ମହାମାରୀ ବେଳେ ନିଆରା ବାହାଘର । ଶଗଡ଼ ଗାଡିରେ ଚଢି ବାହାହବାକୁ ଗଲା ବର ।
କନକ ବ୍ୟୁରୋ : ଆପଣ ଅନେକ ବାହାଘର ଦେଖିଥିବେ । କିନ୍ତୁ ଆଜି ଆମେ ଆପଣଙ୍କୁ ଏକ ଭିନ୍ନ ବାହାଘର ବିଷୟରେ କହିବୁ । ଯେଉଁଠି ଦାମୀ ଗାଡି ନୁହେଁ, ବର ଶଗଡରେ ବାହାହବାକୁ ଯାଇଥିଲେ ବର । ଖାଲି ବର ନୁହେଁ, ପୂରା ବରଯାତ୍ରୀ ୩୫ କିଲୋମିଟର ଶଗଡଗାଡିରେ ଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ବର ଛୋଟେ ଲାଲ୍ ପାଲ୍ କହିଛନ୍ତି, ଶଗଡ ଗାଡିରେ ଏମିତି ବାହାହବା ପାଇଁ ସେ ବହୁତ ଆଗରୁ ଭାବିଥିଲେ । ପୁରୁଣା ପରମ୍ପରାକୁ ବଜାୟ ରଖିବା ଏବଂ ବାୟୁ ପ୍ରଦୂଷଣକୁ ନଜରରେ ରଖି ସେ ଏପରି ନିଷ୍ପତି ନେଇଛନ୍ତି । ସେ କହିଛନ୍ତି, ଆମ ପୂର୍ବ ପୁରୁଷମାନେ ଏହିପରି ଭାବେ ଶଗଡ ଗାଡିରେ ବିବାହ କରିବାକୁ ଯାଉଥିଲେ ।
ଏହି ବାହାଘରରେ ଆଉଏକ କଥା ମଧ୍ୟ ସ୍ୱତନ୍ତ୍ର ଥିଲା । ଆପଣ ଦେଖିଥିବେ ବରଯାତ୍ରୀ ଆଗରେ ଡିଜେ ଗାଡି ବାଜିଥାଏ । କିନ୍ତୁ ଏଠାରେ ସେମିତି ହୋଇନଥିଲା । ଗାଁର ବଛା ବଛା ଗାୟକମାନଙ୍କୁ ଚୟନ କରାଯାଇଥିଲା । ଏବଂ ପାରମ୍ପରିକ ଗୀତ ଗାଇ ସେମାନେ ଲୋକଙ୍କୁ ଆକର୍ଷିତ କରିଥିଲେ ।
ବର କହିଛନ୍ତି, ଏପରି କରିବାର ଉଦ୍ଦେଶ୍ୟ ହେଉଛି, ରୀତିନୀତି ଏବଂ ପରମ୍ପରାକୁ ଜୀବନ୍ତ ରଖିବା, ଯାହାକୁ ଲୋକମାନେ ଭୁଲି ଭୁଲି ଯାଉଛନ୍ତି । ତେବେ ଏହି ବାହାଘରକୁ ବୃଦ୍ଧ ଲୋକମାନେ ବେଶ ପ୍ରଂଶସା କରିଥିବା ବେଳେ, ଯୁବଗୋଷ୍ଠୀ ବରଯାତ୍ରୀ ଯିବା ସମୟର ଭିଡିଓ ରେକର୍ଡିଂ କରୁଥିଲେ ।