୫ କଏଦୀଙ୍କୁ ମୁକ୍ତ କଲେ ପଞ୍ଜାବ ସରକାର । ହେଲେ ଏଥର ବି ମିଳିଲାନି ସିଦ୍ଧୁଙ୍କୁ ମୁକ୍ତି
କନକ ବ୍ୟୁରୋ: ପଞ୍ଜାବର ମାନ୍ ସରକାର ବିଭିନ୍ନ ଜେଲରୁ ୫ଜଣ କଏଦୀଙ୍କୁ ମୁକ୍ତ କରିଛନ୍ତି । ହେଲେ ଏଥିରେ ନାହିଁ ପୂର୍ବତନ ମନ୍ତ୍ରୀ ତଥା କଂଗ୍ରେସ ନେତା ନବଜୋତ୍ ସିଦ୍ଧୁଙ୍କ ନାଁ । ତେଣୁ ସିଦ୍ଧୁ ବୋଧହୁଏ ପୁରା ଦଣ୍ଡ ସମୟ ଜେଲରେ କାଟି ମୁକୁଳିବେ । ଏହାକୁ ନେଇ ସରକାରଙ୍କ ଉପରେ ଘୋର ଅସନ୍ତୋଷ ବ୍ୟକ୍ତ କରିଛନ୍ତି ବିରୋଧୀ ଦଳ ନେତା ।
Kanak News is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ ମଧ୍ୟ ଅମୃତ ମହୋତ୍ସବ ଯୋଜନା ଅଧିନରେ ଜାନୁଆରୀ ୨୬ ତାରିଖ ସାଧାରଣତନ୍ତ୍ର ଦିବସ ଅବସରରେ ମଧ୍ୟ ଅନେକ କଏଦୀଙ୍କୁ ମୁକ୍ତ କରାଯାଇଥିଲା । ହେଲେ ସେଥିରେ ବି ମୁକୁଳି ପାରିନଥିଲେ ସିଦ୍ଧୁ । ଏଥିରେ ପ୍ରତକ୍ରିୟା ପ୍ରକାଶ କରିବାକୁ ଯାଇ ତାଙ୍କ ସ୍ତ୍ରୀ ନବଜୋତ୍ କୌର ସିଦ୍ଧୁ କହିଥିଲେ ଯେ, ‘ସିଦ୍ଧୁ ହେଉଛନ୍ତି ଭୟଙ୍କର ଜନ୍ତୁ । ତାଙ୍କଠାରୁ ଦୂରେଇ ରୁହ । ସରକାର ବୋଧହୁଏ ସିଦ୍ଧୁଙ୍କୁ ଡରୁଛନ୍ତି । ତେଣୁ ତାଙ୍କ ମୁକ୍ତ କରୁନାହାଁନ୍ତି’ ।