ଆପଣ ବ୍ୟବହାର କରୁଥିବା କିବୋର୍ଡ କିମ୍ବା କିପ୍ୟାଡରେ ଅକ୍ଷର ଗୁଡିକ କ୍ରମରେ ନଥାଏ ? ଜାଣନ୍ତି କି ଏହାର କାରଣ
କମ୍ପ୍ୟୁଟର ଓ ମୋବାଇଲରେ ଲେଖିବା ପାଇଁ ଆମେ କିବୋର୍ଡ କିମ୍ବା କିପ୍ୟାଡର ବ୍ୟବହାର କରିଥାଉ । କିନ୍ତୁ ଆପଣ କେବେ ଚିନ୍ତା କରିଛନ୍ତି କି କିବୋର୍ଡରେ ଦେଖାଯାଉଥିବା ସବୁ ଅକ୍ଷର କ୍ରମରେ କାହିଁକି ନଥାଏ । ତେବେ ଜାଣନ୍ତୁ କିବୋର୍ଡ ସହ ଯୋଡି ହୋଇଥିବା ଏହି ରୋଚକ ତଥ୍ୟ । କିବୋର୍ଡ ଓ କିପ୍ୟାଡରେ ଆରମ୍ଭରେ ଥିବା ଅକ୍ଷର ଏ,ବି,ସି,ଡିରୁ ଆରମ୍ଭ ନହୋଇ କିଉ, ଡବ୍ଲ୍ୟୁ , ଆର, ୱାଇ ରୁ ଆରମ୍ଭ ହୋଇଥାଏ ।
Kanak News is now on WhatsApp
Join and get latest news updates delivered to you via WhatsApp
ଏହାର କାରଣ କ୍ରିଷ୍ଟୋଫର ଶୋଲ୍ସ ସର୍ବପ୍ରଥମେ ୧୮୭୪ରେ ଆସିଥିବା ଟାଇପ ରାଇଟରରେ ଅକ୍ଷରର ବ୍ୟବହାର ଏହିପରି ଭାବେ ତିଆରି କରିଥିଲେ । ତେବେ ସେହି ସମୟରେ ଏହାକୁ ରେମିଙ୍ଗନ୧ ନାମରେ ଜଣାଯାଉଥିଲା । ଯେବେ ଶୋଲ୍ସ ଅକ୍ଷରର ପଦ୍ଧତି ଓ କ୍ରମର ବ୍ୟବହାର କରୁଥିଲେ ସେ ଅନୁଭବ କଲେ ଯେବେ ଏବିସିଡି ବଟନକୁ ସିଧା ରଖାଗଲେ ବଟନ ଜାମ ରହୁଥିଲା । ଏଥିଯୋଗୁଁ ଅକ୍ଷର ଗୁଡିକୁ ଶୀଘ୍ର ଲେଖିବାରେ କଷ୍ଟ ହେଉଥିଲା ।
ସେହି ସମୟରେ ଟାଇପରାଇଟରେ ବ୍ୟାକସ୍ପେସର ବଟନ ନଥିଲା, ତେଣୁ ଏପରି ଅସୁବିଧାର ସମ୍ମୁଖୀନ ହେବାକୁ ପଡୁଥିଲା । ଏହି କାରଣ ଯୋଗୁ ହିଁ ଆପଣଙ୍କ କିବୋର୍ଡ କିଉ, ଡବ୍ଲ୍ୟୁ, ଆର, ଟି, ୱାଇ ଆଦି ଅକ୍ଷରର ବ୍ୟବହାର କରାଗଲû ଯେଉଁଥି ପାଇଁ ଟାଇପ କରିବାରେ ସୁବିଧା ହେବ । ସେବେ ଠାରୁ ହିଁ କିବୋର୍ଡରେ ଅକ୍ଷର ଗୁଡିକ ଏହିପରି ଭାବେ ସଜେଇ ହୋଇଛି ।