କନକ ବ୍ୟୁରୋ : ରାଜରାସ୍ତାରେ ବାଘ । ଅଟକି ରହିଲା ଶହ ଶହ ଗାଡି ମୋଟର । ମଝି ରାସ୍ତାରେ ଶୋଇ ରହିଛି ଚିତାବାଘ । ଏମିତି ଏକ ଦୃଶ୍ୟ ଦେଖିବାକୁ ମିଳିଛି ପଶ୍ଚିମବଙ୍ଗ ଆଲିପୁରଦାର ବିରପଡାରେ । ୩୧ ନମ୍ବର ଜାତୀୟ ରାଜପଥ ଉପରେ ମଝି ରାସ୍ତାରେ ଶୋଇ ରହିଥିଲା ଚିତାବାଘଟି । ଆଉ ବାଘକୁ ଦେଖି ରାସ୍ତା ଉପରେ ହଡବଡେଇ ଯାଇଥିଲେ ଯାତ୍ରୀମାନେ । ଦୁଇ ପାଖରେ ଅଟକି ରହିଥିଲା ଶହ ଶହ ଗାଡି ମୋଟର । କାରଣ ବାଘ ପାଖ ଦେଇ ଯିବା ପାଇଁ କେହି ବି ସାହସ କରୁନଥିଲେ ।
Kanak News is now on WhatsApp
Join and get latest news updates delivered to you via WhatsApp
କିଛି ଦୂରରେ ରହି ଲୋକମାନେ ମୋବାଇଲରେ ଫଟୋ ଉଠାଇବା ସହ ଭିଡିଓ ରେକର୍ଡିଂ କରୁଥିବା ମଧ୍ୟ ଦେଖିବାକୁ ମିଳିଥିଲା । ତେବେ ପରେ ଜଣାପଡିଥିଲା ଯେ ବାଘଟି ଆହତ ହୋଇଥିବା ଯୋଗୁ ରାସ୍ତା ଉପରେ ଶୋଇ ରହିଥିଲା । କାରଣ କିଛି ସମୟ ପରେ ବାଘଟି ଉଠି ଛୋଟେଇ ଛୋଟେଇ ରାସ୍ତା ପାଖରେ ଥିବା ଜଙ୍ଗଲ ମଧ୍ୟକୁ ଚାଲିଯାଇଥିଲା । ପରେ ବନବିଭାଗ ସୂଚନା ପାଇବା ପରେ ବାଘଟିକୁ ଉଦ୍ଧାର କରି ଚିକିତ୍ସା କରାଉଥିବା ଜଣାପଡିଛି । ରାସ୍ତା ପାର ହେଉଥିବା ବେଳେ କୌଣସି ଗାଡି ଧକ୍କାରେ ବାଘଟି ଆହତ ହୋଇଥିବା ଅନୁମାନ କରାଯାଉଛି ।