ଗୁଜରାଟ ବିଧାନସଭା ନିର୍ବାଚନ : ଲକ୍ଷାଧିକ ଟଙ୍କାର ସୁନା ପିନ୍ଧି କରିଥିଲେ ପ୍ରଚାର, ଜାଣନ୍ତୁ କଣ ଆସିଲା ଫଳାଫଳ
କିଛି ସମୟ ମଧ୍ୟରେ ସାମ୍ନାକୁ ଆସିବ ଗୁଜରାଟ ନିର୍ବାଚନର ସଂପୂର୍ଣ୍ଣ ଫଳାଫଳ ! ଏହି ଟ୍ରେଣ୍ଡରେ ଆଗୁଆ ରହିଛି ବିଜେପି ଏବଂ ଭୋଟ ଗଣତିକୁ ଦେଖିଲେ କଂଗ୍ରେସ ମଧ୍ୟ କୌଣସି ଗୁଣାରୁ କମ୍ ହୋଇନି । କାରଣ, ଏହି ନିର୍ବାଚନ ଉଭୟ କଂଗ୍ରେସ ଓ ବିଜେପି ପାଇଁ ସମ୍ମାନର ପ୍ରଶ୍ନ ପାଲଟିଛି । ଉଭୟ ଦଳର ହେଭିୱେଟ ପ୍ରଚାର ମଙ୍ଗ ଧରିଥିବା ବେଳେ ଗୁଜରାଟ ବାସୀ କାହାକୁ ଗ୍ରହଣ କରୁଛି ତାହା କିଛି ସମୟ ମଧ୍ୟରେ ଜଣା ପଡିଯିବ ।
Kanak News is now on WhatsApp
Join and get latest news updates delivered to you via WhatsApp
ତେବେ ଗୋଟିଏ ପଟେ ବିଜେପି ଫଳାଫଳ କଣ ହେବ ଆଉ କେଉଁ ଦଳ ସରକାର ଗଢିବ ସେ ନେଇ ଆଶା ଓ ଆକାଂକ୍ଷା ଭରି ରହିଥିବା ବେଳେ ନିର୍ବାଚନ ପ୍ରଚାର ସମୟରେ ନେତାଙ୍କ ରଙ୍ଗଢଙ୍ଗକୁ ନେଇ ଉଠିଥିଲା ପ୍ରଶ୍ନ ଆଉ ଏହି ସମସ୍ତ ନେତାଙ୍କ ମଧ୍ୟରେ ଜଣେ ନେତା ସଂପୂର୍ଣ୍ଣ ରୂପେ ବାରି ହୋଇପଡିଥିଲେ । ଯାହାଙ୍କର ପ୍ରଚାର ଶୈଳୀକୁ ଲୋକେ ପ୍ରଶଂସା କଣ କରିବେ ବରଂ ତରିସ୍କାର କରିବାକୁ ବି ପଛାଇ ନଥିଲେ ।
ଆମେ ଏଠାରେ ଯେଉଁ ରାଜନେତାଙ୍କ ସଂପର୍କରେ ଆଲୋଚନା କରୁଛୁ ସେ ହେଉଛନ୍ତି କୁଂଜଲ ପଟେଲ ଏବଂ ସେ ଅହମଦାବାଦ ଜିଲ୍ଲାର ଦରିୟାପୁର ଆସନରୁ ନିର୍ବାଚନ ମଇଦାନରେ ଓହ୍ଲାଇଥିଲେ । ତେବେ ଏହା ପରେ ବି କୁଂଜଲ ‘ଗୋଲ୍ଡ କ୍ୟାଡିଡେଟ୍’ ନାଁରେ ଚର୍ଚ୍ଚିତ । ଏହା ଏଥିପାଇଁ କାରଣ କୁଂଜଲ ଯେତେବେଳେ ବି ନିର୍ବାଚନ ପ୍ରଚାର ପାଇଁ ମଇଦାନକୁ ଓହ୍ଲାଉଥିଲେ ସେତେବେଳେ ତାଙ୍କର ପୂରା ଶରୀର ସୁନା ଅଳଙ୍କାରରେ ଭରପୁର ରହୁଥିଲା । ତେବେ ଦରିଆପୁର-୫୧ ବିଧାନସଭା ସିଟରୁ ତାଙ୍କୁ ଶିବସେନାର ତରଫରୁ ଟିକେଟ୍ ମିଳିଥିଲା । ହେଲେ ଏଥରକ କିନ୍ତୁ ତାଙ୍କର ସୁନାବେଶ କାମ ଦେଲାନି । କାରଣ ତାଙ୍କୁ ଏଥରକ ପରାଜୟର ମୁହଁ ଦେଖିବାକୁ ପଡିଛି । କୁଂଜଲଙ୍କୁ ମାତ୍ର ୧୩୯୩ଟି ଭୋଟ ମିଳିଛି ।