ମହାକାଶଚାରୀ ଭୂମିକାରେ ନଜର ଆସିବେ ମିଷ୍ଟର ପରଫେକସନିଷ୍ଟ । ଭାରତର ପ୍ରଥମ ମହାକାଶଚାରୀ ରାକେଶ ଶର୍ମାଙ୍କ ଚରିତ୍ରରେ ଅଭିନୟ କରିବେ ଅମୀର ଖାନ । ସିନେମାର ନାଁ ମଧ୍ୟ ଏକପ୍ରକାର ଚୂଡାନ୍ତ ହୋଇସାରିଛି । ଅମୀରଙ୍କ ଆଗାମୀ ସିନେମାର ନାଁ ରହିବ ‘ସାରେ ଜାହାଁ ସେ ଆଚ୍ଛା’ । ରାକେଶ ଶର୍ମା ଯେତେବେଳେ ପ୍ରଥମ କରି ଚନ୍ଦ୍ରରେ ପାଦ ରଖିଲେ, ତତକାଳୀନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧି ତାଙ୍କୁ ପଚାରିଥିଲେ, ମହାକାଶରୁ ଭାରତ କିପରି ଦେଖାଯାଉଛି? ଆଉ ରାକେଶ ଶର୍ମା ତତକ୍ଷଣାତ କହିଥିଲେ ‘ସାରେ ଜାହାଁସେ ଆଚ୍ଛା’ ।
Kanak News is now on WhatsApp
Join and get latest news updates delivered to you via WhatsApp
ତେଣୁ ପ୍ରଥମେ ପ୍ରସ୍ତାବିତ ‘ସାଲ୍ୟୁଟ’ ନାଁକୁ ବାଦ ଦେଇ ଏହି ଶୀର୍ଷକକୁ ଚୂଡାନ୍ତ କରିଛି ପ୍ରଯୋଜନା ସଂସ୍ଥା । ଡିସେମ୍ବର ୨୩ ତାରିଖରେ ରିଲିଜ ହେବାକୁ ଯାଉଛି ଅମୀରଙ୍କ ଏବର୍ଷର ଶେଷ ସିନେମା ‘ଦଙ୍ଗଲ’ । ଏହାପରେ ୨୦୧୮ରେ ଆସିବାକୁ ଥିବା ୟଶରାଜ ବ୍ୟାନରର ସିନେମା ‘ଠଗ୍ସ ଅଫ ହିନ୍ଦୁସ୍ତାନ’ରେ ନଜର ଆସିବେ ମିଷ୍ଟର ପରଫେକ୍ସନିଷ୍ଟ । ତାପରେ ରାକେଶ ଶର୍ମାଙ୍କ ବାୟୋପିକ୍ କାମ ଆରମ୍ଭ ହେବ ବୋଲି ଜଣାପଡିଛି ।