ଅମିତ ମାରିଲେ ୟୁପି ଚ୍ୟାଲେଂଜ ! କହିଲେ ଦୁଇ ତୃତୀୟାଂଶ ଭୋଟ ସହ କରିବୁ କବଜା
କନକ ବ୍ୟୁରୋ: ଉତ୍ତରପ୍ରଦେଶ ନିର୍ବାଚନ ପାଇଁ ଆଜି ବିଜେପି ଇସ୍ତାହାର ପ୍ରକାଶ କରିଛି । ପାର୍ଟି ଅଧ୍ୟକ୍ଷ ଅମିତ ଶାହା ଲକ୍ଷ୍ନୌରେ ଘୋଷଣାପତ୍ରକୁ ଲୋକ ସଂକଳ୍ପ ନାମରେ ଜାରି କରିଛନ୍ତି । ବିଜେପି ସରକାର ଗଠନ କଲେ ୫ ବର୍ଷରେ ୧୫ ବର୍ଷର ଅଭାବକୁ ପୁରଣ କରାଯିବ ବୋଲି ଶାହା କହିଛନ୍ତି । ଏଥିସହ ବିଜେପି ଦୁଇ ତୃତୀୟାଂଶ ସହ ୟୁପିରେ ସରକାର ଗଢିବ ବୋଲି କହିଛନ୍ତି ଶାହା । ଦଳ ୯ଟି ପ୍ରସଙ୍ଗକୁ ନେଇ ନିଜ ଇସ୍ତାହାର ପତ୍ର ପ୍ରସ୍ତୁତ କରିଛି ।
Kanak News is now on WhatsApp
Join and get latest news updates delivered to you via WhatsApp
ବିଜେପି ସରକାର ଗଠନ କଲେ ଅବୈଧ କଂସେଇଖାନା ବନ୍ଦ କରାଯିବ, ଖାଲିଥିବା ଦେଢ ଲକ୍ଷ ପୁଲିସ ପଦବୀ ପୁରଣ କରାଯିବ । ଛାତ୍ରଛାତ୍ରୀଙ୍କୁ ଲ୍ୟାପଟପ ସହ ୱାନ ଜିବି ଡାଟା ଦିଆଯିବ । ଗ୍ରାଜୁଏସନ ଯାଏଁ ବାଳିକାଙ୍କୁ ମାଗଣା ଶିକ୍ଷା ଦିଆଯିବ । ୨୫ ନୂଆ ମେଡିକାଲ କଲେଜ ଖୋଲାଯିବ । ସମସ୍ତ ଅପରାଧୀଙ୍କୁ ୧୫ ଦିନ ଭିତରେ ଜେଲରେ ପୁରାଇ ଦିଆଯିବ ବୋଲି ଶାହା କହିଛନ୍ତି ।