ବିରାଟଙ୍କୁ ବିଶ୍ରାମ ଦେଲା ବିସିସିଆଇ! ନ୍ୟୁଜିଲାଣ୍ଡ ବିପକ୍ଷରେ ଖେଳିବେନି ଶେଷ ଦୁଇଟି ଦିନିକିଆ ଓ ଟି-୨୦ ସିରିଜ
କନକ ବ୍ୟୁରୋ : ନ୍ୟୁଜିଲାଣ୍ଡ ବିପକ୍ଷ ଦିନିକଆ ସିରିଜର ଶେଷ ଦୁଇଟି ମ୍ୟାଚରୁ ଭାରତୀୟ ଅଧିନାୟକ ବିରାଟ କୋହଲିଙ୍କୁ ବିଶ୍ରାମ ଦେଇଛି ବିସିସିଆଇ । କେବଳ ଦିନିକିଆ ନୁହେଁ ବରଂ ନ୍ୟୁଜିଲାଣ୍ଡ ବିପକ୍ଷରେ ୩ ମ୍ୟାଚ୍ ବିଶିଷ୍ଟ ଟି-୨୦ ସିରିଜରୁ ମଧ୍ୟ କ୍ୟାପଟେନ କୋହଲିଙ୍କୁ ବିଶ୍ରାମ ଦେଇଛନ୍ତ ବିସିସିଆଇ ଚୟନକର୍ତ୍ତା କମିଟି । ବିରାଟଙ୍କ ସ୍ଥାନରେ ସିରିଜର ଶେଷ ଦୁଇଟି ଦିନିକିଆ ଓ ଟି-୨୦ ସିରିଜର ଅଧିନାୟକ ଭାର ସମ୍ଭାଳିବେ ହିଟମ୍ୟାନ ରୋହିତ ଶର୍ମା । ଏନେଇ ବିସିସିଆଇର ଚୟନକର୍ତ୍ତା କମିଟି ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଲଗାତାର ସିରିଜ ଖେଳି ଆସୁଥିବା ଅଧିନାୟକ ବିରାଟ କୋହଲିଙ୍କୁ ଘରୋଇ ମାଟିରେ ହେବାକୁ ଥିବା ଅଷ୍ଟ୍ରେଲିଆ ସିରିଜ ପାଇଁ ବିଶ୍ରାମ ଦେଇଛି ଟିମ୍ ମ୍ୟାନେଜମେଣ୍ଟ ଓ ଚୟନକର୍ତ୍ତା କମିଟି । ତେବେ ବିରାଟ ବଦଳ ଖେଳାଳୀ ଭାବେ ଅନ୍ୟ କୌଣସି ଖେଳାଳୀଙ୍କ ନାଁ ବିସିସିଆଇ ପକ୍ଷରୁ ଘୋଷଣା କରାଯାଇନାହିଁ । ଶେଷଥର ପାଇଁ ବିରାଟଙ୍କୁ ଗତବର୍ଷ ନଭେମ୍ବର ମାସରେ ୱେଷ୍ଟଇଣ୍ଡିଜ ବିପକ୍ଷ ସିରିଜରେ ବିଶ୍ରାମ ଦିଆଯାଇଥିଲା ।
ନ୍ୟୁଜିଲାଣ୍ଡ ବିପକ୍ଷ ଦିନିକିଆ ସିରିଜର ପ୍ରଥମ ମ୍ୟାଚରେ ଧୱନଙ୍କ ଦମଦାର ଅର୍ଦ୍ଧଶତକ ବଳରେ ବିଜୟୀ ହୋଇଥିଲା ବିରାଟ ବାହିନୀ । ଏହାସହ ସିରିଜରେ ୧-୦ରେ ଆଗୁଆ ରହିଛି ଟିମ୍ ଇଣ୍ଡିଆ ।