ମହଙ୍ଗା ପଡିଲା ବାଇକ ଚୋରି ! ଉତ୍ତରପ୍ରଦେଶ ମିରଠରେ ବାଇକ ଚୋରକୁ ନିସ୍ତୁକ ପିଟିଲେ ଲୋକେ
କନକ ବ୍ୟୁରୋ : ଲୋକଙ୍କ ରୋଷର ଶିକାର ହେଲେ ବାଇକ ଚୋର । ଉତ୍ତରପ୍ରଦେଶ ମେରଠରେ ବାଇକ ଚୋର ଉପରକୁ ମାଡିଗଲେ ଉତ୍ୟକ୍ତ ଲୋକ । ଯିଏ ଯେମିତି ପାରିଲା ସେମିତି ମାରିଲା ବାଇକ୍ ଚୋରକୁ । କିଏ ଠେଙ୍ଗାରେ ପିଟିଲା ତ ପୁଣି କିଏ ଗୋଇଠା ମାରିଲା । ମାଡ ଖାଉଥିବା ବ୍ୟକ୍ତି ଜଣଙ୍କ ଯେତେ ନେହୁରା ହେଲେ ବି କେହି ଗୁହାରି ଶୁଣିବାକୁ ନାରାଜ । ଲୋକଙ୍କ ଅଭିଯୋଗ ଅନୁସାରେ ମାଡ ଖାଉଥିବା ବ୍ୟକ୍ତି ଜଣକ ହେଉଛନ୍ତି ଜଣେ ବାଇକ୍ ଚୋର ।
Kanak News is now on WhatsApp
Join and get latest news updates delivered to you via WhatsApp
ତେବେ ସେ ଏବଂ ତାଙ୍କ ଜଣେ ସହଯୋଗୀ ବାଇକ ଚୋରୀ କରୁଥିବା ଦେଖି ସ୍ଥାନୀୟ ଦୋକାନୀ ତାଙ୍କୁ ପ୍ରତିବାଦ କରିଥିଲେ । ଏହାପରେ ଅଭିଯୁକ୍ତ ଜଣକ ତାଙ୍କ ଉପରେ ଆକ୍ରମଣ କରିଥିଲେ । ବାସ୍ ଏତିକି ତା’ପରେ ଅଭିଯୁକ୍ତଙ୍କ ଉପରେ ଉତ୍ତମ ମଧ୍ୟମ ହେଲା । ଯିଏ ଯେମିତି ପାରିଲା ତାଙ୍କ ଉପରେ ପ୍ରହାର କରିଚାଲିଲା । ତେବେ ଏଥିରୁ ବର୍ତ୍ତିିଗଲେ ଆଉ ଜଣେ ଅଭିଯୁକ୍ତ । ସେ ମଉକା ଦେଖି ଖସିପଳାଇବା ପରେ ଲୋକଙ୍କ ସବୁ ରାଗ ଶୁଝିଲା ଧରାପଡିଥିବା ବ୍ୟକ୍ତିଙ୍କ ଉପରେ ।