ଟିକେଟ୍ କରି ଟ୍ରେନରେ ପାଇଲେନି ସିଟ୍ ! ରେଳ ବିଭାଗ ଦେବେ ଜରିମାନା
ବେଙ୍ଗାଲୁରୁ : କର୍ଣ୍ଣାଟକର ମୈସୁରର ଜଣେ ଉପଭୋକ୍ତା (କଂଜୁମର) କୋର୍ଟ ଭାରତୀୟ ରେଳବିଭାଗକୁ ଦେଇଛନ୍ତି ଆଦେଶ । ଏକ ପରିବାରକୁ ଜରିମାନା ବାବଦ ୩୭ ହଜାର ଟଙ୍କା ଦେବାର ରହିଛି ନିର୍ଦ୍ଦେଶ । ଏହି ତିନି ସଦସ୍ୟ ବିଶିଷ୍ଟ ପରିବାରର ସଂରକ୍ଷିତ ସିଟରେ ଅନ୍ୟ ଯାତ୍ରୀମାନେ ବସିଥିଲେ । ଯଦ୍ୱାରା ସେମାନଙ୍କ ପାଖରେ ଟିକେଟ୍ ଥିିବା ପରେ ବି ପାଖାପାଖି ୩୩ ଘଂଟା ପୁରା କଷ୍ଟରେ ଯାତ୍ରା କରିଥିଲେ । ଏହି ଯାତ୍ରା ପାଇଁ ପରିବାରର ପ୍ରତ୍ୟେକ ସଦସ୍ୟ ୭୪୦ ଟଙ୍କାର ଟିକେଟ୍ ନେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
କୋର୍ଟ ଜରିମାନା ଲଗାଇବା ସହ ଡ୍ୟୁଟିରେ ଥିବା ଟିଟିଆଇ ଓ ଆରଫିଏଫ୍ କର୍ମଚାରୀଙ୍କ ସହ ଅନେକ ଆଲୋଚନା କରିଛନ୍ତି , ଯିଏ କି ଯାତ୍ରୀଙ୍କୁ ସାହାଯ୍ୟ କରିବାରେ ଅସଫଳ ହୋଇଛନ୍ତି । କୁହାଯାଉଛି କି ମୈସୁରରେ ରହୁଥିବା ସିଦ୍ଧାର୍ଥ ଲାୟୋଉତ୍ ଓ ତାଙ୍କର ପରିବାରର ଅନ୍ୟ ଦୁଇ ସଦସ୍ୟ ଜୟପୁର-ମୈସୁର ସୁପରଫାଷ୍ଟ ଟ୍ରେନର ୨୫ ମେ ୨୦୧୭ରେ ଟିକେଟ୍ ନେଇଥିଲେ । ଯାହା ତାଙ୍କ ପାଇଁ ବହୁତ କଷ୍ଟକର ସାବ୍ୟସ୍ତ ହୋଇଥିଲା ।
ଉଜୈନରୁ ଟ୍ରେନ ଚଢିଲା ପରେ ସେ ଦେଖିବାକୁ ପାଇଲେ କି ଯେଉଁ ଏସ୫ ସିଟରେ ତାଙ୍କର ସିଟ୍ ଥିଲା । ସେଥିରେ ଅନ୍ୟ ଲୋକ ବସିଛନ୍ତି । ପୁରା ବଗି ବି ଅଣସରକ୍ଷିତ ଲୋକଙ୍କ ଭିଡ ଥିଲା । ପାଖାପାଖି ୩୩ ଘଂଟା ର ଲମ୍ବା ଯାତ୍ରା ସମୟରେ ସେ ଅନେକ ଥର ନିଜର ସିଟ୍ ପାଇଁ କହିଥିଲେ । କିନ୍ତୁ ଅସଫଳ ହୋଇଥିଲେ । ତାଙ୍କୁ ତାଙ୍କର ନିର୍ଦ୍ଦିଷ୍ଟ ସିଟ୍ ମିଳିନଥିଲା । ଏମିତି ସେ ଟ୍ରେନର ଟିଟିଆଇ ଓ ଆରଫିଏଫଙ୍କୁ ଜଣାଇଥିଲେ । କିନ୍ତୁ ସେମାନେ କିଛି ସହଯୋଗ କରିନଥିଲେ ।
ସିଦ୍ଧାର୍ଥ ଭାରତୀୟ ରେଳବିଭାଗେର ଅଭିଯୋଗ କରିଥିଲେ । ହେଲେ ତାଙ୍କୁ କୌଣସି ସାହାଯ୍ୟ ମିଳିନଥିଲା । ସେ ଭୋପାଳ ଓ ତେଲେଙ୍ଗାନା ର କାଜିପେଟ୍ ର ଷ୍ଟେସନରେ ଅଭିଯୋଗ କରିଥିଲେ । କିନ୍ତୁ କୌଣସି ରେଳ କର୍ମଚାରୀ ତାଙ୍କର ସାହାଯ୍ୟ କରିନଥିଲେ । ରେଳ ବିଭାଗର ଏଭଳି ବାଜେ ସେବାରେ ଚିନ୍ତିତ ସିଦ୍ଧାର୍ଥ ଉପଭୋକ୍ତା ( କଂଜୁମର ) କୋର୍ଟରେ ଅଭିଯୋଗ ଦାଖଲ କରିଥିଲେ ।
( ସୌଜନ୍ୟ-ନବଭାରତ ଟାଇମ୍ସ )