ଷ୍ଟଡି ଟୁରରେ ଦୁର୍ଘଟଣା ଏଡାଇବାକୁ ଗଣଶିକ୍ଷା ବିଭାଗର ପଦକ୍ଷେପ : ପିଲାଙ୍କ ବୁଲିଯିବା ପାଇଁ ଜାରିହେଲା ଗାଇଡ ଲାଇନ
କନକ ବ୍ୟୁରୋ : ପୁରୀ ବେଳାଭୂମି ନିକଟରେ ପଡି ରହିଥିବା ଏହି ମୃତ ଦେହ ସବୁ ଅନେକ ପରିବାରର ସ୍ୱପ୍ନକୁ ଧୋଇ ନେଇଛି । କିଏ ସାଙ୍ଗ ସାଥୀଙ୍କ ସହ ମଜା କରିବାକୁ ଆସିଥିଲେ ତ ପୁଣି କିଏ ସ୍କୁଲ କଲେଜର ଷ୍ଟଡିଟୁରରେ ବେଳାଭୂମି ବୁଲିବାକୁ ଆସିଥିଲେ । ହେଲେ ଗଭୀର ସମୁଦ୍ରରେ ଅକାତକାତ ପାଣିରେ ମଜା କଲା ଭିତରେ ମୁତ୍ୟୁର ଜନ୍ତାରେ ପଡି ଯାଇଥିଲା ସେମାନଙ୍କ ଜୀବନ । କିଏ ପହଁରା ନଜାଣି ସମୁଦ୍ରରେ ଗାଧୋଉଥିଲେ ତ ପୁରି କିଏ ଗଭୀର ପାଣିକୁ ଯିବାର ନିଶାରେ ଜୀବନ ହାରିଲେ ।
Kanak News is now on WhatsApp
Join and get latest news updates delivered to you via WhatsApp
ବିଭିନ୍ନ ସମୟରେ ସମୁଦ୍ରରେ ବୁଡି ପ୍ରାଣ ହରାଉଥିବା ଏଭଳି ଯୁବ ପିଢିଙ୍କ ସୁରକ୍ଷା ପାଇଁ ଏବେ ଚେତିଛନ୍ତି ସରକାର । ଏଣୁ ସ୍କୁଲ ଓ କଲେଜ ଛାତ୍ରଛାତ୍ରୀ ଷ୍ଟଡିଟୁର ଅବା ପିକନିକ୍ ପାଇଁ ସମୁଦ୍ରକୂଳକୁ ଗଲେ ସର୍ତକ ରହିବା ପାଇଁ ଜାରି ହୋଇଛି ଗାଡଇଡଲାଇନ ।
ଏବେ ଜାଣିନିଅନ୍ତୁ ଷ୍ଟଡିଟୁର ସମୟରେ ସମୁଦ୍ର ବୁଲିବାକୁ ହେଲେ କେଉଁ ସବୁ ଦିଗକୁ ଗୁରୁତ୍ୱ ଦିଆଯିବ-
୧ – ଅଭିଭାବକଙ୍କ ବିନା ସହମତିରେ ଯାଇପାରିବେନି ଛାତ୍ରଛାତ୍ରୀ ।
୨- ଛାତ୍ରୀ ମାନଙ୍କ ସହ ଜଣେ ଶିକ୍ଷୟିତ୍ରୀ ରହିବେ ।
୩-ଡ୍ୟାମ, ପାୱାରପ୍ଲାଂଟ, ସମୁଦ୍ରକୂଳକୁ ଷ୍ଟଡିଟୁର ଯିବା ପାଇଁ ଜିଲ୍ଲାପାଳଙ୍କ ଅନୁମତି ଆବଶ୍ୟକ ।
୪-ପିକନିକ ଯାଉଥିବା ଛାତ୍ର ଛାତ୍ରୀଙ୍କ ସମ୍ପୂର୍ଣ୍ଣ ତଥ୍ୟ ଶିକ୍ଷାନୁଷ୍ଠାନ ପ୍ରସ୍ତୁତ କରିବେ
ଛାତ୍ରଛାତ୍ରୀଙ୍କ ସୁରକ୍ଷାକୁ ଦୃଷ୍ଟିରେ ରଖି ସମସ୍ତ ସ୍କୁଲ ଓ କଲେଜକୁ ରାଜ୍ୟ ସରକାର ଏହି ଚିଠି ଜାରି କରିଛନ୍ତି । ଏହା ସହ ନିୟମାବଳୀକୁ କଡାକଡି ପାଳନ କରାନଗଲେ କାର୍ଯ୍ୟାନୁଷ୍ଠାନ ପାଇଁ ବି ତାଗିଦ୍ କରିଛନ୍ତି ।