କନକ ବ୍ୟୁରୋ : କଂଗ୍ରେସ୍ କନ୍ଦଳ ଏବେ ଚରମ ସୀମାରେ ପହଁଚିଛି । ରାଜନୈତିକ ବୟାନବାଜି ଓ ବ୍ୟକ୍ତିଗତ ସ୍ତରରେ ସମାଲୋଚନା ପରେ ଏବେ କଥା ହାତାହାତି ପରିସ୍ଥିତି ପର୍ଯ୍ୟନ୍ତ ଚାଲିଗଲାଣି । ଆଉ ଏକ ପାଖିଆ ହୋଇଯାଇଥିବା ପିସିସି ସଭାପତି ଏବେ କିଛି ତୁଙ୍ଗ ନେତାଙ୍କ ତୁଣ୍ଡ ବାନ୍ଧିବା ପାଇଁ ଚେଷ୍ଟା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ହେଲେ ନଛୋଡ ବନ୍ଧା କଂଗ୍ରେସ୍ ନେତା ତଥା ପ୍ରସାଦଙ୍କ ଶ୍ୱଶୂର ସୁର ରାଉତରାୟ କଂଗ୍ରେସ୍ ଭବନରୁ ଆକ୍ରମଣର ଧମକ ଦେଇଛନ୍ତି । କହିଛନ୍ତି ପ୍ରସାଦ ହରିଚନ୍ଦନଙ୍କ ଉପରେ ହାତ ଦେଲେ ମହଙ୍ଗାପଡିବ ପ୍ରତି ଜବାବ । କିନ୍ତୁ କାହିଁକି ଏବେ କଂଗ୍ରେସ୍ ନେତା ହାତାହାତି ହେବାର କଥା କହୁଛନ୍ତି । କୁଆଡେ ପିସିସି ସଭାପତି ପ୍ରସାଦ ହରିଚନ୍ଦନଙ୍କୁ ହୋଇପାରେ ଆକ୍ରମଣ । ଆଉ ଏଭଳି ସ୍ଥତି ଆସିଲେ ଜ୍ୱାଇଁପୁଅଙ୍କ ପାଇଁ ଦଳକୁ ଭୂଲି ମାଡପିଟ୍ ଯାଏଁ ସ୍ଥିତି ନେବାକୁ ପ୍ରସ୍ତୁତ ସୁର ରାଉତରାୟ ।
କଂଗ୍ରେସରେ କଣ ଠେସା କି ପ୍ରସାଦ? ପୁରା କଂଗ୍ରେସ ବିଧାୟକ ଦଳ ଓ ବହୁ ବରିଷ୍ଠ ଓ ତୁଙ୍ଗନେତା ଏବେ ପିସିସି ବିରୋଧରେ । ଏଭଳି ସ୍ଥିତିରେ ପ୍ରସାଦଙ୍କ ସହ ତାଙ୍କ ଶ୍ୱଶୂର ତଥା ବରିଷ୍ଠ କଂଗ୍ରେସ ନେତା ସୁର ରାଉତରାୟ ଓ କିଛି ହାତଗଣତି କର୍ମକର୍ତ୍ତାଙ୍କୁ ଛାଡି ଦେଲେ କେହି ବି ନାହାଁନ୍ତି । କଂଗ୍ରେସ୍ କନ୍ଦଳ ପିଛି ନୂଆ କଥା ନୁହେଁ । କିନ୍ତୁ ପିସିସି ଶିବରରେ ନେତାଙ୍କ ପରସ୍ପର ବିରେଧରେ ନେତାଙ୍କ ମାଡ ତତ୍ୱ ପଦବୀର ଲାଳସା ଓ କ୍ଷମତା ଚାଲିଯିବାର ଭୟ ନୁହେଁ ତ?