ଘରେ ବସି କିଛି ଏଭଳି ଭାବରେ ଆପଣ ମଧ୍ୟ ଖେଳିପାରିବେ କେବିସି ! ଜାଣନ୍ତୁ ଭାଗ ନେବା ପାଇଁ କଣ କରିବାକୁ ହେବ ।
କୋନ ବନେଗା କରୋଡପତି କେବଳ ପ୍ରତିଯୋଗୀ ନୁହେଁ, ବରଂ ସାଧାରଣ ଜନତା ମଧ୍ୟ ଏହାକୁ ନିଜ ଘରେ ବସି ଖେଳିପାରିବେ । ପ୍ରଶ୍ନର ସଠିକ୍ ଉତ୍ତର ଦେଇ ଯେକୌଣସି ବ୍ୟକ୍ତି ପୁରସ୍କାର ଜିତିପାରିବେ । ଆଉ ଏଥିପାଇଁ ଆପଣଙ୍କୁ କିଛି ପଦକ୍ଷେପ ନେବା ପାଇଁ ପଡିବ । ପ୍ରଥମେ ଆପଣଙ୍କୁ ଆପଣଙ୍କ ସ୍ମାର୍ଟଫୋନର ପ୍ଲେ ଷ୍ଟୋରକୁ ଯାଇ ସୋନି ଲାଇଭ୍ ଆପ୍ ଡାଉନଲୋଡ କରିବାକୁ ହେବ । ଏହା ପରେ ଏହି ଆପରେ ନିଜ ରେଜିଷ୍ଟ୍ରେସନ କରନ୍ତୁ । ଆଉ ଏଥିରେ ଆପଣଙ୍କ ନାମ, ଜନ୍ମତାରିଖ ଏବଂ ଫଟୋ ଇତ୍ୟାଦି ପୂରଣ କରନ୍ତୁ । ଏହା ପରେ ଆପଣଙ୍କୁ ଲାଇଭ ପ୍ରଶ୍ନ ପଚରାଯିବ । ଯାହାକି କୋନ ବନେଗା କରୋଡପତିର ଏପିସୋଡରେ ପଚରା ହୋଇଥିବ ।
Kanak News is now on WhatsApp
Join and get latest news updates delivered to you via WhatsApp
ଏହା ପରେ ସଠିକ ଉତ୍ତର ଦେଇଥିବା ବ୍ୟକ୍ତିମାନଙ୍କ ସ୍କୋର ଆଧାରରେ ସେମାନଙ୍କୁ ସମ୍ପର୍କ କରାଯିବ ଏବଂ ତାଙ୍କୁ ପୁରସ୍କାର ରାଶି ମଧ୍ୟ ପ୍ରଦାନ କରାଯିବ । ଏହି ଭଳି ଭାବରେ ହଟ୍ ସିଟ୍ ବାହାରେ ଏହି ଖେଳକୁ ଘର ବେଠେ ଜିତୋ ଜାକପଟ୍ ନାମ ଦିଆଯାଇଛି । ତେବେ ପୁରସ୍କାର ଭାବରେ ଖେଳାଳୀମାନେ ଆମେରିକାର ଟ୍ରିପ୍, ସ୍କୁଟର, ଲକ୍ଷ ଲକ୍ଷ ଟଙ୍କାର ଆମାଜନ ଭାଉଚର୍ସ ଏବଂ ଜିଓ ଡାଟା ପ୍ୟାକ୍ ଆଦି ଜିତିପାରିବେ । କୋନ ବନେଗା କରୋଡପତିର ଆଉ ଏକ ନୂଆ ଅଧ୍ୟାୟ ସୋମବାର ଠାରୁ ଆରମ୍ଭ ହୋଇଯାଇଛି । ସୋମବାର ଦିନ ହରିୟାଣାର ସୋନିଆ ଯାଦବ ୧୨.୫୦ ଲକ୍ଷ ଟଙ୍କା ଜିତିଛନ୍ତି । ସେହିପରି ମଙ୍ଗଳବାର ବିହାରର ସୋମେଶ କୁମାର ଚୌଧୁରୀ ୨୫ ଲକ୍ଷ ଜିତିବା ସହ ଏବେବି ଖେଳରେ ରହିଛନ୍ତି ।