ଟଙ୍କା ଭର୍ତ୍ତି କଲେ ବାହାରୁଛି ପେଟ୍ରୋଲ ! ଚର୍ଚ୍ଚାରେ କେନ୍ଦୁଝରର ପେଟ୍ରୋଲ ଏଟିଏମ ମେସିନ୍ ।
କନକ ବ୍ୟୁରୋ: କୁହାଯାଏ-ସଂକଟ ହିଁ ସୁଯୋଗ ସୃଷ୍ଟି କରେ । ନୂଆ ସଂଭାବନା ଆଡକୁ ବାଟ ଦେଖାଏ । ଏହି କଥାକୁ ସତ କରିଛନ୍ତି କେନ୍ଦୁଝର ଜିଲ୍ଳା ବ୍ରାହ୍ମଣୀପାଳର ଜଣେ ଆଦିବାସୀ ଯୁବକ । ଯାହାଙ୍କର ନାଁ ହେଉଛି ଜିତେନ୍ଦ୍ର ହେମ୍ବ୍ରମ । କେବଳ ମାଟ୍ରିକ୍ ପାସ୍ କରିଥିବା ଏହି ଯୁବକ, ଉଦ୍ଭାବନ କରିଛନ୍ତି ପେଟ୍ରୋଲ ଏଟିଏମ୍ । ଯାହାକୁ ନେଇ ଏବେ ସାରା ଅଂଚଳରେ ଚର୍ଚ୍ଚା ।
Kanak News is now on WhatsApp
Join and get latest news updates delivered to you via WhatsApp
ଏହି ପେଟ୍ରୋଲ ଏଟିଏମ ଉଦ୍ଭାବନ କରିଥିବା ଯୁବକ ଜଣକ ହେଉଛନ୍ତି କେନ୍ଦୁଝର ହରିଚନ୍ଦନପୁର ବ୍ଲକର ଘେରା ଗ୍ରାମର ଆଦିବାସୀ ଜିତେନ୍ଦ୍ର ହେମ୍ବ୍ରମ । ଶିକ୍ଷାଗତ ଯୋଗ୍ୟାତା ମାତ୍ର ମାଟ୍ରିକ ପାସ୍ କିନ୍ତୁ ସେ ଏପରି କାର୍ଯ୍ୟ କରି ଦେଖାଇଛନ୍ତି ଯାହାକି ସମସ୍ତଙ୍କୁ ଚକିତ କରିପକାଇଛି । ଆଖପାଖ ଅଂଚଳରେ ପେଟ୍ରୋଲ ପମ୍ପ ନଥିଲା, ଯେଉଁଥି ପାଇଁ ଏହି ଅଂଚଳର ଲୋକେ ବହୁ ଅସୁବିଧାର ସମ୍ମୁଖିନ ହେଉଥିଲେ । ପାଖରେ ପେଟ୍ରୋଲ ପମ୍ପ କହିଲେ, ୨୦ କିଲୋମିଟର ଦୂର ଡୁବୁରିରେ ଥିଲା । ଏହି ସମସ୍ୟାକୁ ଦୃଷ୍ଟିରେ ରଖି, ଏମିତି ଏକ ମେସିନ୍ ଉଦ୍ଭାବନ କରିବାକୁ ଆଗେଇ ଆସିଥିଲେ ଜିତେନ୍ଦ୍ର ମୁର୍ମୁ, ଯେଉଁଥିରେ ଟଙ୍କା ଭର୍ତି କଲେ ଏଟିଏମ୍ ଭଳି ପେଟ୍ରୋଲ ବାହାରି ପାରୁଛି ।
ସେପଟେ ଜିତେନ୍ଦ୍ରଙ୍କ କହିବା ମୁତାବକ, କିଛି ପୁରୁଣା ଇଲେକଟ୍ରୋନିକ୍ସ ସରଞ୍ଜାମ ସଂଗ୍ରହ କରି ଲାଗିପଡିଥିଲେ ନିଜ କାର୍ଯ୍ୟରେ । ଦିର୍ଘ ୬ ମାସ ପରେ ଜିତେନ୍ଦ୍ରଙ୍କୁ ସଫଳତା ମିଳିଛି । । ସେ ଉଦ୍ଭାବନ କରିଥିବା ମେସିନରେ ୫୦ ଟଙ୍କିଆ ଓ ୧୦୦ ଟଙ୍କିଆ ନୋଟ୍ ପକାଇଲେ ସେହି ପରିମାଣର ପେଟ୍ରୋଲ ପାଇପାରୁଛନ୍ତି ଗ୍ରାହକ । ଅନ୍ୟପଟେ ଏହି ମେସିନକୁ ଦେଖିବାକୁ ଏବେ ଲୋକଙ୍କ ଭିଡ ଲାଗୁଛି । ଏହାକୁ ଆହୁରି ଉନ୍ନତି କରଣ କରାଯାଇପାରିେଲେ ଭବିଷ୍ୟତରେ ଏହା ପେଟ୍ରୋଲ ଏଟିଏମର କାର୍ଯ୍ୟ କରିପାରିବ ବୋଲି ଆଶା ପ୍ରକାଶ କରିଛନ୍ତି ସ୍ଥାନୀୟ ବାସିନ୍ଦା ।