କନକ ବ୍ୟୁରୋ : ଉତରପ୍ରଦେଶ ରାଜନୀତିରେ ଘଡିକେ ଘୋଡା ଛୁଟୁଛି । ଗତକାଲି ୧୮ ଘଂଟାର ଫାମିଲି ଡ୍ରାମା ପରେ ମୁଖ୍ୟମନ୍ତ୍ରୀ ଅଖିଳେଶ ସିଂହ ଯାଦବ ଓ ବରିଷ୍ଠ ନେତା ରାମ ଗୋପାଳ ଯାଦବଙ୍କ ଉପରେ ବହିଷ୍କାର ଆଦେଶ ପ୍ରତ୍ୟାହାର କରା ଯାଇଥିଲା । ବାପ-ପୁଅଙ୍କ ମଧ୍ୟରେ ମିଳାମିଶା ନେଇ ସଂଦେଶ ଦିଆଯାଇଥିଲା । ହେଲେ ଆଜି ସକାଳୁ ପୁଣି ଥରେ ମୁଲାୟମ-ଅଖିଳେଶ ମୁହାଁମୁହିଁ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦଳର ସୁପ୍ରିମୋ ମୁଲାୟମ ସିଂହ ଯାଦବଙ୍କ ବାରଣ ସତ୍ୱେ ଆଜି ସମାଜବାଦୀ ପାର୍ଟିର ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ କରିଛନ୍ତି ମୁଖ୍ୟମନ୍ତ୍ରୀ ଅଖିଳେଶ ଯାଦବ । ଗତକାଲି ୨୦୧୭ ଜଣ ବିଧାୟକଙ୍କ ତାଙ୍କ ପ୍ରତି ସମର୍ଥନ ରହିଥିବା ଦାବି କରି ନିଜର ଶକ୍ତି ପ୍ରଦର୍ଶନ କରିଥିଲେ ।
ଯୁବ କର୍ମୀଙ୍କ ପଟୁଆର ତାଙ୍କ ସମର୍ଥନରେ ବାହାରି ଥିଲା । ଆଜି ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ ଡାକି ଅଖିଳେଶ ପ୍ରମାଣ କରିଛନ୍ତି, ସେ ହିଁ ଦଳର ସର୍ବେସର୍ବା । ଏହି ବୈଠକ ଅସାମ୍ବିଧାନିକ ବୋଲି କହିଛନ୍ତି ମୁଲାୟମ ।
ଏଥିରେ ଯୋଗ ନଦେବାକୁ ନେତାଜୀଙ୍କ ଚେତାବନୀକୁ ପରୱା ନକରି ବହୁ ସଂଖ୍ୟାରେ ଦଳର ବରିଷ୍ଠ ନେତା କାର୍ଯ୍ୟକାରିଣୀ ଯୋଗ ଦେଇଛନ୍ତି । ଅଖିଳେଶଙ୍କୁ ମୁଖ୍ୟମନ୍ତ୍ରୀ କରିବା, ଶିବପାଲ ଯାଦବ ଓ ଅମର ସିଂହଙ୍କୁ ଦଳରୁ ବହିଷ୍କାର କରିବାକୁ ଦାବି ହୋଇଛି ।
ସେପଟେ ଦଳରୁ ଇସ୍ତଫା ଦେବା ଲାଗି ମୁଲାୟମଙ୍କୁ ପ୍ରସ୍ତାବ ଦେଇଛନ୍ତି ଭାଇ ଶିବପାଲ ଯାଦବ । ପୁଣି ଥରେ ଦଳ ବିଭାଜନ ଆଡକୁ ଗତି କରୁଥିବା ଦେଖିବାକୁ ମିଳିଛି ।