ଶାସକ ଦଳର ଦୁଇମନ୍ତ୍ରୀଙ୍କ ନାଁ କଣ ! ଏସ୍.ଏଫ୍.ଆଇ.ଓ ଆଗରେ ପୋଲ୍ ଖୋଲିଲେ କି ପ୍ରଦୀପ?
କନକ ବ୍ୟୁରୋ : କ୍ରାଇମବ୍ରାଂଚ, ସିବିଆଇ, ଇଡି ପରେ, ଏସ୍.ଏଫ୍.ଆଇ.ଓ ଆରମ୍ଭ କରିଛି ତଦନ୍ତ । ଝାରପଡା ଜେଲରେ ପଶି ସଂସ୍ଥା ମୁଖ୍ୟ ପ୍ରଦୀପ ସେଠୀ ଓ ତାଙ୍କ ସହଯୋଗୀଙ୍କୁ କରିଛି ମାରାଥାନ ଜେରା । ଏସ୍.ଏଫ୍.ଆଇ.ଓ ଆଗରେ ୨ ମନ୍ତ୍ରୀଙ୍କର ପୋଲ ଖୋଲିବେ ବୋଲି ପ୍ରଦୀପ ପୂର୍ବରୁ କହିଥିବା ବେଳେ, ଆଜି ୨ ମନ୍ତ୍ରୀଙ୍କ ବାବଦରେ ଏସ୍.ଏଫ୍.ଆଇ.ଓକୁ କିଛି କହି ନାହାଁନ୍ତି ତ?
Kanak News is now on WhatsApp
Join and get latest news updates delivered to you via WhatsApp
କେଉଁ ମନ୍ତ୍ରୀ ଖାଇଛନ୍ତି ଅର୍ଥତତ୍ୱ ସଂସ୍ଥାର ଚିଟଫଣ୍ଡ ଟଙ୍କା ? ୨ ମନ୍ତ୍ରୀ ଠକ ସଂସ୍ଥାରୁ କେତେ ଲୁଟିଛନ୍ତି । ଜାନୁୟାରୀ ୩୦ ତାରିଖରେ ପ୍ରଦୀପ ସେଠୀ ଏସ୍.ଏଫ୍.ଆଇ.ଓ ଆଗରେ ସେହି ୨ ମନ୍ତ୍ରୀଙ୍କ ନାଁ କହିବେ ବୋଲି କନକ ନ୍ୟୁଜକୁ କହିଥିଲେ ।
ପ୍ରଦୀପ ସେଠୀ ଓ ତାଙ୍କ ସହଯୋଗୀଙ୍କୁ ଦିନ ତମାମ ଜେରା କରି ସାରିବା ପରେ, ଭୁବନେଶ୍ୱର ଝାରପଡା ଜେଲରୁ ଫେରୁଛି ଏସ୍.ଏଫ୍.ଆଇ.ଓ ଟିମ୍ । ଗତକାଲି ଠାରୁ ପ୍ରଦୀପ ସେଠୀ, ଆକାଉଟାଂଟ୍ ଶ୍ରୀକୃଷ୍ଣ ପାଢୀ ଓ ଜେଲରେ ଥିବା ସହେଯାଗୀଙ୍କୁ ଆରମ୍ଭ ହୋଇଛି ମାରାଥାନ ଜେରା ।
ପ୍ରଦୀପ ଏସ୍.ଏଫ୍.ଆଇ.ଓକୁ ୨ମନ୍ତ୍ରୀଙ୍କ ନାଁ କହିବା ସହ ମନ୍ତ୍ରୀଙ୍କ ବାବଦରେ ବେଶ କିଛି ତଥ୍ୟ ଦେଇଥିବା ସୂଚନା ମିଳିଛି । ହେଲେ ଏନେଇ ମୁହଁ ଖୋଲିନାହାଁନ୍ତି ଏସ୍.ଏଫ୍.ଆଇ.ଓ ।
ସବୁଠୁ ବଡ ପ୍ରଶ୍ନ ପ୍ରଦୀପ ସେଠୀ ଦେଇଥିବା ବୟାନକୁ ନେଇ ମନ୍ତ୍ରୀଙ୍କ ଘରେ ଏସ୍.ଏଫ୍.ଆଇ.ଓ ଛାପା ମାରିବ ନାଁ ରାଜନୈତିକ ଚାପ ତଦନ୍ତକୁ ବାଟବଣା କରିବ ?