ଜୁନ ୧ ତାରିଖରୁ ଟିଭି, ଫ୍ରିଜ ସମେତ ଅନ୍ୟ କେତେକ ସାମଗ୍ରୀ ହେବ ମହଙ୍ଗା ! ଜାଣନ୍ତୁ କଣ ରହିଛି କାରଣ ।
ଆସନ୍ତା ମାସରୁ ଏୟାର କଣ୍ଡିସନର, ରେଫ୍ରିଜେଟର, ୱାସିଙ୍ଗ ମେସିନ ସମେତ ଅନ୍ୟ କେତେକ ସାମଗ୍ରୀ କିଣିବାକୁ ହେଲେ ଆପଣଙ୍କୁ ଅଧିକ ଟଙ୍କା ଦେବାକୁ ପଡିବ । ଏହି ସାମଗ୍ରୀ ଗୁଡିକର ମୂଲ୍ୟ ଜୁନ ମାସରେ ୨ରୁ୫ ପ୍ରତିଶତ ପର୍ଯ୍ୟନ୍ତ ବଢିବାର ସମ୍ଭାବନା ରହିଛି । ଅନ୍ତରାଷ୍ଟ୍ରୀୟ ବଜାରରେ ଅଶୋଧିତ ତୈଳର ମୂଲ୍ୟ ଉଚ୍ଚ ସ୍ଥରରେ ରହିଛି । ଏହା ସହ ମୁଦ୍ରା କ୍ଷେତ୍ରରେ ମଧ୍ୟ ବ୍ୟାପକ ଅସ୍ଥିରତା ପରିଲକ୍ଷିତ ହୋଇଛି । ଆଉ ଏହି କାରଣରୁ କମ୍ପାନୀମାନଙ୍କୁ ସାମଗ୍ରୀ ଗୁଡିକ ପାଇଁ ଅଧିକ ଟଙ୍କା ବ୍ୟୟ କରିବାକୁ ପଡୁଛି । କମ୍ପାନୀମାନଙ୍କ କହିବା କଥା, ର ମ୍ୟାଟେରିଆଲ, ଷ୍ଟିଲ ଏବଂ ତମ୍ବାର ଦର କ୍ରମାଗତ ଭାବେ ବଢି ବଢି ଚାଲିଛି । ଯାହାର ପ୍ରଭାବ ସିଧାସଳଖ କମ୍ପାନୀଗୁଡିକ ଉପରେ ପଡିବା ସହ କ୍ଷତି ମଧ୍ୟ ହେଉଛି । ତେଣୁ ଏହି ସାମଗ୍ରୀ ଗୁଡିକର ମୂଲ୍ୟ ବଢାଇ କମ୍ପାନୀଗୁଡିକ ଏବେ ବଜାରକୁ ଛାଡିବାର ଯୋଜନା ପ୍ରସ୍ତୁତ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କମ୍ପାନୀ ଗୁଡିକର କହିବା ଅନୁଯାୟୀ, ଏହି କାରଣରୁ ଟିଭି, ଫ୍ରିଜ ସମେତ ଅନ୍ୟ ଇଲେକ୍ଟ୍ରୋନିକ୍ସ ସାମଗ୍ରୀର ମୂଲ୍ୟ ୪୦୦ ଟଙ୍କାରୁ ୧୫୦୦ ଟଙ୍କା ପର୍ଯ୍ୟନ୍ତ ବଢିପାରେ । ଏହି କମ୍ପାନୀଗୁଡିକ ମେ ମାସ ପ୍ରାରମ୍ଭରୁ କହିଦେଇଥିଲେ ଯେ, ସେମାନେ ଜୁନ ମାସ ଆରମ୍ଭରୁ କେତେକ ସାମଗ୍ରୀର ମୂଲ୍ୟ ବଢାଇପାରନ୍ତି । କାରଣ ଅଶୋଧିତ ତୈଳର ମୂଲ୍ୟ ବୃଦ୍ଧିର ପ୍ରଭାବ ଅନ୍ୟ ସାମଗ୍ରୀ ଉପରେ ମଧ୍ୟ ପଡୁଛି । ଡଲାର ତୁଳନାରେ ଟଙ୍କାରେ ହେଉଥିବା ପରିବର୍ତ୍ତନ ଯୋଗୁଁ ଏହାର ପ୍ରଭାବ କମ୍ପାନୀ ଗୁଡିକର ଉତ୍ପାଦନ ଉପରେ ପଡୁଛି । ଏହି କାରଣରୁ ଦରଦାମ ବୃଦ୍ଧି ହେବା ମଧ୍ୟ ଏକ ପ୍ରମୁଖ କାରଣ ଅଟେ ।