ଗଠନ ହେଲା ଓଡିଶା ପ୍ରଦେଶ କଂଗ୍ରେସ କମିଟି । ୫ ଜଣ ବରିଷ୍ଠ ଉପସଭାପତି, ୧୨ ଜଣ ଉପ ସଭାପତି । କଣ୍ଟାବାଞ୍ଝି ବିଧାୟକଙ୍କୁ କୋଷାଧ୍ୟକ୍ଷ ଦାୟିତ୍ୱ ।
କନକ ବ୍ୟୁରୋ: ଘୋଷଣା ହେଲା ଓଡିଶା ପ୍ରଦେଶ କଂଗ୍ରେସ କମିଟିର ନୂଆ ପଦାଧିକାରୀଙ୍କ ନାଁ । ଓଡିଶା ପ୍ରଦେଶ କଂଗ୍ରେସ କମିଟିର ପଦାଧିକାରୀ ତାଲିକାକୁ ମଞ୍ଜୁର ପ୍ରଦାନ କରିଛି ଅଖିଳ ଭାରତୀୟ କଂଗ୍ରେସ କମିଟି । ତେବେ ରାଜ୍ୟ କଂଗ୍ରେସର ଏହି ପଦାଧିକାରୀ ତାଲିକାରେ ୫ ଜଣ ବରିଷ୍ଠ ଉପସଭାପତି ଥିବାବେଳେ, ୧୨ ଜଣ ଉପସଭାପତି ରହିଛନ୍ତି । ସେହିପରି କଣ୍ଟାବାଞ୍ଝି ବିଧାୟକ ସନ୍ତୋଷ ସିଂ ସାଲୁଜାଙ୍କୁ କୋଷାଧ୍ୟକ୍ଷ ଦାୟିତ୍ୱ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଓଡିଶା ପ୍ରଦେଶ କଂଗ୍ରେସ କମିଟିର ପଦାଧିକାରୀଙ୍କ ନାଁ ଘୋଷଣା
ଓପିସିସିର ନୂଆ ପଦାଧିକାରୀ ତାଲିକାକୁ ଏଆଇସିସିର ମଞ୍ଜୁରୀ
ନୂଆ ତାଲିକାରେ ଅଛନ୍ତି ୫ ବରିଷ୍ଠ ଉପସଭାପତି, ୧୨ ଉପସଭାପତି
ସନ୍ତୋଷ ସିଂ ସାଲୁଜାଙ୍କୁ ଓପିସିସି କୋଷାଧ୍ୟକ୍ଷ ଦାୟିତ୍ୱ@INCOdisha #Odisha #KanakNews pic.twitter.com/GqspdWm5jN— Kanak News (@kanak_news) April 24, 2023
ପ୍ରଦେଶ କଂଗ୍ରେସର ସିନିୟର ଲିଡର ଗଣେଶ୍ୱର ବେହେରା, ତାରା ପ୍ରସାଦ ବାହିନୀପତି, ଦେବାଶିଷ ପଟ୍ଟନାୟକ, ଶିବାନନ୍ଦ ରାୟ ଓ ସରସ୍ୱତୀ ହେମ୍ବମଙ୍କୁ ବରିଷ୍ଠ ଉପସଭାପତି ଦାୟିତ୍ୱ ଦିଆଯାଇଥିବାବେଳେ ଉପସଭାପତି ଭାବେ ମମତା ମାଢି, ଅଧିରାଜ ମୋହନ ପାଣିଗ୍ରାହୀ, ବିଭୂତି ମିଶ୍ର, ରାଜ୍ଜନ ଏକ୍କା, କିଶୋର ଜେନାଙ୍କ ସହ ମୋଟ ୧୧ ଜଣଙ୍କୁ ଦାୟିତ୍ୱ ପ୍ରଦାନ କରାଯାଇଛି ।
ସେହିପରି ପ୍ରଦେଶ କଂଗ୍ରେସ କମିଟିରେ ୩୯ ଜଣ ସାଧାରଣ ସମ୍ପାଦକ, ୬୧ ଜଣ ସମ୍ପାଦକ ନିଯୁକ୍ତ କରାଯାଇଛି । ସୂଚନାଯୋଗ୍ୟ ଯେ, ଦୁଇ ଦିନ ତଳେ ବିଜୟ ପଟ୍ଟନାୟକଙ୍କୁ ପ୍ରଚାର କମିଟିର ଅଧ୍ୟକ୍ଷ ଭାବେ ନିଯୁକ୍ତ କରାଯାଇଥିଲା ।