ବ୍ୟାଙ୍କର ଲକରରୁ ୩୩ ଲକ୍ଷ ଟଙ୍କାର ସୁନା ଗହଣା ଗାୟବ : ବରଗଡ ଏସବିଆଇ ମୁଖ୍ୟ ଶାଖା ବିରୋଧରେ ଥାନାରେ ଅଭିଯୋଗ
ସାଢେ ଚାରି ବର୍ଷ ପରେ ଲକର ଖୋଲିଲା ବେଳେ ସବୁ ଖାଲି
କନକ ବ୍ୟୁରୋ : ବ୍ୟାଙ୍କ ଲକରରୁ ସୁନାଗହଣା ଗାୟବ । ପ୍ରାୟ ୩୩ ଲକ୍ଷ ଟଙ୍କାର ଗହଣା ଗାୟବ ହେବା ନେଇ ହୋଇଛି ଅଭିଯୋଗ । ଏଭଳି ଏକ ଚାଂଚଲ୍ୟକର ଅଭିଯୋଗ ଆସିଛି ବରଗଡ ସହରରୁ । ସ୍ଥାନୀୟ ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆର ମୁଖ୍ୟ ଶାଖାରେ ଏହି ଘଟଣା ଘଟିଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ବରଗଡର ମହାନ୍ତି ପଡା ବାସିନ୍ଦା ସ୍ନିଗ୍ଧା ତ୍ରିପାଠୀଙ୍କ ଲକରରୁ ସୁନାଗହଣା ଗାୟବ ହୋଇଥିବା ବରଗଡ ଥାନାରେ ଅଭିଯୋଗ ହୋଇଛି । ମାଆ ଜ୍ୟୋତ୍ସ୍ନା ତ୍ରିପାଠୀଙ୍କ ସହ ଏକ ମିଳିତ ଆକାଉଂଟ ଆଧାରରେ ବ୍ୟାଙ୍କର ୨୮୨ ନମ୍ବର ଲକରରେ ସେ କିଛି ସୁନାଗହଣା ରଖିଥିଲେ । ଏହି ଗତ ୨୦୧୬ ଜୁନ୍ ମାସରେ ସେ ଶେଷ ଥର ପାଇଁ ଲକର ଖୋଲିଥିଲେ । ସେହିଦିନ ଠାରୁ ସ୍ନିଗ୍ଧା କିମ୍ବା ତାଙ୍କ ମାଆ ବ୍ୟାଙ୍କକୁ ଯାଇ ନଥିବା କହିଛନ୍ତି ।
ତେବେ ଏବେ ଲକର ଖୋଲିବା ବେଳେ ଏହା ପୁରା ଖାଲି ଥିଲା ଏବଂ ୩୩ଲକ୍ଷରୁ ଅଧିକ ଟଙ୍କାର ସୁନା ଗହଣାର ଦେଖା ମିଳିନଥିଲା । ଏନେଇ ବ୍ୟାଙ୍କ କର୍ତ୍ତୃପକ୍ଷ ସନ୍ତୋଷଜନକ ଉତ୍ତର ଦେଇ ପାରୁ ନଥିବା ବେଳେ ଥାନାରେ ଅଭିଯୋଗ କରିଛନ୍ତି ସ୍ନିଗ୍ଧା । ପୁଲିସ ଘଟଣାର ତଦନ୍ତ କରୁଛି ।