କନକ ବ୍ୟୁରୋ : ଅପରେସନ ବ୍ଲାକସ୍ପଟରେ ଧରାପଡିଥିବା ବିଧାୟକଙ୍କ ବିରୋଧରେ ତଦନ୍ତ ଆରମ୍ଭ ହେଲା । ଏଥିପାଇଁ ଭିଜିଲାନ୍ସର ୫ଟି ଟିମ୍ ପ୍ରସ୍ତୁତ ହୋଇଛି । ପ୍ରଥମେ ତଥ୍ୟ ଭିତିକ ଭିଡିଓ ଓ ଅଡିଓର ଫରେନସିକ୍ ଯାଂଚ ହେବ । ଖାଲି ଏତିକି ନୁହେଁ, ନିରପେକ୍ଷ ତଦନ୍ତ ପାଇଁ ଲାଂଚ କାରବାରରେ ସଂପୃକ୍ତ ସମସ୍ତଙ୍କୁ ପଚରା ଉଚରା ବି କରିବ ଭିଜିଲାନ୍ସ । ବିଧାୟକଙ୍କୁ ଜେରା ବେଳେ ତଦନ୍ତ ସଂସ୍ଥା କୌଣସି ଚାପର ବଶବର୍ତି ହେବନାହିଁ ବୋଲି ସ୍ପଷ୍ଟ କରିଛନ୍ତି ଭିଜିଲାନ୍ସ ନିର୍ଦେଶକ।
Kanak News is now on WhatsApp
Join and get latest news updates delivered to you via WhatsApp
ସେପଟେ ୪ ବିଜେଡି ବିଧାୟକଙ୍କ ମୁଖା ଖୋଲିବା ପରେ ରାଜନୀତି ଥମିବାର ନାଁ ନେଉନି । ମାମଲାକୁ ଥାନାକୁ ନେଇଛି ବିଜେପି । ଲାଂଚ ମାଗୁଥିବା ଶାସକ ଦଳର ବିଧାୟକଙ୍କ ନାଁରେ କ୍ୟାପିଟାଲ ଥାନାରେ ଏତଲା ଦେଇଛି ଦଳ । ଅଭିଯୋଗ କରିଚି, ରାଜ୍ୟ ସରକାର ପ୍ରସଙ୍ଗକୁ ଘଂଟ ଘୋଡାଇବା ଇରାଦାରେ ଭିଜିଲାନ୍ସ ତଦନ୍ତ ନିର୍ଦେଶ ଦେଇଛନ୍ତି । ମାମଲାର ସିବିଆଇ ତଦନ୍ତ କରିବାକୁ ଦଳ ଦାବି କରିଛି ।
ଏହା ସହ ଲାଂଚ ମାଗି ଫସିଥିବା ବିଧାୟକଙ୍କ ନିର୍ବାଚନ ମଣ୍ଡଳୀରେ ଉଭୟ କଂଗ୍ରେସ ଓ ବିଜେପି ବିରୋଧ ଜାରି ରଖିଛି। ଭବାନୀପାଟଣାରେ କଂଗ୍ରେସ ପକ୍ଷରୁ ବିରୋଧ କରାଯାଇଥିବା ବେଳେ ହିନ୍ଦୋଳରେ ବିଜେପି ପକ୍ଷରୁ ବିକ୍ଷୋଭ ଓ ରାଲି କରାଯାଇଛି । ସରକାରକୁ ଘେରିବାକୁ ମିଳିଥିବା ମୁଦ୍ଦାକୁ ହାତଛଡା କରିବାକୁ ପ୍ରସ୍ତୁତ ନାହାନ୍ତି ବିରୋଧୀ । ଆଉ ଏସବୁ ଭିତରେ ଭିଜିଲାନସ ତଦନ୍ତ ନେଇ ରାଜନୈତିକ ପ୍ରତିକ୍ରିୟା ପ୍ରକାଶ ପାଇଛି।
କନକ ନ୍ୟୁଜରେ ପ୍ରସାରିତ ଭିଡିଓ ଖୋଲିଛି ଶାସକ ଦଳର ମୁଖା । ଶିଳ୍ପ ପ୍ରତିଷ୍ଠା ପାଇଁ କୋଟି କୋଟି ଟଙ୍କାର ଡିଲ କରୁଥିଲେ ୪ ବିଧାୟକ। କ୍ୟାମେରା ସାମ୍ନାରେ ଧରା ପଡିବା ପରେ ମୁଖ୍ୟମନ୍ତ୍ରୀ ଦେଇଥିଲେ ତଦନ୍ତ ନିର୍ଦେଶ। ହେଲେ ପ୍ରଶ୍ନ ଉଠୁଛି, ଭିଜିଲାନ୍ସକୁ ଢାଲ କରି ସରକାର ଖସିବାକୁ ରାସ୍ତା ଖୋଜୁଛନ୍ତି, ନା ଜାଲ ଭାବେ ବ୍ୟବହାର କରି ବିଧାୟକଙ୍କୁ ଦଣ୍ଡ ଦେବାକୁ ଚିନ୍ତା କରିଛନ୍ତି ।
ଏହା ସହ ଶିଳ୍ପ ପାଇଁ ୪ ବିଜେଡି ବିଧାୟକ ଲାଂଚ ମାଗିବା ଘଟଣା : ଭିଜିଲାନ୍ସ ତଦନ୍ତ ନିର୍ଦେଶ ଦେଲେ ମୁଖ୍ୟମନ୍ତ୍ରୀ