ନୀତି ଆୟୋଗ ରିପୋର୍ଟ, ଦେଶରେ ସର୍ବାଧିକ ୫ ଗରିବ ରାଜ୍ୟ ମଧ୍ୟରେ ୪ ଟି ବିଜେପି ଶାସିତ, କେରଳରେ ସବୁଠାରୁ କମ୍ ଗରିବ
କନକ ବ୍ୟୁରୋ : ଦେଶର ପ୍ରଥମ ବହୁମୁଖୀ ଗରିବ ସୂଚକାଙ୍କ ରିପୋର୍ଟ ଜାରି କରିଛି ନୀତି ଆୟୋଗ । ଏହି ତାଲିକା ସାମ୍ନାକୁ ଆସିବା ପରେ କ୍ଷମତା ରାଜନୀତିରେ ନିଆଁ ଲାଗିଛି । ରିପୋର୍ଟରେ ଦର୍ଶା ଯାଇଥିବା ଦେଶର ସର୍ବାଧିକ ଗରିବ ଥିବା ୫ ରାଜ୍ୟ ମଧ୍ୟରୁ ୪ ଟି ରାଜ୍ୟରେ ବିଜେପିର ସରକାର ରହିଛି । କେଉଁ କେଉଁ ରାଜ୍ୟରେ ବିଜେପିର ଏକାକୀ ବହୁମତ ସରକାର ତ କେଉଁ କେଉଁ ରାଜ୍ୟରେ ବିଜେପିର ମେଣ୍ଟ ସରକାର ରହିଛି । ବିଜେପି ଶାସିତ ସର୍ବାଧିକ ୪ ଗରିବ ରାଜ୍ୟ ମଧ୍ୟରେ ଉତ୍ତର ପ୍ରଦେଶ ସବୁଠାରୁ ଆଗରେ ରହିଛି ।
Kanak News is now on WhatsApp
Join and get latest news updates delivered to you via WhatsApp
ନୀତି ଆୟୋଗର ରିପୋର୍ଟ ମୁତାବକ ବିହାର ଜନସଂଖ୍ୟାର ୫୧.୯୧ ପ୍ରତିଶତ ଲୋକ ଗରି. ଏଠାରେ ନୀତିଶ କୁମାରଙ୍କ ନେତୃତ୍ୱାଧିନ ବିଜେପି ଓ ଜେଡିୟୁର ସରକାର ରହିଛି । ୨୦୧୯ ପର୍ଯ୍ୟନ୍ତ ବିଜେପି ଶାସିତ ଝାଡଖଣ୍ଡରେ ୪୨.୧୬ ପ୍ରତିଶତ ଲୋକ ଗରିବ । ଦେଶର ସବୁଠାରୁ ବଡ ରାଜ୍ୟ କୁହାଯାଉଥିବା ଉତ୍ତର ପ୍ରଦେଶରେ ୩୭.୭୯ ପ୍ରତିଶତ ଲୋକ ଗରୀବ ସୂଚକାଙ୍କରେ ସ୍ଥାନ ପାଇଛନ୍ତି ।
୨୦୧୧ ଜନସଂଖ୍ୟା ମୁତାବକ ୟୁପିର ମୋଟ ଜନସଂଖ୍ୟା ୧୯.୯୮ କୋଟି, ତାହା ମଧ୍ୟରୁ ୩୭.୭୯ ପ୍ରତିଶତ ଅର୍ଥାତ ୭.୫୫ କୋଟି ଲୋକ ଗରିବ । ସେହିଭଳି ୨୦୧୧ ଜନସଂଖ୍ୟା ମୁତାବକ ବିହାରର ଜନସଂଖ୍ୟା ୧୦.୪ କୋଟି ଓ ଏଠାରେ ୫୨ ପ୍ରତିଶତ ଅର୍ଥାତ ୫.୪ କୋଟି ଲୋକ ଗରିବ ତାଲିକାରେ ରହିଛନ୍ତି ।
ସେହିଭଳି ନୀତି ଆୟୋଗ ରିପୋର୍ଟ ମୁତାବକ ୩୬.୬୫ ପ୍ରତିଶତ ସହ ମଧ୍ୟ ପ୍ରଦେଶ ଦେଶର ଚତୁର୍ଥ ସ୍ଥାନରେ ରହିଛି ଓ ୩୨.୬୭ ପ୍ରତିଶତ ଗରିବ ସହ ମେଘାଳୟ ୫ମ ସ୍ଥାନରେ ରହିଛି । ମଧ୍ୟ ପ୍ରଦେଶରେ ୨୦୦୩ ରୁ ଲଗାତର ଭାବେ (ଡିସେମ୍ବୀ ୨୦୧୮ ରୁ ମାର୍ଚ୍ଚ ୨୦୨୦ ପର୍ଯ୍ୟନ୍ତ ଛାଡି) ଏପର୍ଯ୍ୟନ୍ତ ବିଜେପିର ସରକାର ରହିଛି ଓ ଏଠାରେ ଶିବରାଜସିଂ ଚୌହାନ ୨୦୦୫ ରୁ ମୁଖ୍ୟମନ୍ତ୍ରୀ ଆସନରେ ରହିଛନ୍ତି । ଏହାସହ ମେଘାଳୟରେ ବିଜେପି ମେଣ୍ଟରେ ସରକାର ଗଠନ କରିଛି ।
ନୀତି ଆୟୋଗର ଏହି ସୂଚକାଙ୍କରେ ସବୁଠାରୁ କମ ଗରିବ ଥିବା ରାଜ୍ୟ ଭାବେ ବାମପନ୍ଥୀ ଶାସିତ କେରଳ ରହିଛି । କେରଳରେ ମାତ୍ର ୦.୭୧ ପ୍ରତିଶତ ଲୋକ ଗରିବ । ବିଜେପି ଶାସିତ ଗୋଆରେ ୩.୭୬ ପ୍ରତିଶତ, ସିକ୍କିମରେ ୩.୮୨ ପ୍ରତିଶତ, ତାମିଲନାଡୁରେ ୪.୮୯ ପ୍ରତିଶତ ଓ ପଞ୍ଜାବରେ ୫.୫୯ ପ୍ରତିଶତ ଲୋକ ଗରିବ ।