କନକ ବ୍ୟୁରୋ: ପ୍ରତିରକ୍ଷା ବିଭାଗର ଦାୟିତ୍ୱ ସମ୍ଭାଳିଛନ୍ତି ରାଜନାଥ ସିଂହ । ତିନିସେନା ପ୍ରମୁଖ ଏବଂ ଅନ୍ୟ କର୍ମଚାରୀଙ୍କ ସ୍ଥିତିରେ ରକ୍ଷା ମନ୍ତ୍ରାଳୟର ଭାର ଗ୍ରହଣ କରିଛନ୍ତି ରାଜନାଥ । ଗତକାଲି କ୍ୟାବିନେଟ ମନ୍ତ୍ରୀ ଭାବେ ଶପଥ ଗ୍ରହଣ କରିବା ପରେ ଆଜି ନିଜ ଦପ୍ତର ସମ୍ଭାଳିଛନ୍ତି ରାଜନାଥ । ପୂର୍ବରୁ ନିର୍ମଳା ସୀତାରମଣ ପ୍ରତିରକ୍ଷା ବିଭାଗର ଦାୟିତ୍ୱ ତୁଲାଉଥିଲେ । ତେବେ ମୋଦିଙ୍କ ଦ୍ୱିତୀୟ ବାର ସରକାର ଗଠନରେ କିଛିଟା ଅଦଳବଦଳ ହୋଇଥିଲା । ନିର୍ମଳାଙ୍କ ସ୍ଥାନରେ ପ୍ରତିରକ୍ଷା ବିଭାଗର ଦାୟିତ୍ୱ ରାଜନାଥଙ୍କୁ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ନିଜ ଦପ୍ତର ସମ୍ଭାଳିବା ପୂର୍ବରୁ ରାଜନାଥ ଦିଲ୍ଲୀ ସ୍ଥିତ ନେସନାଲ ୱାର ମେମୋରିଆଲ ଯାଇ ଦଶ ପାଇଁ ବଳିଦାନ ଦେଇଥିବା ସହିଦଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି । ଏହି ସମୟରେ ରାଜନାଥ ସିଂହଙ୍କ ସହ ଆର୍ମି ଚିଫ ଜେନେରାଲ ବିପିନ ରାୱତ, ଚିଫ୍ ମାର୍ସଲ ବିଏସ ଧନୋଆ, ନାଭି ଚିଫ ଆଡମିରାଲ କରମବୀର ସିଂହ ଉପସ୍ଥିତ ରହିଥିଲେ । ନେସନାଲ ୱାରର ମେମୋରିଆଲ ବୁଲିବା ପରେ ତିନି ସେନାପ୍ରମୁଖଙ୍କ ସହ କିଛି ସମୟ ଆଲୋଚନା କରିଥିଲେ ରାଜନାଥ ସିଂ ।
ଅନ୍ୟପଟେ, ଆଜି ଗୃହମନ୍ତ୍ରୀ ଭାବେ ଦାୟିତ୍ୱ ଗ୍ରହଣ କରିଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା । ଚଳିତ ନିର୍ବାଚନରେ ଏନଡିଏ ୩୫୦ରୁ ଅଧିକ ସିଟ ପାଇବା ପଛରେ ବିଜେପି ଅଧ୍ୟକ୍ଷ ଅମିତ ଶାହାଙ୍କର ଥିଲା ଗୁରୁତ୍ୱପୂର୍ଣ୍ଣ ଭୁମିକା । ସଂଖ୍ୟା ଗଣିତରେ ମାହିର ଅମିତ ଶାହାଙ୍କୁ ବିଜେପିର ଷ୍ଟ୍ରାଟେର୍ଜି ମେକର ବୋଲି ମଧ୍ୟ କୁହାଯାଏ ।