ବିଦେଶୀ କନିଆକୁ ଦେଶୀ ବର : କନ୍ଧମାଳ ବୋହୁ ସାଜିଲେ ସ୍ୱିଡେନର ଝିଅ । ଗୋଆ ହୋଟେଲର ପ୍ରେମ ଫୁଲବାଣୀରେ ନେଲା ବିବାହର ରୂପ
କନକ ବ୍ୟୁରୋ : ଫୁଲବାଣୀରେ ଦେଖିବାକୁ ମିଳିଛି ଏକ ବିରଳ ବିବାହ । ବିଦେଶୀ କନିଆକୁ ଦେଶୀ ବର । ଫୁଲବାଣୀରେ ଜମିଲା ବାହାଘର । କନ୍ଧମାଳ ବୋହୁ ସାଜିଲେ ସ୍ୱିଡେନର ଝିଅ । କନ୍ଧମାଳର ଏମଡି. ରିଆଜଙ୍କୁ ପ୍ରେମ ବିବାହ କରିଛନ୍ତି ସ୍ୱିଡେନର ଝିଅ ହେମା । ଗୋଆ ହୋଟେଲର ପ୍ରେମ ଫୁଲବାଣୀରେ ବିବାହର ରୂପ ନେଇଛି । ଫୁଲବାଣୀ ହନୁମାନ ମନ୍ଦିର ସାହିରେ ଜଣେ ମୁସଲମାନ ଯୁବକଙ୍କୁ ସାତ ଦରିଆ ପାରି ସ୍ୱିଡେନର ଝିଅ ଆସି ମୁସଲିମ୍ ରୀତିନୀତିରେ ବିବାହ କରିଛନ୍ତି । ଏଥିରେ ସବୁ ବର୍ଗର ଲୋକ ସାମିଲ ହୋଇଛନ୍ତି । ସ୍ୱିଡେନର ହେମାଙ୍କ ପରିବାର ଲୋକ ମଧ୍ୟ ଏଥିରେ ସାମିଲ ହୋଇଛନ୍ତି । ସ୍ୱିଡେନରୁ ଆସିଥିବା ୪୦ରୁ ୫୦ ଲୋକ ଏମଡି. ରିଆଜଙ୍କ ବରଯାତ୍ରୀରେ ସାମିଲ ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଘରର ଆର୍ଥିକ ଅବସ୍ଥା ସ୍ୱଚ୍ଛଳ ନଥିବାରୁ ଗୋଆ ଯାଇ ସେଠାରେ ଏକ ହୋଟେଲରେ କାମ କରୁଥିଲେ ଏମଡି. ରିଆଜ । ୨୦୧୨ରେ ଗୋଆ ଭ୍ରମଣରେ ଆସିଥିବା ଇମାମଙ୍କ ସାକ୍ଷାତ ରିଆଜଙ୍କ ସହ ହୋଇଥିଲା । ମୋବାଇଲ ଜରିଆରେ କଥାବାର୍ତ୍ତା ହୋଇ ଉଭୟଙ୍କ ମଧ୍ୟରେ ପ୍ରେମ ସଂପର୍କ ଗଢ଼ି ଉଠିଥିଲା । ରିଆଜ ସ୍ୱିଡେନ ଯାଇଛନ୍ତି ଓ ସେଠାକାର ଭାଷା ମଧ୍ୟ ଶିଖିଛନ୍ତି ।
ଏହି ବିବାହ ପାଇଁ ଦୁଇ ଦିନ ପୂର୍ବରୁ ଫୁଲବାଣୀକୁ ଆସିଥିଲେ ଇମାମ । ଗତକାଲି ବର ଘରେ ଏହି ବିବାହ ଅନୁଷ୍ଠିତ ହୋଇଯାଇଛି । ବାହାଘର ପରେ ପ୍ରୋସେସନରେ କନ୍ୟା ପକ୍ଷର ସମସ୍ତେ ସମ୍ବଲପୁରୀ ଗୀତ ତାଳେ ତାଳେ ନାଚି ଫୁଲବାଣୀ ସହରବାସୀଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି ।