କର୍ଣ୍ଣାଟକ ପୂର୍ବତନ ମୁଖ୍ୟମନ୍ତ୍ରୀ ୟେଦୁରପ୍ପାଙ୍କ ନାତୁଣୀର ଅସ୍ୱଭାବିକ ମୃତ୍ୟୁ, ଫ୍ଲାଟରୁ ଜବତ ହେଲା ଝୁଲନ୍ତା ମୃତଦେହ
କନକ ବ୍ୟୁରୋ : କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ବି.ଏସ ୟେଦୁରପ୍ପାଙ୍କ ନାତୁଣୀର ମୃତଦେହ ଝୁଲନ୍ତା ଅବସ୍ଥାରେ ବେଙ୍ଗାଲୋରର ଏକ ଫ୍ଲାଟରୁ ଉଦ୍ଧାର କରାଯାଇଛି । ବେଙ୍ଗାଲୋର ସ୍ଥିତ ନିଜ ଆପର୍ଟମେଣ୍ଟରେ ୟେଦୁରପ୍ପାଙ୍କ ନାତୁଣୀ ସୌନ୍ଦର୍ଯ୍ୟାଙ୍କ ମୃତଦେହ ଝୁଲନ୍ତା ଅବସ୍ଥାରେ ଥିବାର ଦେଖିବାକୁ ମିଳିଥିଲା । ଏହା ଦେଖିବା ପରେ ତାଙ୍କୁ ତୁରନ୍ତ ମେଡିକାଲ ନିଆଯାଇଥିଲେ ବି ସେଠାରେ ଡାକ୍ତର ସୌନ୍ଦର୍ଯ୍ୟାଙ୍କୁ ମୃତ ଘୋଷଣା କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ୟେଦୁରପ୍ପାଙ୍କ କାର୍ଯ୍ୟାଳୟରୁ ମିଳିଥିବା ସୂଚନା ମୁତାବକ ସୌନ୍ଦର୍ଯ୍ୟାଙ୍କ ବୟସ ୩୦ ବର୍ଷ ହୋଇଥିବା ବେଳେ ପେଶାରେ ସେ ଜଣେ ଡାକ୍ତର । କିଛିବର୍ଷ ତଳେ ତାଙ୍କର ବିବାହ ହୋଇଥିବା ବେଳେ ତାଙ୍କର ୪ମାସର ଏକ ଶିଶୁ ରହିଛି । ହେଲେ କିଛିଦିନ ହେବ ସେ ମାନସିକ ଅବସାଦରେ ଥିବା କଥା କୁହାଯାଉଛି ।
କହିରଖୁ କି ସୌନ୍ଦର୍ଯ୍ୟା ହେଉଛନ୍ତି ୟେଦୁରପ୍ପାଙ୍କ ବଡଝିଅ ପଦ୍ମାବତୀଙ୍କ ଝିଅ । ଅନୁମାନ କରାଯାଉଛି କି ସୌନ୍ଦର୍ଯ୍ୟା ଆତ୍ମହତ୍ୟା କରିଥାଇ ପାରନ୍ତି । ସେ ୨୦୧୯ ମସିହାରେ ଡାକ୍ତର ନୀରଜଙ୍କୁ ବିବାହ କରିଥିଲେ । ଘଟଣା ସଂପର୍କରେ ପୋଲିସ ଏକ ମାମଲା ଦାଖଲ କରି ଯାଂଚ ଚଳାଇଛି ।
Former Karnataka CM BS Yediyurappa’s granddaughter Soundarya found hanging at a private apartment in Bengaluru. Postmortem is going on at Bowring and Lady Curzon Hospital: Office of BS Yediyurappa
— ANI (@ANI) January 28, 2022
ଏହି ଘଟଣା ସକାଳ ୧୦ ଟା ବେଳେ ଘଟିଥିବା କୁହାଯାଉଛି । ଯେତେବେଳେ ଘରର ଚାକର ସୌନ୍ଦର୍ଯ୍ୟାଙ୍କ ବେଡରୁମର କବାଟ ବାଡେଇଥିଲା ସେତେବେଳେ ଭିତରୁ କୌଣସି ଜବାବ୍ ମଳିନଥିଲା । ଏନେଇ ଚାକର ଜଣଙ୍କ ସୌନ୍ଦର୍ଯ୍ୟାଙ୍କ ସ୍ୱାମୀ ଡାକ୍ତର ନୀରଜଙ୍କୁ ଫୋନ କରିଥିଲେ । ଏହାପରେ ଯେତେବେଳେ ନୀରଜ କବାଟ ଖୋଲିଥିଲେ, ଦେଖିବାକୁ ମିଳିଥିଲା କି ସୌନ୍ଦର୍ଯ୍ୟାଙ୍କ ବେଡରୁମ ପଙ୍ଖାରେ ତାଙ୍କ ଶରୀର ଝୁଲନ୍ତା ଅବସ୍ଥାରେ ରହିଛି ।