ଓଡିଶା ପାଇଁ ୧୪,୫୨୩ କୋଟି ଟଙ୍କାର ପ୍ୟାକେଜ ନେଇ ଆସୁଛନ୍ତି ପ୍ରଧାନମନ୍ତ୍ରୀ । ବିଭିନ୍ନ ଯୋଜନାର କରିବେ ଶୁଭାରମ୍ଭ
କନକ ବ୍ୟୁରୋ : ପ୍ୟାକେଜ ନେଇ ଆସୁଛନ୍ତି ପ୍ରଧାନମନ୍ତ୍ରୀ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଓଡିଶା ଗସ୍ତକୁ ନେଇ ରାଜନୀତି ଜୋରଦାର ହୋଇଥିବା ବେଳେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମୋଦିଙ୍କ ପ୍ୟାକେଜ ଘୋଷଣା ନେଇ ସୂଚନା ଦେଇଛନ୍ତି । ଦିଲ୍ଲୀରେ ସାମ୍ବାଦିକ ସମ୍ମିଳନୀ କରି ଧର୍ମେନ୍ଦ୍ର କହିଛନ୍ତି ପ୍ରଧାନମନ୍ତ୍ରୀ ୧୪ହଜାର ୫ଶହ ୨୩ କୋଟି ଟଙ୍କାର ପ୍ୟାକେଜ ନେଇ ଓଡିଶା ଆସୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ସମୟରେ ପ୍ରଧାନମନ୍ତ୍ରୀ ବହୁ ଗରୁତ୍ୱପୂର୍ଣ୍ଣ ପ୍ରକଳ୍ପର ଶୁଭାରମ୍ଭ କରିବା ସହ ଆଇଆଇଟିର ନୂଆ କ୍ୟାମ୍ପସର ଲୋକାର୍ପଣ କରିବେ । ଆଉ କିଛି ମାସ ପରେ ସାଧାରଣ ନିର୍ବାଚନ ଥିବା ବେଳେ ମୋଦିଙ୍କ ଏହି ପ୍ୟାକେଜ ଘୋଷଣା ରାଜନୀତିକୁ ଆହୁରି ସରଗରମ କରିବ । ଆଉ ପ୍ରକଳ୍ପର ଲୋକାର୍ପଣ ପୁର୍ବରୁ କେନ୍ଦ୍ରମନ୍ତ୍ରୀଙ୍କ ଏହି ଘୋଷଣା ପରେ ରାଜନୀତି ବି ଜୋର ଧରିଛି । ଆସନ୍ତା ୨୪ ତାରିଖରେ ଓଡିଶା ଆସିବେ ନରେନ୍ଦ୍ର ମୋଦି । ଏହି ମସୟରେ ଭୁବନେଶ୍ୱର ଆଇଆଇଟି କ୍ୟାମ୍ପସରୁ ସେ ପରିବହନ,ପର୍ଯ୍ୟଟନ ଓ ସ୍ୱାସ୍ଥ୍ୟ ସହ ଜଡିତ କିଛି ଗୁରୁତ୍ୱପୂର୍ଣ୍ଣ ପ୍ରକଳ୍ପର ଶିଳାନ୍ୟାସ କରିବା ସହ ଶୁଭାରମ୍ଭ କରିବେ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ରୋଜଗାର, ଆତ୍ମନିର୍ଭରଶୀଳତାର ଏଜେଣ୍ଡା ନେଇ ପ୍ରଧାନମନ୍ତ୍ରୀ ଓଡିଶା ଆସୁଥିବା ନେଇ ସୂଚନା ଦେଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ପାଇକ ବିଦ୍ରୋହର ୨୦୦ ବର୍ଷ ପୂର୍ତି ପାଇର୍ ପ୍ରଧାନମନ୍ତ୍ରୀ କିଛି ଗୁରୁତ୍ୱପୂର୍ଣ୍ଣ ଘୋଷଣା କରିବା ସହ ଡାକଟିକେଟ ଓ ସ୍ମାରକୀ ମୁଦ୍ରାର ଶୁଭାରମ୍ଭ କରିବେ ବୋଲି ଜଣା ପଡିଛି । ଗତ ୪ବର୍ଷ ଭିତରେ ଓଡିଶା ପାଇଁ କେନ୍ଦ୍ର ସରକାର କଣ କରିଛନ୍ତି ତା’ର ହିସାବ ବି ରଖିପାରନ୍ତି ମୋଦି ।
ପ୍ରଧାନମନ୍ତ୍ରୀ ଭୁବନେଶ୍ୱରରେ ଥିବା ଇଏସଆଇ ହସ୍ପିଟାଲକୁ ୧୦୦ ଶଯ୍ୟା ବିଶିଷ୍ଟ କରିବା ପାଇଁ ୭୫ କୋଟି ୩୦ଲକ୍ଷ ଟଙ୍କା ବ୍ୟୟରେ ପ୍ରକଳ୍ପର ଶୁଭାରମ୍ଭ କରିବେ । ଭୁବନେଶ୍ୱର କଟକ ଜାତୀୟ ରାଜପଥକୁ ୦୬ଲେନ ବିଶିଷ୍ଟ କରିବା ସହ କଟକ-ଅନୁଗୁଳ ରାସ୍ତାକୁ ୦୪ ଲେନ କରିବା ପାଇଁ ପ୍ରକଳ୍ପର ଶୁଭାରମ୍ଭ କରିବେ ନରେନ୍ଦ୍ର ମୋଦି ।
ପାଇକ ବିଦ୍ରୋହର ୨୦୦ ବର୍ଷ ପାଳନ ଉପଲକ୍ଷେ ଡାକଟିକଟ,ସ୍ମାରକୀ ମୁଦ୍ରା ଓ ଉକ୍ରଳ ବିଶ୍ୱବିଦ୍ୟାଳୟରେ ଗବେଷଣା ପାଇଁ ୫କୋଟିର କର୍ପସ ପଣ୍ଡ ଘୋଷଣା କରିବେ ମୋଦି । ଏହା ସହ ପ୍ରଧାନମନ୍ତ୍ରୀ ଉର୍ଜା ଗଙ୍ଗା ଯୋଜନାରେ ପାରଦୀପ-ହାଇଦ୍ରାବାଦ ଭିତରେ ପାଇପଲାଇନ କାମର ବି ଶୁଭାରମ୍ଭ କରିବେ ।