କଂଗ୍ରେସ ଅଧ୍ୟକ୍ଷ ନିର୍ବାଚନ, ରେସରେ ଖଡଗେ ବନାମ ଥରୁର। ତୃତୀୟ ପ୍ରାର୍ଥୀଙ୍କ ନାମାଙ୍କନ ରଦ୍ଦ।
କନକ ବ୍ୟୁରୋ: କଂଗ୍ରେସ ଅଧ୍ୟକ୍ଷ ପଦ ନିର୍ବାଚନ ପାଇଁ ମଲ୍ଲିକାର୍ଜୁନ ଖଡଗେ ଏବଂ ଶଶି ଥରୁରଙ୍କ ମଧ୍ୟରେ ଲଢେଇ ହେବ । ତୃତୀୟ ପ୍ରତ୍ୟାଶୀ ଝାଡଖଣ୍ଡର ପୂର୍ବତନ କ୍ୟାବିନେଟ ମନ୍ତ୍ରୀ କେଏନ ତ୍ରିପାଠୀଙ୍କ ନାମାଙ୍କନ ଖାରଜ ହୋଇଯାଇଛି । ତେବେ ନାମାଙ୍କନ ପ୍ରତ୍ୟାହରର ଶେଷ ତାରିଖ ଅକ୍ଟୋବର ୮ ରହିଛି । ତେବେ ଏହି ଦିନ ସ୍ପଷ୍ଟ ହୋଇଯିବ ଯେ କଂଗ୍ରେସ ଅଧ୍ୟକ୍ଷ ପଦ ପାଇଁ ନିର୍ବାଚନ ହେବ ନା ନାହିଁ । ଯଦି କେହି ନିଜର ନାମାଙ୍କନ ପ୍ରତ୍ୟାହାର ନକରନ୍ତି ତେବେ ନିର୍ବାଚନ ହେବ ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସ ଅଧ୍ୟକ୍ଷ ପଦ ପାଇଁ ନିର୍ବାଚନ ଦାୟିତ୍ୱରେ ଥିବା ମଧୁସୂଧନ ମିସ୍ତ୍ରୀ ପ୍ରେସମିଟ କରି ପ୍ରାର୍ଥୀମାନଙ୍କ ନାମ ଘୋଷଣା କରିଥିଲେ । ଯାଞ୍ଚ ପ୍ରକ୍ରିୟା ଶେଷ ହୋଇଥିବା ବେଳେ ୨୦ଟି ଫର୍ମ ମଧ୍ୟରୁ ୪ ଟି ଫର୍ମରେ ଦସ୍ତଖତରେ ଭିନ୍ନତା ସାମ୍ନାକୁ ଆସିଥିଲା । ଏହି କାରଣରୁ ଏହାକୁ ଖାରଜ କରାଯାଇଥିଲା । ବର୍ତ୍ତମାନ ରେସରେ ଅଛନ୍ତି ମଲ୍ଲିକାର୍ଜୁନ ଖଡଗେ ଏବଂ ଶଶି ଥରୁର ।
