ଜମ୍ମୁକଶ୍ମୀର ଡୋଡାରେ ଯୋଶୀମଠ ପରିସ୍ଥିତି : ୨୦ରୁ ଅଧିକ ଘରେ ସୃଷ୍ଟି ହୋଇଛି ବଡ଼ ଫାଟ; ୩୦୦ ପରିବାରକୁ କରାଗଲା ସ୍ଥାନାନ୍ତର
କନକ ବ୍ୟୁରୋ : ଜମ୍ମୁକଶ୍ମୀର ଡୋଡାରେ ଯୋଶୀମଠ ପରି ସ୍ଥିତି ଦେଖିବାକୁ ମିଳିଛି । ସ୍ଥାନୀୟ ଅଞ୍ଚଳରେ ୨୦ରୁ ଅଧିକ ଘରେ ସୃଷ୍ଟି ହୋଇଛି ବଡ଼ ବଡ଼ ଫାଟ । ମିଳିଥିବା ସୂଚନା ଅନୁସାରେ ସ୍ଥାନୀୟ ପ୍ରଶାସନ ୩୦୦ ପରିବାରକୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରିଛି । ଆଜି ସକାଳୁ ଜିଲ୍ଲା ପ୍ରଶାସନ ଓ ଜିଓଲଜିକାଲ ସର୍ଭେ ଅଫ୍ ଇଣ୍ଡିଆ ବା ଜିଏସଆଇ ପ୍ରଭାବିତ ଅଞ୍ଚଳରେ ପହଞ୍ଚି ସମୀକ୍ଷା କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜିଲ୍ଲା ପ୍ରଶାସନ ନିୟମିତ ଭାବରେ ସ୍ଥିତି ଉପରେ ନଜର ରଖିଛି ଏବଂ ପରିସ୍ଥିତି ନିୟନ୍ତ୍ରଣାଧିନ ଥିବା ପ୍ରଶାସନ କହିଛି । ତେବେ ଜିଓଲଜିକାଲ ସର୍ଭେ ଅଫ୍ ଇଣ୍ଡିଆ ସ୍ଥିତିର ସମୀକ୍ଷା କରି ସରକାରଙ୍କୁ ରିପୋର୍ଟ ପ୍ରଦାନ କରିବେ । ଡୋଡା ଜିଲ୍ଲା ସେସମିକ ଜୋନ୍ ୪ ଅନ୍ତର୍ଗତ ଅଞ୍ଚଳ । ତେଣୁ ଏଠାରେ ଭୂମିକମ୍ପ ଦ୍ୱାରା ଅଧିକ କ୍ଷୟକ୍ଷତି ହୋଇଥାଏ । ଏବେ ସ୍ଥାନୀୟ ଅଞ୍ଚଳର ଘରେ ଦେଖାଦେଇଥିବା ବଡ଼ ବଡ଼ ଫାଟ ଯୋଗୁଁ ଲୋକେ ଆଶଙ୍କା ଭିତରେ ରହିଛନ୍ତି ।