SBI ଗ୍ରାହକଙ୍କ ପାଇଁ ବଡ ଖବର । ଅନଲାଇନ୍ ଠକେଇରୁ ବଞ୍ଚିବା ପାଇଁ SBI ଆଣିଲା ନୂଆ ଫିଚର, ଗ୍ରାହକ ଲକ୍ କରିପାରିବେ ଇଣ୍ଟରନେଟ ବ୍ୟାଙ୍କିଙ୍ଗ୍ ଆକାଉଣ୍ଟ ।
ଅନଲାଇନ୍ ମାଧ୍ୟମରେ ଟଙ୍କା ନେଣଦେଣର ସୁବିଧା ଆସିବା ପରଠାରୁ ଲୋକେ ଅନଲାଇନ୍ ଠକେଇର ଶିକାର ହେବାରେ ଲାଗିଛନ୍ତି । ନକଲି ଫୋନ୍ କଲ୍ କରି ବିବରଣୀ ନେବା ସହ ଦୁର୍ବୃତ୍ତମାନେ ଟଙ୍କା କାଢ଼ି ନେଉଛନ୍ତି । ଏଭଳି ସମସ୍ୟାର ସମାଧାନ ପାଇଁ ବିତ୍ତିୟ ସଂସ୍ଥା ବିଭିନ୍ନ ବାଟ ଆପଣାଉଥିଲେ ମଧ୍ୟ ତାହାର କୌଣସି ପ୍ରଭାବ ପଡ଼ୁନଥିବା ଦେଖିବାକୁ ମିଳୁଛି । ତେବେ ନିଜର ଗ୍ରାହକଙ୍କ ସମସ୍ୟାକୁ ଦେଖି ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ ଏକ ନୂଆ ଫିଚର ଆଣିଛି । ଏହି ନୂଆ ଫିଚର ମାଧ୍ୟମରେ ଦରକାର ନ ଥିଲେ ଗ୍ରାହକମାନେ ନିଜର ଇଣ୍ଟରନେଟ୍ ବ୍ୟାଙ୍କିଙ୍ଗ୍କୁ ଲକ୍ କରି ପାରିବେ । ଯାହାଦ୍ୱାରା ଆକାଉଣ୍ଟର ବିବରଣୀ କାଢ଼ିବା ସହଜ ହେବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଏସବିଆଇ ଇଣ୍ଟରନେଟ୍ ବ୍ୟାଙ୍କିଙ୍ଗ୍ ୱେବସାଇଟ୍ ପକ୍ଷରୁ କୁହାଯାଇଛି କି, ଆକାଉଣ୍ଟର ସୁରକ୍ଷା ଏବଂ ନିୟନ୍ତ୍ରଣ ପାଇଁ ଆପଣ ଏବେ ଇଣ୍ଟରନେଟ୍ ବ୍ୟାଙ୍କିଙ୍ଗ୍କୁ ଲକ୍ ବା ଅନ୍ଲକ୍ କରି ପାରିବେ । ଯାହାର ଲିଙ୍କ୍ ଇଣ୍ଟରନେଟ୍ ବ୍ୟାଙ୍କିଙ୍ଗର ହୋମ୍ ପେଜ୍ ବା ଲଗ୍ ଇନ୍ ପେଜରେ ଲକ୍ ଆଣ୍ଡ ଅନ୍ଲକ୍ ୟୁଜର ନାମରେ ଥିବ । ତେବେ ଏହି ସୁବିଧାର ଲାଭ କେବଳ କ୍ଷୁଦ୍ର ଗ୍ରାହକ ଉଠାଇପାରିବେ । କିନ୍ତୁ କର୍ପୋରେଟ୍ ଗ୍ରାହକମାନେ ଏହାର ଲାଭ ଉଠାଇ ପାରିବେ ନାହିଁ । କ୍ଷୁଦ୍ର ଗ୍ରାହକମାନେ ଇଣ୍ଟରନେଟ୍ ବ୍ୟାଙ୍କିଙ୍ଗ୍ ଲକ୍ କରିବା ପୂର୍ବରୁ ନିଜର ପ୍ରୋଫାଇଲ ପାସଓ୍ଵାର୍ଡକୁ ମନେ ରଖିବା ଜରୁରୀ । ପ୍ରୋଫାଇଲ ପାସ୍ଓ୍ଵାର୍ଡ ଲଗ୍ ଇନ୍ ପାସ୍ଓ୍ଵାର୍ଡଠାରୁ ଭିନ୍ନ ବୋଲି ଜାଣି ରଖନ୍ତୁ । ପ୍ରଥମେ ଇଣ୍ଟରନେଟ୍ ବ୍ୟାଙ୍କିଙ୍ଗ୍ରେ ଲଗ୍ ଇନ୍ କରିବା ସମୟରେ ଆପଣ ଏହି ପ୍ରୋଫାଇଲ ପାସ୍ଓ୍ଵାର୍ଡ ନିଶ୍ଚୟ ତିଆରି କରିଥିବେ । ଯଦି ଆପଣ ଆପଣଙ୍କର ପ୍ରୋଫାଇଲ ପାସ୍ଓ୍ଵାର୍ଡ ଭୁଲି ଯାଇଛନ୍ତି, ତେବେ ଏହାକୁ ପୁଣି ଥରେ ତିଆରି କରିବା ପରେ ହିଁ ଆକାଉଣ୍ଟ ଲକ୍ କରନ୍ତୁ ।
ପ୍ରଥମେ ଇଣ୍ଟରନେଟ୍ ବ୍ୟାଙ୍କିଙ୍ଗ ୱେବସାଇଟକୁ ଯାଇ ଏହି ଲିଙ୍କ୍ https://www.onlinesbi.com/ ଉପରେ କ୍ଲିକ୍ କରନ୍ତୁ । ଯାହା ପରେ ପେଜର ବାମ ପଟେ ଆପଣଙ୍କୁ ଲକ୍ ଆଣ୍ଡ ଅନଲକ୍ ୟୁଜର ବିକଳ୍ପ ଦେଖାଇବ । ସେହି ବିକଳ୍ପ ଉପରେ କ୍ଲିକ୍ କରିବା ପରେ ଏକ ନୂଆ ପେଜ୍ ଖୋଲିବ । ସେଠାରେ ଦିଆଯାଇଥିବା ବକ୍ସକୁ ଭରିବା ପରେ କନଫର୍ମ ବଟନ୍ ଉପରେ କ୍ଲିକ୍ କରନ୍ତୁ ।
ଏହା ପରେ ଆପଣଙ୍କ ସ୍କ୍ରିନ୍ ଉପରେ କିଛି ସର୍ତ୍ତାବଳୀ ଆସିବ । ଯଦି ଆପଣ ସେହି ସବୁ ସର୍ତ୍ତବଳୀ ପାଇଁ ରାଜି, ତେବେ Ok ବଟନ୍ ଉପରେ କ୍ଲିକ୍ କରିବେ ।ଯାହା ପରେ ଆପଣଙ୍କ ରେଜିଷ୍ଟର ହୋଇଥିବା ମୋବାଇଲ ନମ୍ବର ଏବଂ ଇମେଲ ଆଇଡିକୁ ଏକ ଓଟିପି ଯିବ । ଓଟିପି ଲେଖି ସବମିଟ୍ କରିବା ପରେ ଆପଣଙ୍କ ଆକାଉଣ୍ଟ ଲକ୍ ହୋଇଯିବ। ଅନଲକ୍ କରିବା ପାଇଁ ମଧ୍ୟ ସମାନ ପ୍ରଣାଳୀ ଆପଣାଇ ପାରିବେ ।
