ନନ୍ଦନକାନନରେ ଅସୁସ୍ଥ ଥିବା ମହାବଳ ‘ଶୁଭ୍ରାଂଶୁ’କୁ ଦିଆଯିବ ସାଲାଇନ୍ । ରକ୍ତ ନମୂନା ଓ ମଳ ପରୀକ୍ଷା ପାଇଁ ଯିବ ଓୟୁଏଟି ।
କନକ ବ୍ୟୁରୋ: ନନ୍ଦନକାନନରେ ହର୍ପିସ ଭୁତାଣୁ ସଂକ୍ରମଣରେ ୪ ହାତୀଙ୍କ ମୃତ୍ୟୁ ପରେ ଏବେ ଧଳା ବାଘ ଶୁଭ୍ରାଶୁଂ ଅସୁସ୍ଥ ଅଛି ।ତେବେ ଝାଡାରେ ପୀଡିତ ହୋଇ ଦୁର୍ବଳ ହୋଇପଡିଥିବା ମହାବଳ ବାଧ ଶୁଭ୍ରାଂଶୁକୁ ସାଲାଇନ୍ ଦିଆଯିବ । ଏହାସହ ରକ୍ତ ନମୂନା ଓ ମଳ ପରୀକ୍ଷା ପାଇଁ ଭୁବନେଶ୍ୱର ସ୍ଥିତ ଓୟୁଏଟିକୁ ନିଆଯିବ ବୋଲି ଆଜି ନନ୍ଦନକାନନ କର୍ତ୍ତୃପକ୍ଷ ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତ ରବିବାରଠାରୁ ୫ ବର୍ଷର ଧଳା ବାଘ ଶୁଭ୍ରାଂଶୁ ଅସୁସ୍ଥ ଅଛି । ସେ ଠିକ ଭାବେ ଖିଆପିଆ କରୁନାହିଁ । ଦୁର୍ବଳ ହେବା ସହ ଗୋଟିଏ ସ୍ଥାନରେ ପଡିରହୁଛି । ୨୦୧୪ରେ ଜନ୍ମ ହୋଇଥିଲା ବାଘ ଶୁଭ୍ରାଶୁଂ । ନନ୍ଦନକାନନ ଡାକ୍ତରୀ ଦଳଙ୍କ ଦ୍ୱାରା ଚିକିତ୍ସା ଜାରି ରହିଛି । ଏବେ ନନ୍ଦନକାନନରେ ୨୬ଟି ବାଘ ଅଛନ୍ତି ।