାକୁ ଦୃଷ୍ଟିରେ ରଖି ଆସନ୍ତାକାଲି କରୋନା ସ୍ଥିତିକୁ ନେଇ ସମୀକ୍ଷା କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଭିନ୍ନ ବିଭାଗର ସଚିବ, ଜିଲ୍ଲାପାଳ ଓ ଏସପିଙ୍କ ସହ ଆସନ୍ତାକାଲି ଏନେଇ ସମୀକ୍ଷା ବୈଠକ କରିବେ ନବୀନ । ଏନେଇ ସୂଚନା ଦେଇଛନ୍ତି ଏସଆରସି ପ୍ରଦୀପ ଜେନା ।
Kanak News is now on WhatsApp
Join and get latest news updates delivered to you via WhatsApp
ଗାଁ ଗୁଡିକରେ କୋଭିଡ ପରିଚାଳନା କମିଟିକୁ ପୁଣିଥରେ ସକ୍ରିୟ କରାଯିବ ।ସରପଞ୍ଚ, ୱାର୍ଡ ମେମ୍ବରଙ୍କୁ ପୁଣିଥରେ କରୋନା ଲଢେଇରେ ନିୟୋଜିତ କରାଯିବ । ବାହାରୁ ଗାଁକୁ ଆସୁଥିବା ଲୋକଙ୍କ ଉପରେ ନଜର ରଖିବେ । ସେହିଭଳି ଆଶାକର୍ମୀ ଓ ଅଙ୍ଗନୱାଡି କର୍ମୀ ମାନେ ଗାଁ ଗାଁ ବୁଲି କରୋନା ବାବଦରେ ଲୋକଙ୍କୁ ସଚେତନ କରାଇବେ । ଏହାଛଡା କରୋନା କଟକଣାକୁ କଡାକଡି କରାଯିବ । ଖାସକରି ମଲ, ବ୍ୟବସାୟିକ ପ୍ରତିଷ୍ଠାନ, ଭିଡ ହେଉଥିବା ସ୍ଥାନରେ କରୋନା ଗାଇଡଲାଇନକୁ କଡାକଡି କରାଯିବ । ଏଥିପାଇଁ ସମସ୍ତ ଏସପି ମାନଙ୍କୁ ପୋଲିସ ଡିଜି ନିର୍ଦ୍ଦେଶ ଦେଇଛନ୍ତି । ଏବେ ରାଜ୍ୟରେ ପ୍ରତିଦିନ ୨୬ ହଜାର ଟେଷ୍ଟିଂ ହେଉଛି । ତେବେ ଅନ୍ୟ ରାଜ୍ୟ ତୁଳନାରେ ଓଡ଼ିଶାରେ ସଂକ୍ରମଣ କମ ରହିଛି ।