କନକ ବ୍ୟୁରୋ : ପାଣିରେ ଉଡ଼ିବ ସ୍ୟାଟେଲାଇଟ୍ । ଆମେରିକୀୟ ଅନ୍ତରୀକ୍ଷ ଗବେଷଣା ସଂସ୍ଥା ନାସା, ଏମିତି ଏକ ସ୍ୟାଟେଲାଇଟ୍ ଲଂଚ କରିବାର ପ୍ରସ୍ତୁତି କରୁଛି । ଯେଉଁ ସ୍ୟାଟେଲାଇଟ୍ ପାଣି ସାହାଯ୍ୟରେ ଉଡ଼ିବ । ଅର୍ଥାତ ଏହି ସ୍ୟାଟେଲାଇଟରେ ଇନ୍ଧନ ଭଳି କାମ କରିବ ପାଣି । ଯଦି ନାସାର ଏହି ମିଶନ ସଫଳ ହୁଏ, ତେବେ ଇନ୍ଧନରେ ଖର୍ଚ୍ଚ ହେଉଥିବା କୋଟି କୋଟି ଟଙ୍କା ସଂଚୟ କରିହେବ ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁଯାୟୀ, ଚଳିତମାସ ଶେଷ ସୁଦ୍ଧା, ପିଟିଡି ଅର୍ଥାତ ପାଥଫାଇଣ୍ଡର ଟେକ୍ନୋଲୋଜି ଡେମନଷ୍ଟ୍ରେଟର ଅଧୀନରେ, ପ୍ରଥମଥର ପାଇଁ ପାଣିରେ ଉଡୁଥିବା କ୍ୟୁବସେଟ୍ ସ୍ୟାଟେଲାଇଟ୍ ଲଂଚ କରାଯିବ । ଏହି ସ୍ୟାଟେଲାଇଟର ଲଂଚି ଆମେରିକାର ଫ୍ଲୋରିଡା ସ୍ଥିତ ସ୍ପେଶ ଷ୍ଟେସନରୁ ସ୍ପେଶଏକ୍ସର ଫାଲକନ-୯ ରକେଟରୁ କରାଯିବ ।
ତେବେ ଏହି ସ୍ୟାଟେଲାଇଟର ପ୍ରୋଜେକ୍ଟ ମ୍ୟାନେଜରଙ୍କ କହିବା ଅନୁଯାୟୀ, ଏପରି ସ୍ୟାଟେଲାଇଟ୍ ଲଚିଂ କରିବା ଦ୍ୱାରା, ଅନ୍ତରୀକ୍ଷରେ ପ୍ରଦୂଷଣ ହେବ ନାହିଁ । ପ୍ରଥମ ପର୍ଯ୍ୟାୟରେ ଏହି ବ୍ୟବସ୍ଥା କେବଳ ଛୋଟ ସ୍ୟାଟେଲାଇଟରେ କରାଯିବ । ଏବଂ ଯଦି ଏହି ମିଶନ ସଫଳ ହୁଏ, ତେବେ ପରବର୍ତ୍ତୀ ପର୍ଯ୍ୟାୟରେ ବଡ଼ ସ୍ୟାଟେଲାଇଟ ପାଇଁ ମଧ୍ୟ ଉପଯୋଗ କରାଯାଇପାରେ ।
ଆପଣଙ୍କ ମନରେ ପ୍ରଶ୍ନ ଉଠୁଥିବ ଏହି ସ୍ୟାଟେଲାଇଟ୍ ଉଡିବ କେମିତି ? କ୍ୟୁବସାଟ୍ ସିଷ୍ଟମକୁ ଏପରି ବିକଶିତ କରାଯାଇଛି ଯେ, ଏହା ଭିତରେ ଥିବା ପାଣିରୁ ହାଇଡ୍ରୋଜେନ୍ ଏବଂ ଅକ୍ସିଜେନର କଣିକା ଭାଙ୍ଗି ଏହାକୁ ଆଗକୁ ବଢିବାକୁ ଶକ୍ତି ଯୋଗାଇବ । ବୈଜ୍ଞାନିକଙ୍କ କହିବା ଅନୁଯାୟୀ, ଯେତେବେଳେ ହାଇଡ୍ରୋଜେନ୍ ଏବଂ ଅକ୍ସିଜେନ୍ ଗ୍ୟାସ୍ ଫର୍ମକୁ ଆସନ୍ତି, ସେତେବେଳେ, ସେମାନଙ୍କ ଉର୍ଜା ବହୁତ ଅଧିକ ରହିଥାଏ ।
ତେବେ ଫାଲକନ୍-୯ ରକେଟରେ ପ୍ରଥମଥର ପାଇଁ ୬ଟି କ୍ୟୁବସାଟ୍ ସ୍ୟାଟେଲାଇଟ୍ ଲଂଚ କରାଯିବ । ଏହା ୪ରୁ ୬ ମାସ ଧରି ଅନ୍ତରୀକ୍ଷରେ କାମ କରିବ । ଏହି ସମୟରେ ସ୍ୟାଟେଲାଇଟର ପ୍ରଦର୍ଶନ ଉପରେ ନଜର ରଖିବ ନାସା । ଏବଂ କଣ ସମସ୍ୟା ସୃଷ୍ଟି ହେଉଛି, ତାଉପରେ ମଧ୍ୟ ନଜର ରଖାଯିବ ।