ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ହୃଦୟ ଜିତିଥିବା ଦୁଇଜଣ ନ୍ୟୁଜମେକର । ନିଜ କାମ ଆଉ କଥା ବଳରେ ଯିଏ ହୋଇଥିଲେ ଚର୍ଚ୍ଚିତ ।
ଚା ବିକି ଉପାର୍ଜନ କରୁଥିବା ଅର୍ଥରେ ବସ୍ତି ପିଲାଙ୍କୁ ପାଠ ପଢାଉଥିବା ଡି. ପ୍ରକାଶ ରାଓ ଏବଂ ମହିଳା ସଶକ୍ତୀକରଣର ବାର୍ତ୍ତା ବହନ କରୁଥିବା ଜୟନ୍ତୀ ଏକ୍କା ସାମାଜିକ କ୍ଷେତ୍ରରେ ବନିଥିଲେ ଚର୍ଚ୍ଚିତ ଚେହେରା ଆଉ ନ୍ୟୁଜ ମେକର ।
ସାମାଜିକ କ୍ଷେତ୍ରରେ ଦୁଇ ଜଣଙ୍କୁ ନେଇ ବେଶ ଅଧିକ ଚର୍ଚ୍ଚା ହୋଇଥିଲା । ଯାହାଙ୍କ କାର୍ଯ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦୃଷ୍ଟି ଆକର୍ଷଣ କରିଥିଲା ଆଉ ଯାହାଙ୍କ ଭାଷଣ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଘଂଟାଏରୁ ଅଧିକ ସମୟ ଧରି ଷ୍ଟେଜ ଉପରେ ବାନ୍ଧି ରଖିଥିଲା । ଚା ବିକି ଉପାର୍ଜନ କରୁଥିବା ଅର୍ଥରେ ବସ୍ତି ପିଲାଙ୍କୁ ପାଠ ପଢାଉଥିବା ଡି. ପ୍ରକାଶ ରାଓ ଏବଂ ମହିଳା ସଶକ୍ତୀକରଣର ବାର୍ତ୍ତା ବହନ କରୁଥିବା ଜୟନ୍ତୀ ଏକ୍କା ସାମାଜିକ କ୍ଷେତ୍ରରେ ବନିଥିଲେ ଚର୍ଚ୍ଚିତ ଚେହେରା ଆଉ ନ୍ୟୁଜ ମେକର ।
Kanak News is now on WhatsApp
Join and get latest news updates delivered to you via WhatsApp
ଚତୁର୍ଥ ପାଳି ପୂରଣ କରିବା ଅବସରରେ ଯେତେବେଳେ ଓଡିଶା ଗସ୍ତରେ ଆସିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସେତେବେଳେ ଡି. ପ୍ରକାଶ ରାଓଙ୍କୁ ଭେଟିବା ସହ ତାଙ୍କ କାର୍ଯ୍ୟକୁ ଢେର ପ୍ରଶଂସା ମଧ୍ୟ କରିଥିଲେ । ଏପରିକି ମନ କି ବାତ୍ କାର୍ଯ୍ୟକ୍ରମରେ ମଧ୍ୟ ଏହାକୁ ସ୍ଥାନିତ କରିଥିଲେ ପ୍ରଧାନମନ୍ତ୍ରୀ । କିଭଳି ପିଏମଓରୁ ତାଙ୍କୁ ଫୋନ୍ ଆସିଥିଲା, ଆଉ ପ୍ରଧାନମନ୍ତ୍ରୀ ତାଙ୍କ ବାବଦରେ କିଭଳି ସବୁ ଖବର ରଖିଥିଲେ, ତାହା ଆଶ୍ଚର୍ଯ୍ୟ କରିଥିଲା ବୋଲି କହିଛନ୍ତି ଡି. ପ୍ରକାଶ ରାଓ ।
ସେହିଭଳି ନିଜ ସ୍ୱପ୍ନ ଆଉ ସମ୍ଭାବନାର କଥାକୁ ବି ନ୍ୟୁଜ ମେକର ୨୦୧୮ କାର୍ଯ୍ୟକ୍ରମରେ କହିଛନ୍ତି ଜୟନ୍ତୀ ଏକ୍କା । ମେକ ଇନ ଓଡିଶା କାର୍ଯ୍ୟକ୍ରମ ସମୟରେ ମହିଳା ସଶକ୍ତୀକରଣର ବାର୍ତ୍ତାକୁ ଯେତେବେଳେ ସମସ୍ତଙ୍କ ସାମ୍ନାରେ ଜୟନ୍ତୀ ରଖୁଥିଲେ ତାହା ସମସ୍ତଙ୍କ ହୃଦୟ ଜିତିଥିଲା । ଏପରିକି ମୁଖ୍ୟମନ୍ତ୍ରୀ ମଧ୍ୟ ଠିଆ ହୋଇ ତାଳି ମାରୁଥିଲେ । ସେ ନିଜ ଅଭିଭାଷଣ ରଖିବା ସମୟରେ ବିଶେଷ କିଛି ଭାବୁନଥିଲେ ବରଂ ଯାହା କିଛି ମନକୁ ଆସୁଥିଲା ତାକୁ ପରିପ୍ରକାଶ କରୁଥିଲେ ।
ଆଗାମୀ ଦିନରେ ସେ ଆଉ ତାଙ୍କ ସହଯୋଗୀ ବିମାନରେ ଉଡିବାର ସ୍ୱପ୍ନ ଦେଖୁଥିବା କହିଛନ୍ତି ଜୟନ୍ତୀ ଏକ୍କା । ଏପରିକି ସୁନ୍ଦରଗଡରୁ ଭୁବନେଶ୍ୱର ଏକ ବସ ଚଲାଇବାକୁ ମଧ୍ୟ ଲକ୍ଷ୍ୟ ରଖାଯାଇଛି । ରାଜନୀତିର ପ୍ରଶ୍ନ ଉପରେ ବେଶ ମାପିଚୁପି ବୟାନ ରଖିଥିଲେ ଜୟନ୍ତୀ ଏକ୍କା । ତେବେ ଡରିବା ବଦଳରେ କାମ କରି ଚାଲିବାକୁ ସେ ସମସ୍ତଙ୍କୁ ପରାମର୍ଶ ମଧ୍ୟ ଦେଇଥିଲେ ।