‘ମୁଁ ଭାରତମାତା ପାଇଁ ସମର୍ପିତ , ତମେ ପରିବାର ସମ୍ଭାଳ’: ସହିଦ ହେବା ପୂର୍ବରୁ ପତ୍ନୀଙ୍କୁ ଏଭଳି କହିଥିଲେ ବାରଣାସୀର ସହିଦ ରମେଶ
‘ଆମ ପୁଅ ସହିତ ହିଁ ବାପା ଏବଂ ପରିବାର ଲୋକଙ୍କର ଧ୍ୟାନ ରଖିବ.. ମୁଁ ସୀମାରେ ରହି ଦେଶର ସୁରକ୍ଷା କରିବି ଏବଂ ତୁମେ ଭଲ ଭାବରେ ଘର-ପରିବାର ଲୋକଙ୍କୁ ସମ୍ଭାବ .. ଏବେ ମୁଁ କାହାକୁ ଦେଖିବି.. କାହାକୁ ସମ୍ଭାଳିବି .. ହେ ଭଗବାନ ଏ କଣ କଲ .. ଆମେ କାହାର କଣ ଅବା କ୍ଷତି କରିଥିଲୁ .. ଆମ ସହିତ ଏଭଳି କାହିଁକି ଘଟିଲା .. ।’ ପୁଲୱାମା ଆତଙ୍କବାଦୀ ଆକ୍ରମଣରେ ସହିଦ ହୋଇଥିବା ବାରଣାସୀର ବୀର ଯବାନ ରମେଶ ଯାଦବଙ୍କ ପତ୍ନୀ ବାରମ୍ବାର ଏହା କହି ଅଚେତ ହୋଇପଡୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ଜମ୍ମୁକଶ୍ମୀରରେ ସିଆରପିଏଫର ୬୧ ବାଟାଲିୟନରେ କାର୍ଯ୍ୟରତ ରମେଶ ଏଇ କିଛି ଦିନ ତଳେ ଗାଁକୁ ଆସିଥିଲେ । ଛୁଟି ସରିବା ପରେ ୧୨ ଫେବୃଆରୀରେ ରମେଶ ଘରୁ ଜମ୍ମୁ ଅଭିମୁଖେ ବାହାରିଥିଲେ । ଜମ୍ମୁ ଯିବା ସମୟରେ ରାସ୍ତାରେ ରମେଶ ପତ୍ନୀ ରେଣୁଙ୍କୁ ଫୋନ କରିଥିଲେ । ଫୋନରେ ପତ୍ନୀଙ୍କୁ ଘର ସମ୍ଭାଳିବା ପାଇଁ କହୁଥିଲେ ଏବଂ ନିଜେ ସାରା ଦେଶ ସମ୍ଭାଳିବାର ଦାୟିତ୍ୱ ନେବା କଥା କହିଥିଲେ ।
ରମେଶ ଘରୁ ବାହାରିବା ବେଳେ ବେଶ୍ ଖୁସି ଥିଲେ ଏବଂ ଘର ଲୋକଙ୍କୁ କହିଥିଲେ କି ମୁଁ ଖୁବ୍ ଶୀଘ୍ର ଫେରିବି । କିନ୍ତୁ କାହାକୁ ଜଣା ଥିଲା କି ରମେଶ ଏବେ ତିରଙ୍ଗାରେ ଘୋଡାଇ ହୋଇ ଘରକୁ ଫେରିବେ ବୋଲି । ରମେଶଙ୍କର ବୀରତ୍ୱ ପାଇଁ ସାରା ତୋଫାପୁର ଗର୍ବିତ । ହେଲେ ତାଙ୍କର ବୁଢା ବାପା ଏବଂ ପତ୍ନୀଙ୍କର ବୁକୁଫଟା ଚିକ୍ରାରକୁ ଦେଖି ଯେ କେହି ବି ତାଙ୍କୁ ଆଶ୍ୱସନା ଦେବାକୁ ସାହସ ଜୁଟାଇ ପାରୁନାହାଁନ୍ତି ।
ରମେଶଙ୍କ ଗୋଟିଏ ଦେଢ ବର୍ଷର ପୁଅ ଅଛନ୍ତି । ଗତକାଲି ରମେଶଙ୍କର ପାର୍ଥିବ ଶରୀର ତାଙ୍କର ଜନ୍ମମାଟିକୁ ଅଣାଯାଇଥିଲା । ହଜାର ହଜାର ସଂଖ୍ୟକ ଲୋକେ ତାଙ୍କର ପାର୍ଥିକ ଶରୀରକୁ ଶେଷ ସମାଲ ଦେବାକୁ ଧାଇଁ ଆସିଥିଲେ । ତାଙ୍କର ପରିବାର ଲୋକଙ୍କୁ ଭେଟିଥିଲେ ଆଉ ତାଙ୍କର ସହ ଦୁଃଖ ବାଂଟିଥିଲେ । ତେବେ ଏହି ସମୟରେ ଜଣେ ସିଆରପିଏଫ ଯବାନ ବି ଆସି ପହଂଚିଥିଲେ । ଆଉ ରମେଶଙ୍କର ଦେଢ ବର୍ଷର ଅବୋଧ ଶିଶୁଟି ଯବାନଙ୍କର ଟୋପିକୁ ଦେଖି ମା ବାପା ଆସି ଗଲେ ବୋଲି ତାଙ୍କ ନିକଟକୁ ଦୌଡି ଚାଲିଯାଇଥିଲେ । ହେଲେ ନିର୍ବୋଧ ଶିଶୁଟିକୁ ବି କଣ ଜଣା କି ତାର ବାପା ଭାରତ ମାତାର କୋଳରେ ସବୁଦିନ ପାଇଁ ଶୋଇଯାଇଛନ୍ତି ।
ରମେଶଙ୍କର ବଡ ଭାଇ ରାଜେଶ କର୍ଣ୍ଣାଟକରେ ଦୁଗ୍ଧ ବାବସାୟ କରନ୍ତି । ବାପା ଶ୍ୟାମା ନାରାୟଣ ଘରେ ରହି ଚାଷ ବାସ ସବୁ କରନ୍ତି । ଗୁରୁବାର ରାତି ପ୍ରାୟ ୮ଟା ବେଳେ ଏକ ଫୋନ ଆସିଥିଲା ଆଉ ଏହି ଫୋନରେ ରମେଶଙ୍କର ସହିଦ ହେବା ଖବର ତାଙ୍କୁ ମିଳିଥିଲା । ଘରେ ଯେତେବେଳେ ଏହି ଖବର ପହଂଚିଥିଲା କେହି ବିଶ୍ୱାସ କରିପାରିନଥିଲେ । କିଛି ସମୟ ପାଇଁ ମନରେ ପ୍ରଶ୍ନ ଉଠିଥିଲା , ସତରେ କଣ ରମେଶ ଆଉ ଫେରିବେନି । ତାର ବାପା ଆଉ ନାହାନ୍ତି ବୋଲି ମନୋଜଙ୍କ ଦେଢ ବର୍ଷର ପୁଅକୁ କେମିତି ବୁଝେଇବେ କେହି ଜାଣିପାରୁନାହାଁନ୍ତି । ଏକଥାକୁ କେହି ବିଶ୍ୱାସ କରିପାରୁନାହାନ୍ତି । କାରଣ ତିନି ଦିନ ତଳେ ହିଁ ରମେଶ ଘର ଲୋକଙ୍କୁ ଏହା କହି ବାହାରିଥିଲେ କି, ମୁଁ ଖୁବ ଶୀଘ୍ର ଆସିବି ବୋଲି ।