ଦିଲ୍ଲୀର ଏକ ନାମକରା ହୋଟେଲରେ ଗୋଡରେ ଦଳା ଯାଏ ଅଟା ! ଭିଡିଓ ଭାଇରାଲ ହେବା ପରେ ନିଆଗଲା କାର୍ଯ୍ୟାନୁଷ୍ଠାନ
ସୋସିଆଲ ମିଡିଆରେ କିଛି ଦିନ ହେଲା ଏକ ଭିଡିଓ ଭାଇରାଲ ହୋଇଥିବାର ଦେଖିବାକୁ ମିଳିଛି । ଯେଉଁଥିରେ ଏକ ହୋଟେଲର କର୍ମଚାରୀ ଅଟାକୁ ତାର ଗୋଡ ସାହାର୍ଯ୍ୟରେ ଦଳୁଥିବାର ଦୃଶ୍ୟ ଦେଖିବାକୁ ମିଳିଛି । ତେବେ ଏହି ଭିଡିଓଟି ଦିଲ୍ଲୀରେ ଥିବା ଏକ ନାମକରା ହୋଟେଲ ତଥା କାକେ ଦା ନାମକ ହୋଟେଲର ବୋଲି ଶୁଣିବାକୁ ମିଳିଛି । ଯଦିଓ ବର୍ତ୍ତମାନ ଏହି ଭିଡିଓର ସତ୍ୟାସତ୍ୟ ମିଳିପାରି ନାହିଁ ମାତ୍ର ଏହା ପଦାକୁ ଆସିବା ପରେ ଲୋକମାନଙ୍କ ମଧ୍ୟରେ ଦେଖା ଦେଇଛି ଗଭୀର ଅସନ୍ତୋଷ ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହି ଭିଡିଓ ଭାଇରାଲ ହେବା ପରେ ହୋଟେଲ ବିରୋଧରେ ଦିଲ୍ଲୀ ସରକାରଙ୍କ ପକ୍ଷରୁ ଖାଦ୍ୟ ସୁରକ୍ଷା ବିଭାଗ ନିକଟରେ ଅଭିଯୋଗ ଦାଖଲ କରାଯାଇଥିଲା । ମାମଲାର ଗଭୀରତାକୁ ଦୃଷ୍ଟିରେ ରଖି ଖାଦ୍ୟ ସୁରକ୍ଷା ବିଭାଗ ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା । ସେମାନେ ହୋଟେଲରେ ଛାନଭିନ୍ କରିବା ସହ ଖାଦ୍ୟସାମଗ୍ରୀର କିଛି ନମୁନା ମଧ୍ୟ ସଂଗ୍ରହ କରିଛନ୍ତି । ଆଉ ସେଗୁଡିକର ଯାଂଚ ପାଇଁ ଲାବକୁ ପଠାଇଛନ୍ତି ।
ଲାବ ଟେଷ୍ଟର ରିପୋର୍ଟ ଆସିବା ପରେ ଯାଇ କୌଣସି ଉଚିତ ପଦକ୍ଷେପ ନିଆଯିବ ବୋଲି ଖାଦ୍ୟ ସୁରକ୍ଷା ବିଭାଗ ପକ୍ଷରୁ ସୂଚନା ମିଳିଛି । ଅନ୍ୟ ପଟେ ଏଭଳି ଅଭିଯୋଗକୁ ହୋଟେଲର ମାଲିକ ଖଣ୍ଡନ କରିବା ସହ ତାଙ୍କୁ କେହି ବଦନାମ କରିବାକୁ ଏପରି କରିଥିବା ସଫେଇ ଦେଇଛନ୍ତି ।
ଏହା ସହ ଦେଖନ୍ତୁ ଏହି ଭିଡିଓ-