ଦିଲ୍ଲୀରେ ମହକିଲା ଓଡ଼ିଶା ପଖାଳର ବାସ୍ନା ! ସାଂସଦ ଖାଇଲେ ‘ପଖାଳ’, ଜାଣନ୍ତୁ ଦିଲ୍ଲୀରେ କେଉଁଠି ମିଳିଲା ସାଂସଦଙ୍କୁ ପଖାଳ
କନକ ବ୍ୟୁରୋ : ଦିଲ୍ଲୀରେ ପହଞ୍ଚିଲା ପଖାଳ ଦିବସର କ୍ରେଜ । ପଖାଳ ପ୍ରତି ଥିବା ପ୍ରେମ ସଂସଦରେ ଦେଖିବାକୁ ମିଳିଲା । ବିଶ୍ୱ ପଖାଳ ଦିବସ ଅବସରରେ ପଖାଳ ମୋହରୁ ବାଦ ପଡିନାହାନ୍ତି ରାଜନେତା । ସାରା ରାଜ୍ୟରେ ପଖାଳ ଦିବସକୁ ଭିନ୍ନ ଢଙ୍ଗରେ ଲୋକେ ପାଳନ କରୁଥିବା ବେଳେ ଦିଲ୍ଲୀରେ ଓଡ଼ିଶା ସାଂସଦଙ୍କ ପଖାଳଖିଆକୁ ନେଇ ଏବେ ସୋସିଆଲ ମିଡିଆରେ ଚର୍ଚ୍ଚା । ସଂସଦ ଚାଲୁଥିବା ବେଳେ ପଖାଳ ଖାଇବା ପାଇଁ ଓଡ଼ିଆ ସାଂସଦ ମାନେ ଏକାଠି ହୋଇଥିଲେ ଦିଲ୍ଲୀର ହ୍ୱଜ କାସ ସ୍ଥିତ ଜଗନ୍ନାଥ ମନ୍ଦିରରେ । ଉଦଉଦିଆ ଖରାବେଳେ ଜଗନ୍ନାଥ ମନ୍ଦିରରେ ପହଞ୍ଚିବା ପରେ ମହାପ୍ରଭୁଙ୍କ ପ୍ରସାଦ ଖାଇବା ପରେ ଖୋଜା ପଡିଥିଲା ପଖାଳ କଂସା । ବିଜେଡି ଦଳର ଅଧିକାଂଶ ସାଂସଦଙ୍କୁ ଏହି ପଖାଳ ପାର୍ଟିରେ ଦେଖିବାକୁ ମିଳିଥିଲା । ଯାହା ସାଂସଦଙ୍କ ପଖାଳ ପ୍ରେମକୁ ଦର୍ଶାଉଥିଲା । ଅନ୍ୟ ସାଂସଦଙ୍କ ସହ ପଖାଳ ଖାଉଥିବାର କିଛି ଫଟୋ ବିଜେଡି ସାଂସଦ ତଥାଗତ ସତପଥୀ ନିଜ ଟ୍ୱିଟର ପେଜରେ ଅପଲୋଡ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
Hon’ble Orissa MPs enjoying Prasad and Pokhalo on ‘International Pokhalo Day’ at Hauz Khas Sri Jagannath Mandir 1430 hrs on 20 March 2018. Jai Orissa!TS pic.twitter.com/TZSuR5pdjs
— Office of T Satpathy (@SatpathyLive) March 20, 2018
ପଖାଳ ପ୍ରତି ଭଲପାଇବାକୁ ପୂରା ଦୁନିଆ ଆଗରେ ଦେଖାଇବାକୁ ଭୁଲିନଥିଲେ ରାଜ୍ୟସଭା ସାଂସଦ ଅନୁଭବ ମହାନ୍ତି । ଜଣେ ଓଡ଼ିଆ ଭାବେ ପଖାଳକୁ ସେ କେତେ ଭଲ ପାଆନ୍ତି ତାହା ସେ ପ୍ଲାକାର୍ଡ ମାଧ୍ୟମରେ ଜଣାଇଥିଲେ । ସଂସଦ ସାମ୍ନାରେ ଅନୁଭବ ଏକ ପ୍ଲାକାର୍ଡ ଧରି ଛିଡା ହୋଇଥିଲେ ଯେଉଁଥିରେ ସେ ପଖାଳକୁ କେତେ ଭଲ ପାଆନ୍ତି ତାହା ଦର୍ଶାଇଥିଲେ । ଏହାଛଡା ପ୍ଲାକାର୍ଡରେ ଆମ ପଖାଳ ଆମ ପାଇଁ ଅମୃତ ବୋଲି ଲେଖିଥିଲେ ଅନୁଭବ ।
Proud to be #ODIA 🙏🏻
Happy #PAKHALA DIBASA ❤ pic.twitter.com/8Jj4OCsx2u— Anubhav Mohanty (@AnubhavMohanty_) March 20, 2018
