୨୪ ବର୍ଷ ପରେ କମନୱେଲଥ ଗେମ୍ସରେ ସାମିଲ ହେଲା କ୍ରିକେଟ୍ । ଖେଳାଯିବ ଟି-୨୦ ମ୍ୟାଚ୍, ପଦକ ଜିତିବାକୁ ଭାରତ ପାଖରେ ରହିଛି ସୁଯୋଗ ।
କନକ ବ୍ୟୁରୋ: ୨୪ ବର୍ଷ ପରେ କମନୱେଲଥ ଗେମ୍ସରେ ସାମିଲ ହେଲା କ୍ରିକେଟ୍ । ଏହି ରାଜ୍ୟଗୋଷ୍ଠୀ କ୍ରୀଡ଼ାରେ ମହିଳା ଟି-୨୦ କ୍ରିକେଟକୁ ସାମିଲ କରିବା ନେଇ ମଙ୍ଗଳବାର ଘୋଷଣା କରିଛନ୍ତି କମନୱେଲଥ ଫେଡେରେସନ୍ । ବିଶ୍ୱସ୍ତରୀୟ ଏହି କ୍ରୀଡ଼ା ବର୍ମିଂହାମର ଏଜବେଷ୍ଟନ୍ ଷ୍ଟାଡ଼ିୟମରେ ଆସନ୍ତା ୨୦୨୨ ଜୁଲାଇ ୨୭ରୁ ଆରମ୍ଭ ହୋଇ ଅଗଷ୍ଟ ୭ ଯାଏଁ ଚାଲିବ। ତେବେ ଏଥିରେ ୧୮ଟି ଖେଳରେ ପାଖାପାଖି ୪୫ ହଜାର ଖେଳାଳି ଅଂଶଗ୍ରହଣ କରିବେ।
Kanak News is now on WhatsApp
Join and get latest news updates delivered to you via WhatsApp
ବର୍ଷ ୧୯୯୯ ପରେ କ୍ରିକେଟକୁ ପ୍ରଥମ ଥର ପାଇଁ ରାଜ୍ୟଗୋଷ୍ଠୀ କ୍ରୀଡ଼ାରେ ସାମିଲ କରାଯାଇଛି । ପୂର୍ବରୁ କ୍ୱାଲାଲମପୁର ରାଜ୍ୟଗୋଷ୍ଠୀ କ୍ରୀଡ଼ାରେ ଦକ୍ଷିଣ ଆଫ୍ରିକାର ପୁରୁଷ ଟିମ ୫୦ ଓଭର ଫର୍ମାଟରେ ସ୍ୱର୍ଣ୍ଣପଦକ ଜିତିଥିଲା। ଭାରତକୁ କୌଣସି ପଦକ ମିଳି ନ ଥିଲା। ସଚିନ ତେନ୍ଦୁଲକର, ଜ୍ୟାକସ୍ କାଲିସ ଓ ରିକି ପଣ୍ଟିଙ୍ଗ ଏହି ପ୍ରତିଯୋଗିତାରେ ଅଂଶଗ୍ରହଣ କରିଥିଲେ।
ଅନ୍ୟପଟେ ରାଜ୍ୟଗୋଷ୍ଠୀ କ୍ରୀଡ଼ା-୨୦୨୨ର ସମସ୍ତ କ୍ରିକେଟ ମ୍ୟାଚ୍ ବର୍ମିଂହାମ୍ର ଏଜବେଷ୍ଟନ ଷ୍ଟାଡିୟମରେ ଖେଳାଯିବ। ଏଥିରେ ୮ଟି ମହିଳା କ୍ରିକେଟ୍ ଟିମ୍ ଭାଗ ନେବେ ଏବଂ ଏହା ୮ ଦିନ ଧରି ଚାଲିବ। ସିଜିଏଫ ମହିଳା କ୍ରିକେଟ ବ୍ୟତୀତ ଭଲିବଲ ଓ ପାରା ଟେବୁଲ ଟେନିସ୍ଙ୍କୁ ମଧ୍ୟ ବର୍ମିଂହାମ୍ ରାଜ୍ୟଗୋଷ୍ଠୀ କ୍ରୀଡ଼ାରେ ସାମିଲ କରିବାକୁ ମଂଜୁରୀ ଦେଇଛି। ତେବେ ୨୪ ବର୍ଷ ପରେ କମନୱେଲଥ ଗେମ୍ସରେ କ୍ରିକେଟ୍ ସାମିଲ ହୋଇଥିବାରୁ ଭାରତୀୟ ମହିଳା ଟିମ୍ ପାଖରେ ପଦକ ଜିତିବାର ସୁଯୋଗ ରହିଛି ।