କର୍ମଚାରୀ ଭବିଷ୍ୟତ ନିଧି ପାଣ୍ଠି ତଥା ଇପିଏଫଓ ଆର୍ଥିକ ବର୍ଷ ୨୦୧୮-୧୯ ପାଇଁ ପ୍ରୋଭିଡେଂଟ ଫଣ୍ଡ ଉପରେ ମିଳୁଥିବା ସୁଧ ଦରକୁ ବୃଦ୍ଧି କରିପାରେ । ଗତ ଆର୍ଥିକ ବର୍ଷ ତଥା ୨୦୧୭-୧୮ ପାଇଁ ଇପିଏଫଓ ପିଏଫ ଉପରେ ୮.୫୫ ପ୍ରତିଶତର ସୁଧ ଦର ଧାର୍ଯ୍ୟ କରିଥିଲା । ତେବେ ମିଳିଥିବା ସୂତନା ମୁତାବକ, ଚଳିତ ଆର୍ଥିକ ବର୍ଷ ପାଇଁ ପିଏଫ ଉପରରେ ସୁଧ ଦର ଧାର୍ଯ୍ୟ କରିବାକୁ ପ୍ରସ୍ତାବ ୨୧ ଫେବ୍ରୃଆରୀରେ ହେବାକୁ ଥିବା ସେଂଟ୍ରାଲ ବୋର୍ଡ ଅଫ ଟ୍ରଷ୍ଟି ସିବିଟିର ବୈଠକରେ ଆସିପାରେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ସରକାର ଲୋକସଭା ନିର୍ବାଚନ ପୂର୍ବରୁ ପିଏଫ ସଦସ୍ୟଙ୍କୁ ପ୍ରଲୋଭିତ କରିବା ପାଇଁ ପିଏଫ ଉପରେ ମିଳୁଥିବା ସୁଧ ଦରକୁ ବୃଦ୍ଧି କରିପାରନ୍ତି । ଏହାଦ୍ୱାରା ପାଖାପାଖି ୬ କୋଟି ପିଏଫ ଖାତାଧାରୀଙ୍କୁ ଫାଇଦା ହେବ । ତେବେ ସିବିଟି ଇପିଏଇଓ ବିଷୟରେ ନିଷ୍ପତି ନେବାରେ ସର୍ବୋଚ୍ଚ ବୋର୍ଡ ଆଉ ସିବିଟି ହିଁ ପିଏଫ ଉପରେ ମିଳୁଥିବା ସୁଧ ଦରକୁ ନେଇ ସୁପାରିସ କରିଥାଏ । ସାଧାରଣତଃ ସିବିଟିର ସୁପାରିସକୁ ହିଁ ଶେଷ ତଥା ଅନ୍ତିମ ନିଷ୍ପତି ଭାବରେ ଗ୍ରହଣ କରାଯାଇଥାଏ ।
ଗତ ଆର୍ଥିକ ବର୍ଷ ୨୦୧୭-୧୮ରେ ଇପିଏଫଓ ପିଏଫ ଉପରେ ୮.୫୫ ପ୍ରତିଶତ ସୁଧ ଦର ଧାର୍ଯ୍ୟ କରିଥିଲା । ଯାହାକି ଗତ ୫ ବର୍ଷ ମଧ୍ୟରେ ସବୁଠାରୁ କମ ରହିଥିଲା । ଏଭଳି ପରିସ୍ଥିତିରେ ସରକାର ପିଏଫ ଉପରେ ମିଳୁଥିବା ସୁଧ ଦରକୁ ବୃଦ୍ଧି କରି ପାଖାପାଖି ୬କୋଟି ପିଏଫ ଖାତାଧାରୀଙ୍କୁ ଏକ ସକରାତ୍ମକ ଖବର ଦେଇପାରନ୍ତି ।
ସେହିପରି ୨୧ ଫେବୃଆରୀରେ ହେବାକୁ ଥିବା ଏହି ସିବିଟି ବୈଠକରେ ନୂଆ ଫଣ୍ଡ ମ୍ୟାନେଜଙ୍କର ନିଯୁକ୍ତି ଉପରେ ବି ବିଚାର ବିମର୍ଷ କରାଯିବ । ଏହାବ୍ୟତୀତ ବୈଠକରେ ଇପିଏଫଓ ଦ୍ୱାରା ସେୟାର ବଜାରରେ କରାଯାଉଥିବା ନିବେଶର ସମୀକ୍ଷା ବି କରାଯାଇପାରେ । ଇପିଏଫଓ ଅଗଷ୍ଟ ୨୦୧୬ରେ ନିବେଶ ଆରମ୍ଭ କରିଥିଲା । ବର୍ତ୍ତମାନ ସମୟରେ ଇପିଏଫଓ ନିବେଶ ଯୋଗ୍ୟ କିଛି ଫଣ୍ଡର ୧୫ ପ୍ରତିଶତ ସେୟାର ବଜାରରେ ନିବେଶ କରୁଛି ।