ସାତକୋଶିଆ ବାଘୁଣୀକୁ ଧରିବ ଚନ୍ଦକାର କୁମକି ହାତୀ ! ଯଶୋଦା ସହାୟତାରେ ସୁନ୍ଦରୀକୁ ଟ୍ରାଙ୍କୁଲାଇଜ କରିବେ ବାନ୍ଧବଗଡରୁ ଆସିଥିବା ସ୍ୱତନ୍ତ୍ର ଟିମ୍
ସାତକୋଶିଆରେ ବାଘୁଣୀ ସୁନ୍ଦରୀକୁ ଧରିବ କୁମକି ହାତୀ ଯଶୋଦା
କନକ ବ୍ୟୁରୋ: ସାତକୋଶିଆରେ ବାଘୁଣୀ ସୁନ୍ଦରୀକୁ ଧରିବ କୁମକି ହାତୀ ଯଶୋଦା । ସୁନ୍ଦରୀକୁ ଧରିବାକୁ ବନବିଭାଗ ନୟାନ୍ତ ହେବା ପରେ ଯଶୋଦାର ସହାୟତା ନେଇଛିି ବନବିଭାଗ । ସୁୁନ୍ଦରୀ ଅପରେସନ ପାଇଁ ଆଜି ସାତକୋଶିଆରେ ପହଂଚିଛି କୁମକି ହାତୀ । ଏହାସହ ୧୨ ଜଣିଆ ଟିମ୍ ମଧ୍ୟ ପହଂଚିଛନ୍ତି । ଏହି ଟିମ୍ ହାତୀର ମାନସିକ ସ୍ଥିତି ଅନୁଧ୍ୟାନ କରିବା ପରେ ଭୋଗଳିକ ସ୍ଥିତି ପରିକ୍ଷଣ କରାଯିବ । ଏହାପରେ ଆସନ୍ତାକାଲି ଟ୍ରାଙ୍କୁଲାଇଜ ପାଇଁ ପ୍ରକ୍ରୀୟା ଆରମ୍ଭ ହେବ ।ଏଥିପାଇଁ ମଇଁଷି, ସ୍ୱୟଂ ଚାଳିତ ଯନ୍ତା ଓ ଷ୍ଟ୍ରେଚର ସାତକୋଶିଆରେ ରଖାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୁନ୍ଦରୀକୁ ଧରିବା ପାଇଁ ୧୦ଦିନ ଧରି ଝାଳନାଳ ବୁହାଇବା ପରେ ଶେଷରେ କୁମକି ହାତୀର ସହାୟତା ନେଇଛି ବନବିଭାଗ । ପ୍ରଥମରୁ ଖାଲି ହାତରେ ସୁନ୍ଦରୀକୁ ଧରିବା ପାଇଁ ଉଦ୍ୟମ କରିଥିଲେ ଟ୍ରାଙ୍କୁଲାଇଜ୍ ଟିମ୍ । ହେଲେ ଏଥିରେ ବାରମ୍ବାର ଫେଲ ମାରିବା ପରେ ବିଭାଗ ପକ୍ଷରୁ ଶିମିଳିପାଳରୁ କୁମକି ହାତୀ ରାଜକୁମାରୀକୁ ଆଣିବାକୁ ଯୋଜନା କରାଯାଇଥିଲା । ହେଲେ ସେଥିରେ ବିଫଳ ହେବାରୁ ଶେଷରେ ଚନ୍ଦକା ଅଭୟାରଣ୍ୟରେ ଥିବା ତାଲିମପ୍ରାପ୍ତ ହାତୀ ଯଶୋଦାକୁ ସାତକୋଶିଆକୁ ନିଆଯାଇଛି । ସ୍ୱତନ୍ତ୍ର ଟ୍ରକ ଯୋଗେ ୪ଜଣ ମାହୁନ୍ତ ଓ ବନ କର୍ମଚାରୀଙ୍କ ସହ ଚନ୍ଦକାରୁ ଯାଇଛି ହାତୀ ।
ବାନ୍ଧବଗଡରୁ ଆସିଥିବା ସ୍ୱତନ୍ତ୍ର ଟିମ୍ ଯଶୋଦା ସହାୟତାରେ ବାଘକୁ ଟ୍ରାଙ୍କୁଲାଇଜ କରିବେ । ହାତୀର ସହାୟତା ନେଇ ବାଘକୁ ଟ୍ରାଙ୍କୁଲାଇଜ ୍ କରିବାର ନଜିର ରହିଛି । ଏହି ହାତୀ ପୂର୍ବରୁ ଅନେକ ଥର ବଣୁଆ ହାତୀଙ୍କୁ ରୋକିବାରେ ସକ୍ଷମ ହୋଇଛି । ଏଥର ବାଘୁଣୀକୁ ମଧ୍ୟ ସେ ଠାବ କରିବା ସହ ରୋକି ପାରିବ ବୋଲି ବନ ବିଭାଗ ଆଶା ରଖିଛି । ହାତୀ ପିଠିରୁ ବିଶେଷଜ୍ଞ ଦଳ ବାଘୁଣୀକୁ ଟ୍ରାଙ୍କୁଲାଇଜ୍ କରିବାର ଯୋଜନା ରଖିଛନ୍ତି ।