ପୂର୍ବରୁ ବିଜେଡି ସୁପ୍ରିମୋଙ୍କ ପଖାଳ ରାଜନୀତିକୁ ନେଇ ମଧ୍ୟ ଜୋର ଧରିଥିଲା ଚର୍ଚ୍ଚା । ଜାନୁଆରୀ ୨୭, ୨୦୧୮ । ଜାତୀୟସ୍ତରର ୪ ବରିଷ୍ଠ ନେତା(ବିଜେପିର ଲାଲକୃଷ୍ଣ ଆଡଭାନୀ, ପୂର୍ବତନ ପ୍ରଧାନମନ୍ତ୍ରୀ ଏଚ.ଡ଼ି ଦେବଗୌଡା, ସିପିଏମ ନେତା ସୀତାରାମ ୟେଚୁରୀ ଓ ଭାରତର ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ )ଙ୍କୁ ପଖାଳର ସ୍ୱାଦ ଚଖାଇ ବେଶ ଚର୍ଚ୍ଚା ସାଉଁଟି ଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଜୁ ପଟ୍ଟନାୟକଙ୍କ ଜୀବନୀ ଉପରେ ଆଧାରିତ ପୁସ୍ତକ ଦ ଟଲ ମ୍ୟାନ ଉନ୍ମୋଚନ ଅବସରରେ ଓଡ଼ିଶା ଆସିଥିବା ଜାତୀୟ ସ୍ତରର ଏହି ୪ ବରିଷ୍ଠ ନେତାଙ୍କୁ ଓଡ଼ିଶାର ଦେଶୀ ଖାଦ୍ୟର ସ୍ୱାଦ ଚଖାଇଥିଲେ ବିଜେଡି ସୁପ୍ରିମୋ ।
It was great pleasure to have enlightened company of Shri @CitiznMukherjee, Shri HD Deve Gowda, Shri LK Advani & Shri @SitaramYechury at Naveen Niwas. Had wonderful interaction over our much loved #Pakhala & Odia delicacies #PiajaPeetha #SagaBadi #Drumstickfry & famed #Chhenapoda pic.twitter.com/GWcpVGwL9t
— Naveen Patnaik (@Naveen_Odisha) January 27, 2018
ପୂରା ଦେଶୀ ଷ୍ଟାଇଲରେ ପରଷା ଯାଇଥିଲା ଦେଶୀ ଖାଦ୍ୟ । ଡାଇଡ଼ିଂ ଟେବୁଲ ଉପରେ କଦଳୀ ପତ୍ରରେ ପରଷାଗଲା ଦେଶୀ ଆଇଟମ । କଦଳୀ ପତ୍ର ଉପରେ ପରଷା ଯାଇଥିଲା ପଖାଳ, ସଜନା ଛୁଇଁ ଭଜା, ପିଆଜ ପିଠା, ଶାଗ ବଡି ଓ ପ୍ରସିଦ୍ଧ ଛେନା ପୋଡ । ଏହି ନିରାମଷ ଖାଦ୍ୟକୁ ପେଟଭରି ଖାଇଥିଲେ ୪ ନେତା । ନବୀନ ମଧ୍ୟ ସେମାନଙ୍କ ସହ ମଧ୍ୟାହ୍ନ ଭୋଜନ କରିଥିଲେ । ପରେ ୪ ନେତାଙ୍କ ସହ ମିଶି ଖାଉଥିବାର ଫଟୋ ଟ୍ୱିଟରରେ ସେୟାର କରିଥିଲେ ନବୀନ । ପ୍ରଥମ ଥର ପାଇଁ ରାଜନୀତିରେ ପଖାଳକୁ ନେଇ ଚର୍ଚ୍ଚା ହୋଇଥିଲା । ଆଉ ନବୀନଙ୍କ ଏହି ଆଇଡିଆକୁ ସେତେବେଳେ ସାଧାରଣରେ ବେଶ ପ୍ରଂଶସା କରାଯାଇଥିଲା । ଆଉ ଏହା ପାଲଟିଯାଇଥିଲା ଚଳିତବର୍ଷର ସବୁଠୁ ଚର୍ଚ୍ଚିତ ପଖାଳ ।
ବାସ୍ତବରେ ପ୍ରତିଟି ଓଡ଼ିଆ ଏବଂ ଓଡ଼ିଆ ମାନଙ୍କ ହୃଦୟର କଥା ବୁଝିଥାଏ ଏହି ପଖାଳ । ଓଡ଼ିଶାର ପଖାଳର ସ୍ୱାଦ ପ୍ରକୃତରେ ଅତୁଳନୀୟ , ଯିଏ ଥରେ ଏହି ଓଡ଼ିଶାର ପଖାଳ ଖାଇଛି ସେ ସବୁ ସମୟରେ ଓଡ଼ିଶା ଏବଂ ଓଡ଼ିଆମାନଙ୍କୁ ଝୁରିହୋଇଛି । ବିଶ୍ୱର କୋଣ ଅନୁକୋଣରେ ବାସ କରୁଥିବା ପ୍ରତ୍ୟେକ ଓଡିଆ ପାଇଁ ମାର୍ଚ୍ଚ-୨୦ ବହୁତ ମହତ୍ୱ ରଖେ କାରଣ ଏହା ହେଉଛି ‘ବିଶ୍ୱ ପଖାଳ ଦିବସ’ । ତେବେ ପଖାଳ ଓଡ଼ିଆଙ୍କ ପାଇଁ ଏକ ଖାଦ୍ୟ ନୁହେଁ ପଖାଳର ମହତ୍ୱକୁ ପରପୀଢ଼ି ପାଖରେ ପହଞ୍ଚାଇବା ପାଇଁ ପାଳିତ ହେଉଛି ପଖାଳ ଦିବସ ।