ପୁଣିଥରେ ସରକାରରେ ମୋଦି ସରକାର ଆସିବା ପରେ ଅଳ୍ପସଂଖ୍ୟକ ସମୁଦାୟଙ୍କ ଭିତରେ ହଲଚଲ ସୃଷ୍ଟି ହୋଇଯାଇଛି । ଅଲ୍ ଇଣ୍ଡିଆ ମଜଲିସ୍-ଏ-ଇତେହାଦୁଲ୍ ର ପ୍ରମୁଖ ଅସଦୁଦ୍ଦିନ୍ ଓୱେସୀ ଏବେ ଏହା ଉପରେ ବଡ ବୟାନ ଦେଇଛନ୍ତି । ଓୱେସୀ ପ୍ରଧାନମନ୍ତ୍ରୀ ମୋଦିଙ୍କ ଉପରକୁ ଟାର୍ଗେଟ୍ କରି କହିଥିଲେ,ଯଦି କେହି ଏହା ଭାବୁଛନ୍ତି ଯେ ଭାରତର ପ୍ରଧାନମନ୍ତ୍ରୀ ୩୦୦ ସିଟ୍ ରେ ଜିତି ଦେଶରେ ନିଜର ମନଇଚ୍ଛା କାମ କରିବେ ତେବେ ଏହା କେବେ ସମ୍ଭବ ନୁହଁ । “ ଆମେ ପ୍ରଧାନମନ୍ତ୍ରୀଙ୍କୁ କହିବାକୁ ଚାହୁଁଛୁ ସମ୍ବିଧାନର ଦ୍ୱାହି ଦେଇ ଅସଦୁଦ୍ଦିନ୍ ଓୱେସୀ ଆପଣଙ୍କ ସହ ଲଢିବ , ଦୁର୍ବଳ ଲୋକଙ୍କ ପାଇଁ ଲଢିବ ।” “ଭାରତକୁ ଶ୍ରେଷ୍ଠ ରଖିବାକୁ ପଡିବ ଏବଂ ଆମେ ଭାରତକୁ ଶ୍ରେଷ୍ଠ ରଖିବୁ । ଆମର ଏଠାରେ ରହିବାର ସମ୍ପୁର୍ଣ୍ଣ ଅଧିକାର ରହିଛି । ଭଡାଟିଆ ନୁହଁ ଆମର ବରାବର୍ ଅଧିକାର ଅଛି ଭାରତରେ ।”
Kanak News is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ ଓୱେସୀ ଅଳ୍ପସଂଖ୍ୟକ ସମୁଦାୟଙ୍କ ଉପରେ ପ୍ରଧାନମନ୍ତ୍ରୀ ମୋଦିଙ୍କୁ ନେଇ ପ୍ରଶ୍ନ ପଚାରି ସାରିଛନ୍ତି । ସେ ପଚାରିଥିଲେ , ଯଦି ପ୍ରଧାନମନ୍ତ୍ରୀଙ୍କୁ ଲାଗୁଛି ମୁସଲମାନ୍ ଡରରେ ରହୁଛନ୍ତିି ତେବେ କ’ଣ ସେ ଡରକୁ ରୋକିପାରିବେ । ଯେ ଗାଇ ନାଁରେ ମୁସଲିମ୍ ଙ୍କ ହତ୍ୟା କରୁଛନ୍ତି । ଆମ ଭିଡିଓ ନେଉଛନ୍ତି ଏବଂ ଆମକୁ ନିମ୍ନ ଦେଖାଉଛନ୍ତି । କ’ଣ ମୋଦି କହିପାରିବେ ତାଙ୍କ ପାର୍ଟିରେ ୩୦୦ ରୁ କେତେ ମୁସଲମାନ୍ ସାଂସଦ ଅଛନ୍ତି ଯେ ଲୋକସଭା ନିର୍ବାଚନରେ ଚୟନ ହୋଇଛନ୍ତି? ତାଙ୍କ ବୟାନ ବିରୋଧାବାସୀ ଅଟେ । ଯାହା ଗତ ୫ ବର୍ଷ ଧରି ପ୍ରଧାନମନ୍ତ୍ରୀ ଏବଂ ତାଙ୍କ ପାର୍ଟି କରୁଛି । ଆପଣଙ୍କୁ କହିରଖୁଛୁ ସାଂସଦର ସେଣ୍ଟ୍ରାଲ୍ ହଲରେ ପିଏମ୍ ମୋଦି କହିଥିଲେ ଗରିବଙ୍କ ସହ ଧୋକା ହୋଇଛି । ସେଭଳି ଧୋକା ଅଳ୍ପସଂଖ୍ୟକ ସହ ମଧ୍ୟ ହୋଇଛି । ୨୦୧୯ ରେ ଆପଣଙ୍କୁ ମୁଁ କହିବାକୁ ଆସିଛି ଯେ ଏହି ଧୋକାକୁ ମୁଁ ଛେଦନ କରିବାକୁ ଯାଉଛି । ଆପଣ ମୋ ଉପରେ ବିଶ୍ୱାସ ରଖନ୍ତୁ ।