ବଦଳିବ ଭୁବନେଶ୍ୱର ଏମ୍ସର ନାଁ: କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପ୍ରସ୍ତାବ ମାଗିବା ପରେ ରାଜିନୈତିକ ବୟାନବାଜି
କନକ ବ୍ୟୁରୋ: ନୂଆ ପରିଚୟ ପାଇବ ଅଖିଳ ଭାରତୀୟ ଆର୍ୟୁବିଜ୍ଞାନ ସଂସ୍ଥାନ ବା ଏମ୍ସ । ଦେଶର ବିଭିନ୍ନ ରାଜ୍ୟରେ ଥିବା ୨୩ଟି ଏମ୍ସର ନୂଆ ନାଁ ଦିଆଯିବ । ସବୁ ଏମ୍ସକୁ ନାମକରଣ ଲାଗି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପ୍ରସ୍ତାବ ମାଗିବା ପରେ ଜୋରଦାର ପ୍ରସ୍ତୁତି ଆରମ୍ଭ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
କେମିତି ହେବ ନାମକରଣ?
ସ୍ୱାଧୀନତା ସଂଗ୍ରାମୀ, ଐତିହାସିକ ଘଟଣା, ସ୍ଥାନୀୟ ଜନନାୟକ ଏବଂ ଭୌଗଳିକ ପରିଚୟ ଏହି ଆଧାରରେ ନାମକରଣ ପାଇଁ ପ୍ରସ୍ତାବ ଦିଆଯାଇଛି ।
ପ୍ରସ୍ତାବ ସହିତ ନାମକରଣର କାରଣ ଓ ଏହାର ସମ୍ପୂର୍ଣ୍ଣ ବିବରଣୀ ଦେବାକୁ ହେବ
ପରବର୍ତ୍ତୀ ସମୟରେ ନାମକୁ ନେଇ ଯେଭଳି ବିବାଦ ଉପୁଜିବ ନାହିଁ ସେଥିପାଇଁ ଏଭଳି ପଦକ୍ଷେପ ନିଆଯାଇଛି ।
ନାମକରଣକୁ ନେଇ ଆରମ୍ଭ ହେଲା ରାଜନୀତି
ଚାଲିଲା ରାଜନୈତିକ ବୟାନବାଜୀ
ତିନି ପ୍ରମୁଖ ରାଜନୈତିକ ଦଳ ପକ୍ଷରୁ ନାମକରଣକୁ ନେଇ ଆରମ୍ଭ ହୋଇଛି ବୟାନବାଜୀ । ଓଡିଶାର ବରପୁତ୍ର ବିଜୁ ପଟ୍ଟନାୟକଙ୍କ ନାମରେ ନାମିତ କରିବାକୁ ବିଜୁ ଜନତା ଦଳ ପକ୍ଷରୁ କୁହାଯାଇଥିବାବେଳେ ରାଜଧାନୀ ଭୁବନେଶ୍ୱରର ପ୍ରତିଷ୍ଠାତା ହରେକୃଷ୍ଣ ମହତାବଙ୍କ ନାମ ନେଇ ଯୁକ୍ତି ବାଢିଛି କଂଗ୍ରେସ । ତେବେ ଯୁକ୍ତିସଙ୍ଗତ ନାମକରଣ କରାଯାଉ କହି ବିବାଦଠାରୁ ଦୂରେଇ ରହିବାକୁ ଉଚିତ ମଣିଛି ଭାରତୀୟ ଜନତା ପାର୍ଟି ।
ଦେଶର ଅଧିକାଂଶ ଏମ୍ସ ନାମକରଣର ପ୍ରସ୍ତାବ କେନ୍ଦ୍ର ନିକଟକୁ ପଠାଇସାରିଛନ୍ତି । ତେବେ ଭୁବନେଶ୍ୱର ଏମ୍ସର ନୂଆ ନାଁ କଣ ରହିବ? କେଉଁ ଆଧାରରେ ପ୍ରସ୍ତାବ ଦେଇଛନ୍ତି ଭୁବନେଶ୍ୱର ଏମ୍ସ କର୍ତ୍ତୃପକ୍ଷ? ନୂଆ ନାଁକୁ ରାଜନୈତିକ ଦଳଗୁଡିକ ପସନ୍ଦ କରିବେ ତ?