ବାତ୍ୟା ‘ୟାସ’ ନେଇ ପ୍ରତିକ୍ରିୟା ରଖିଲେ ସୋଆ ପରିବେଶ ଓ ଜଳବାୟୁ କେନ୍ଦ୍ର ବିଜ୍ଞାନୀ ଶରତ ସାହୁ । କହିଲେ, ବାତ୍ୟାର ସଠିକ୍ ଆକଳନ କରିବା କଷ୍ଟକର ।
କନକ ବ୍ୟୁରୋ: ସମୁଦ୍ରରେ ବଳ ଯୋଗାଡ କରି ଏବେ ଓଡିଶା ମୁହାଁ ହୋଇ ମାଡିଆସୁଛି ବାତ୍ୟା ୟାସ୍ । ଆସନ୍ତା ୨୬ ତାରିଖରେ ଏହା ଓଡିଶା ଉପକୂଳ କିମ୍ବା ପଶ୍ଚିମବଙ୍ଗରେ ଲ୍ୟାଣ୍ଡଫଲ କରିବା ନେଇ କୁହାଯାଉଛି । ତେବେ ଏହାରି ଭିତରେ ସୋଆ ପରିବେଶ ଓ ଜଳବାୟୁ କେନ୍ଦ୍ର ବିଜ୍ଞାନୀ ଶରତ ସାହୁ ୟାସକୁ ନେଇ ନିଜର ଆକଳନ ପ୍ରକାଶ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବାତ୍ୟା ୟାସର ମଡେଲ ଘଣ୍ଟାକୁ ଘଣ୍ଟା ପରିବର୍ତ୍ତିତ ହେଉଛି
ତେଣୁ ବାତ୍ୟାକୁ ନେଇ ସଠିକ୍ ଆକଳନ କଷ୍ଟକର
ରାଜନଗର ଓ ବାଲିଆପାଳ ମଧ୍ୟବର୍ତ୍ତୀ ଅଞ୍ଚଳରେ କରିପାରେ ଲ୍ୟାଣ୍ଡଫଲ
ଲ୍ୟାଣ୍ଡଫଲ ବେଳେ ପବନର ବେଗ ସର୍ବାଧିକ ୧୨୦ କିମି ରହିପାରେ
ସୋଆ ପରିବେଶ ଓ ଜଳବାୟୁ କେନ୍ଦ୍ର ବିଜ୍ଞାନୀ ଶରତ ସାହୁଙ୍କ ସୂଚନା#CycloneYaas #Odisha pic.twitter.com/bSHosDaynW— Kanak News (@kanak_news) May 24, 2021
ତାଙ୍କ କହିବା ମୁତାବକ, ବାତ୍ୟା ୟାସର ଆକଳନ ସ୍ଥିର କରିବା ବେଶ କଷ୍ଟକର । ଏହାର ମଡେଲ ଘଣ୍ଟାକୁ ଘଣ୍ଟା ପରିବର୍ତ୍ତିତ ହେଉଥିବାବେଳେ ତାକୁ ନେଇ କୌଣସି ପୂର୍ବାନୁମାନ କରିବା କଷ୍ଟକର । ତେବେ ଏହା ରାଜନଗର ଓ ବାଲିଆପାଳ ମଧ୍ୟବର୍ତ୍ତୀ ଅଞ୍ଚଳରେ ଲ୍ୟାଣ୍ଡଫଲ କରିପାରେ ବୋଲି ସେ କହିଛନ୍ତି । ସେହିପରି ଏହି ସମୟରେ ପବନର ବେଗ କମ ରହିପାରେ । ଲ୍ୟାଣ୍ଡଫଲ ବେଳେ ପବନର ବେଗ ସର୍ବାଧିକ ୧୨୦ କିମି ରହିପାରେ ବୋଲି ସେ କହିଛନ୍ତି ।
ଅନ୍ୟପଟେ ଏସଆରସିଙ୍କ ସୂଚନା ମୁତାବକ, ବାତ୍ୟା ୟାସ ବାଲେଶ୍ୱର କିମ୍ବା ଭଦ୍ରକ ଜିଲ୍ଲାରେ ଲ୍ୟାଣ୍ଡଫଲ୍ କରିପାରେ । ହେଲେ ଏଥିପାଇଁ ଏବେ ଓଡିଶା ପ୍ରସ୍ତୁତ ହୋଇସାରିଛି । ଲୋକମାନଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯିବା ସହିତ କୋଭିଡକୁ ଆଖି ଆଗରେ ରଖି ଅନେକ ସୁରକ୍ଷା ବ୍ୟବସ୍ଥାକୁ ମଧ୍ୟ ତଦାରଖ କରାଯାଉଛି ।