ଶ୍ରଦ୍ଧାଙ୍କ ପାଇଁ କଡା ନିୟମ ! ସୁଟିଂ ସେଟରେ ମୋବାଇଲ୍ ଧରିବାକୁ ବାରଣ କଲେ ନିର୍ଦ୍ଦେଶକ
ବଲିଉଡ ଜଗତର ଚୁଲବୁଲି ନାୟିକା ଶ୍ରଦ୍ଧା କପୁରଙ୍କୁ ଏବେ ନିଜ ମୋବାଇଲ ଛୁଇଁବା ମନା । ଆଉ ସେ ପୁଣି ସୁଟିଂ ସେଟରେ । କଥାଟା ଶୁଣିଲେ ଆପଣ ଚକିତ ହୋଇଯାଇଥିବେ ନିଶ୍ଚୟ । ମାତ୍ର ଏହା ବାସ୍ତବ ଅଟେ । ଶ୍ରଦ୍ଧା ବର୍ତ୍ତମାନ ତାଙ୍କ ଆଗାମୀ ସିନେମା ‘ହସିନା’ର ସୁଟିଂ କାମରେ ବ୍ୟସ୍ତ ଅଛନ୍ତି । ଆଉ ଏହି ସେଟରେ ତାଙ୍କୁ ନିଜ ଫୋନ ଆଉ ଘଂଟାଠାରୁ ଦୂରେଇ ରହିବାକୁ ବାରଣ କରାଯାଇଛି । ଆଉ ଏହି ନିୟମ ଜାରି କରିଛନ୍ତି ଏହି ସିନେମାର ନିର୍ଦ୍ଦେଶକ ଅପୂର୍ବ ଲଖିୟା ।
Kanak News is now on WhatsApp
Join and get latest news updates delivered to you via WhatsApp
ତେବେ କେବଳ ଶ୍ରଦ୍ଧା କାହିଁକି ସିନେମାର ବାକି ଅନ୍ୟ କଳାକାରଙ୍କ ପାଇଁ ମଧ୍ୟ ଏଭଳି ନିୟମ ଜାରି ହୋଇଛି । ପ୍ରକୃତ ଘଟଣାଟି ହେଲା, ସିନେମା ‘ହସିନା’ରେ ଶ୍ରଦ୍ଧାଙ୍କ ଭୂମିକା ରହିଛି ପ୍ରଖ୍ୟାତ୍ ଅଣ୍ଡରଗ୍ରାଉଣ୍ଡ ଡନ ଦାଉଦ ଇବ୍ରାହିମର ଭଉଣୀ ହସିନା ପାରକରଙ୍କ ଚରିତ୍ର । ଏଥିପାଇଁ ସୁଟିଂ ସେଟର ଡିଜାଇନ କରାଯାଇଛି ପାଖାପାଖି ୭୦, ୮୦ ଓ ୯୦ ଦଶକର ଦୃଶ୍ୟ ଭଳି । ଆଉ ଏହାକୁ ବାସ୍ତବିକ ରୂପ ଦେବାପାଇଁ ନିର୍ଦ୍ଦେଶକ ଏଭଳି ନିଷ୍ପତି ନେଇଛନ୍ତି । ଯାହାକୁ ମାନିବା ପାଇଁ ଶ୍ରଦ୍ଧାଙ୍କ ସମେତ ବାକି କଳାକାର ମଧ୍ୟ ବାଧ୍ୟ ହୋଇଛନ୍ତି ।
ଏହା ସହ ଦେଖନ୍ତୁ ଏହି ଭିଡିଓ-